Ejikele 18:21 - Bibilia Buk na Ŋun nagon koti luŋu a

²¹ Ama ko ŋuto loron a löpukuŋdyö kapo i toronjin kanyit liŋ nagon nye kökon kune, a ’debbi saresi kwe liŋ lo wuro, a koŋdi po na ’but i saret ko a gwak, ŋilo ŋuto ’diri gwon jorun, lepeŋ ti twan.

Ejikele 18:21 Iomraidhean Croise

Suluet 26:5

Nan mo koŋdya sona kogwon Abarayama a yiŋga gworo lio, a ’debbi jujuja nio, ko yokiesi kwe, ko salesi kwe lo wurö se ko saresi kwe.

Saumajin 119:1

Ŋutu logon gwiliŋisi kase ’bak yuyukesi logon wörö i saresi ti MATAT kulo a kalyöŋök.

Saumajin 119:112

Nan a tindu töili lio anyen nan ŋupi kondya saresi kulök lo wurö tojo ko ’dutet.

Saumajin 119:80

Ti töili lio gwe a loke i saresi kulök lo wurö kulo, an nan ko wuju yu na kwe!

Tolupesi 28:13

Ŋuto lo muggö toronjin kanyit mo ti puputuru ŋerot, ama nye lo tutuggö toronjin a kö ’yi se lo mo pipitöki.

Yeremia 18:8

A ko ŋutu ti ŋilo jur loron nan a jambu i kulya kase kulo a löpukuŋdyö kaŋo kase i konesi narok, a nan mo löpuŋge lopuggo i ŋo naron naŋon nan a yeyeju konakiŋdya se na.

Yeremia 26:3

Kode ŋona lepeŋat mo yiyiŋga, a se liŋ geleŋ geleŋ mo lopukuŋdye kaŋo i kikolin kase lorok, anyen nan bögö lölöpuggö i ŋo naron nagon nan a yeyeju konakiŋdya lepeŋat na, kogwon konesi kase narok kune.

Ejikele 13:22

Ta a tomunya-ŋdu töilyet ti ŋutu lo rigwo ko kulya ’burönö, ma ’di nagon nan MATAT ti ’bön koŋdya sona, a ta kölumbö togo ’yi ŋutu lorok anyen lepeŋat ködyö gwon ti löpukwe kaŋo i konesi kase narok anyen lwöggu ru nase.

Ejikele 18:17

a tine ’bulukiŋdyö könin lonyit i ŋo naron, a tine luŋgu woli kode ’yalet i po na kuroji kanyit kune, a tiji jujuwesi kwe, a wöröni i saresi kwe lo wuro— ŋuto gwoso ŋilo mo ti twan kogwon toronjin ti monye, lepeŋ ’diri mo gwon jorun.

Ejikele 18:19

Ama kölumbö a ta pipije adi, Ko nyo nagon ŋuro ti poŋga kogwon toron na monye? A ko ŋuro a koŋdya po nagon a na ’but i saret ko a gwak, a iŋge tiju saresi kwe liŋ lo wuro, lepeŋ mo ’diri gwon jörun.

Ejikele 18:30

Nyenagon ta kötumit na Yisaraele, nan mo ’du ’dupökin ta putesi ŋutu liŋ gwoso i kikolin kase. Ŋilo a kulyaet lio lo MATAT ŊUN. Nyena löpuŋge ta töilyet, löpukuŋdye ta kapo i lauŋdya nasu na saresi kwe liŋ, anyen toron böŋö gwon ti to ’doro ’yu ta.

Ejikele 18:5

Ŋuto logon a lo rigwo koŋdya ŋo nagon a na ’but i saret ko a gwak.

Ejikele 18:9

a wöröni i saresi kwe lo wurö, a tiji jujuwesi kwe. Ŋuto gwoso ŋilo a lo rigwo; lepeŋ ’diri mo gwon jörun. Ŋilo a kulyaet lio lo MATAT ŊUN.

Ejikele 3:21

Ama ko ködyö do a takin ŋuto lo rigwo adi, Kunyar! anyen lepeŋ gwon ti toroŋdya, a lepeŋ gwe a ko toroŋdya, ’diri nye mo ruru kogwon nye a yiŋ kunyaresi, nyena a do mo lwöggi ru inot.

Ejikele 33:19

A ko ŋuto loron a löpukuŋdyö kaŋo i po narok nagon nye kökon kune, a koŋdi po nagon a na ’but i saret ko a gwak, a nye mo rune ru kogwon kine kulya.

Ejikele 36:27

a nan mo tiŋdi mulökötyo lio kasu i mugunya, a nan mo tiŋdi ta i wörö köyö i saresi lo wurö kulo, ko i tiriku i ’debba na jujuwesi kwe.

Daniele 4:27

Nyenagon pon mor, ti do boŋo yiŋe yio jujuwesi kwe; böŋö kblbki toronjin kunok, a do koŋdi kulya na rigwo, paji konesi narok, a do won konyen ko ŋuto lo ruda, kode anyen do ŋona si ’da ko taliŋ diŋit a najo.

Luka 1:6

A se murek liŋ gwe rigwo ko Ŋun i komor kekebbu saresi liŋ se ko jujuwesi ti MATAT ’bak ŋoit.

Luka 24:47

anyen ŋutu ködyo tokuoddu i karin kanyit i jurön liŋ suluja Yerusalema adi, ti ŋutu liŋ löpuŋge toilyet anyen toronjin kase pipitoki.

Konesi 3:19

Nyenagon löpuŋge ta töilyet ko löpukwene ta ko Ŋun ni, anyen toronjin kasu boŋo seyaji kaŋo. A Matat mo tiŋdi ta diŋit toruet,

Roma 8:13

Kogwon ko ta gwolor gwoso nagon mugunya kaŋ ti na kak ’de ’dekan na, a ta mo twatwane twatwa, ama ko ta tatuja konesi ti mugun i riŋit na Mulökötyo a ta mo rune ru.

Yakobo 2:14

Luŋasirik kwe, ’bulit a nyo i ŋutu logon kulya adi nye gwon ko yupet, ama ti koŋdya nene go nagon kwekiŋdya ŋina yupet nanyit? ŋina yupet gona lwölwök nye le?

Yakobo 2:26

Kogwon ko ru ’bayin ko ŋuto i mugun, ŋutu twatwan, nyena koti ko yupet ’bak konesi lepeŋ a ŋo nagon a twan.