Ejikele 18:24 - Bibilia Buk na Ŋun nagon koti luŋu a

²⁴ Ama ko ŋuto loron a löpukuŋdyö kapo i torigwo nanyit a iŋge toroŋdya, a koŋdi po na mamana jojo ko nagon ŋuto loron kökon kune, lepeŋ ŋona gwon jörun le? Iŋkoi, nene na konesi kanyit na rigwo nagon nye a kon kune ’bayin nagon yeyeŋ; lepeŋ twatwan kogwon nye a ko ’yu twöju a iŋge koŋdya toron.

Ejikele 18:24 Iomraidhean Croise

2 Dekat 24:2

A Yöasa koŋdi ŋo nagon a na ’but ko MATAT i metet i perok liŋ ti koane Yoyada.

Saumajin 125:5

Ama MATAT mo nyömöddu ŋutu logon a girara i kikolin kase lukwölöŋök i ŋirit na geleŋ ko ŋutu logon a kakonak ti lyaŋesi kulo! Ti jur lo Yisaraele gwe ko taliŋ!

Tolupesi 14:32

Konesi narok ti ŋuto loron na to ’doro ’yu lepeŋ, ama ŋuto lo rigwo ryeju pirit ’danaet ko torigwo nanyit.

Tolupesi 21:16

Ko ŋuto a girara kaŋo i kiko lo kurundyö na kulya, lepeŋ mo yuyukan i momoret na ŋutu lo twatwa.

Yeremia 34:16

Ama a ta iŋge löpuggö yeyeesi kasu, a toluddye karin kwe, i diŋit nagon ta liŋ geleŋ geleŋ a nyökuŋdyö bot ’dupi kasu lyan ko nawate, kilo a se logon ta aje kölörö a lui gwoso i ’dekesi kase kulo, a iŋge ri ’dikin lepeŋat i gwon a ’dupi kasii.

Ejikele 17:20

A nan mo gubakiŋdye birya nio kanyit loki, a boyi nio mo morgi lepeŋ, a nan mo joŋgi lepeŋ Babela yu i jambu na putet, kogwon toron nagon nye a konakin nan na.

Ejikele 18:18

A ko gwe gwoso monye lonyit, kogwon nye a karudanit a ryaggi kulye ŋutu, a koŋdi ŋo nagon ’bayin a na ’but i kiden na ŋutu kanyit, mete ta, lepeŋ aje twan kogwon toronjin kanyit.

Ejikele 18:22

A nene na toronjin nagon nye köju a kon kune tine yiyiki lepeŋ arabat, a lepeŋ ködyö gwe jörun kogwon torigwo nagon nye a kon na.

Ejikele 18:26

A ko ŋuto lo rigwo a löpukuŋdyö kapo i torigwo nanyit a iŋge toroŋdya, lepeŋ twatwan kogwon ŋina toron; lepeŋ twan kogwon toron nagon nye kökon na.

Ejikele 20:27

Nyenagon ŋuro lo ŋuto, jambi ko kötumit na Yisaraele ko taki lepeŋat adi, MATAT ŊUN lo kulo adi, I ŋina ŋo merenyejin kasu köti a lauŋdya nan, lepeŋat a kö ’yu twöju nan.

Ejikele 33:18

A ko ŋuto lo rigwo a löpukuŋdyö kaŋo i torigwo a iŋge toroŋdya, lepeŋ mo twatwan kogwon ŋina toron.

Ejikele 33:6

Ama ko katiyunit a met merok i po, a gwe a ko kuddya tore anyen toŋiju ŋutu, a ko merok a po a morgi lele lose, ŋilo ŋuto tatua nyuŋ gwon ko toron, ama a nan mo luŋgi rima kanyit ko katiyunit i könin.

Jepania 1:6

kilo a ŋutu logon wöriŋökiŋdyö nan MATAT ki ’dirinö kase, a se tine ga ’yu nan kode piyuŋdya kulya koyö.

Marako 13:13

a ŋutu liŋ mo mane man ta kogwon karin kwe. Ama ŋuto logon a ŋoŋga tojo ko ’dutet lo mo lwölwökö.

Yoane 8:21

Köti a Yesu takiŋdye lepeŋat adi, Nan mo tutu, a ta mo ga ’yi nan, ama ta mo twatwa i toronjin kasu. Ta ti bulö tu i pirit nagon nan tu kata nu.

Yoane 8:24

ŋina a kwe nagon nan takiŋdye ta adi ta ködyö twatwa i toronjin kasu; kogwon ko ta a ko yuŋ adi nan nye lo, a ta mo twatwane i toronjin kasu.

Galatia 3:3

Ta kudyakan a lu ’boŋ parik le? Ta aje suluja i riŋit na Mulökötyo lo Ŋun a ta ’deke tutuŋgo ko riŋit nasu na mugun le?

Galatia 3:4

Ta ŋona a ryeju deŋdya na kine kulya ko kana le? Ta ŋona a ko ryö ko kana?

Galatia 5:7

Ta köju wöwökön ’bura i opere; ŋa lo tuyaŋgu ta i twöju na kulya ’diri?

1 Yoane 2:19

Kilo ŋutu a geladdu ’borik kaŋo kayaŋ kata, ama se ’bayin a ti teŋ nikari, kogwon ko se ködyo a ti teŋ nikaŋ, a se yeŋe gwon koyi. Ama se a geladdu ’borik kaŋo anyen boŋö kweki köke adi, lele lose ’bayin a lo teŋ nikaŋ.

2 Yoane 1:8

Kunyar ta ’börik anyen ta böŋö gwon ti tolikiŋdyö ŋo bo nagon yi a kitari kine, anyen ta böŋö wuju ropet a duma.

Yuda 1:12

Kilo ŋutu gwon gwoso lut nagon ’yoddya ta na gwoŋdi ta i nyesu i pirit na geleŋ ko tojulin nasu na gwon ko Yesu i mugun na, lepeŋat nyesu ko möju ko to ’betan rurugga ’borik ka ’de. Lepeŋat gwoso ’dikolo na wuköji ko köbuŋöt a tine joŋdya kudu; lepeŋat gwoso kaden ti ’butun logon ti radan ludweki, lepeŋat a kaden logon a gwunye kaŋo ko kokori a iŋge twatwa asut.

Kweyatti 2:10

Ti do gwe ti kujono ŋo nagon do de ŋogoŋ kine. Mete, kaŋöönit de gugubakin kulye kasu i kadi rereket, anyen ta tetema, a ta mo sasanyani ko perok puök. Ŋoŋgi go tojo ko twan, a nan mo tiŋdi do Iŋguya telet logon a ru.

Kweyatti 3:11

Nan ŋilo popo ’de ’de. ’Depe po nagon konut kine go, anyen lele ŋuto boŋo gwon ti ’dumara Iŋguya ilot telet.

1 Samuele 15:11

Nan a delya i tiŋdu na Saula a mor; kogwon nye aje kukut bot I kebbu na nan, a tine koŋdya saresi kwe. A Samuele wore woran; a nye gwiki ko MATAT tukwaje liŋ.