Ejikele 18:20 - Bibilia Buk na Ŋun nagon koti luŋu a

²⁰ Ŋuto logon a toroŋdya lo mo kakaŋu. A ŋuro mo tine poŋga kogwon toron na monye, a monye mo tine poŋga kogwon toron na ŋuro. Ŋuto lo rigwo ropaki torigwo nanyit, a katoronyanit ropakine toron nanyit.

Ejikele 18:20 Iomraidhean Croise

1 Moran 14:13

A ŋutu liŋ ti Yisaraele mo gwine lepeŋ a nuŋge lepeŋ, nye geleŋ tuŋ lo kötumit na Yerobama logon öpu nanyit mo nunuka, kogwon MATAT ŋun lo Yisaraele a ryeju nene ŋo na tulyöŋgu lepeŋ ko ŋilu luŋudi i kötumit na Yerobama.

1 Moran 8:32

a ti do böŋö yinge yiŋga ki yu a kitani kita inot, ko ti do lileŋ köliŋönök kulök, i ’duŋökiŋdyö na putet lo ŋuto loron anyen ropakiŋdya lepeŋ toron nanyit kanyit i kwe, ko i tuggö adi ŋuto logon ko löti lo ’but a ’buŋu, a ropaki-ŋdye lepeŋ gwoso löti lonyit lo rigwo.

2 Moran 14:6

Ama a nye gwe a ko tatu ŋwajik ti kulu katatuak; gwoso na wuröri i buk na saresi ti Mose na saŋi MATAT nu adi, A komonye kodyo tine tatua i kulya ti ŋwajik, kode a ŋwajik ködyö tine tatua i kulya ti komonye; ŋutu liŋ geleŋ geleŋ kodyö tatuani kogwon toronjin kase.

2 Dekat 25:4

Ama a nye gwe a ko tatu ŋwajik kase, gwoso na wuröri i buk na saresi ti Mose na saŋi MATAT nu adi, A komonye kodyo tine tatua i kulya ti ŋwajik, kode a ŋwajik kodyo tine tatua i kulya ti komonye, ŋutu liŋ geleŋ geleŋ kodyo tatuani kogwon toronjin kase.

2 Dekat 6:23

a ti do böŋö yiŋge yiŋga ki yu a kitani kita inot, ko ti do lileŋ koliponok kulok i ropakiŋdya na ŋuto loron toron nanyit kanyit i kwe, ko i tuggo adi ŋuto logon ko loti lo’but a ’buŋu, a ropakindye lepeŋ gwoso loti lonyit lo rigwo.

2 Dekat 6:30

nyena a ti do böŋö yiŋge yiŋga ki yu nagon a pirit inot gwiliŋit na, a do böŋö pito­kiŋdye se, a do ropakiŋdye ŋutu liŋ gwoso i konesi kase ka ’de ka ’de, gwoso na deŋdi do toilyet kase na, kogwon do geleŋ tuŋ lo deŋdya toilyet ti ŋutu;

Yuörö 32:33

Ama a MATAT waddi Mose adi, Ko lon ŋuto logon a toroŋdya nan, a nan mo seyaddi lepeŋ kaŋo köyö i buk.

Yisaya 53:11

i mukök na dara na ködudwö nanyit a nye mo meddi parara, a piö yimönöni yimönö, a kölipönit liŋ lo rigwo lo mo ririkiŋdye ŋutu jore gwogwo, kogwon kuruŋdyönanyit, a nye mo ’doggi toronjin kase.

Ejikele 14:14

Nyena ma ’di kilu ŋutu musala logon a ko Noa, ko Daniele, se ko Eyobo ködyö gwolor nyu, lepeŋat ködyö lwökuŋdyö ru nase tuŋ kogwon torigwo nase. Ŋilo a kulyaet lio lo MATAT ŊUN.

Ejikele 14:16

nan MATAT ŊUN lo kulya adi, ’Diri ’diri gwoso na gwoŋdi nan na, ma ’di kilo ŋutu musala ködyö gwolor nyu, lepeŋat ka ’de mo lo lwökö, a se ködyö tine lwökuŋdyö ŋwajik kase lulyan kode nawate, ama a jur ködyö konani a murwö.

Ejikele 18:13

a luŋgi ’yalet i ŋo na kuröji kanyit a tiŋdi kakurönit i robba ko wöli; ŋuto gwoso ŋilo ŋona gwon jörun le? ’Bayin, lepeŋ ti gwon jörun kwöŋ; lepeŋ ’diri twatwan kogwon nye aje koŋdya kine ŋo liŋ na mamana, a rima kanyit mo poki kanyit i kwe.

Ejikele 18:30

Nyenagon ta kötumit na Yisaraele, nan mo ’du ’dupökin ta putesi ŋutu liŋ gwoso i kikolin kase. Ŋilo a kulyaet lio lo MATAT ŊUN. Nyena löpuŋge ta töilyet, löpukuŋdye ta kapo i lauŋdya nasu na saresi kwe liŋ, anyen toron böŋö gwon ti to ’doro ’yu ta.

Ejikele 18:4

Mete ta, ru na ŋutu liŋ a nio; kweja adi ru na monye se ko ru na tore a nio. Ŋuto logon a toroŋdya lo mo kakaŋu.

Ejikele 33:10

Do ŋuro lo ŋuto, kulyani ko kötumit na Yisaraele adi, Ta ŋupi jambu adi, Lyaŋesi kaŋ se ko toronjin kaŋ gwon kayaŋ i kusik, a yi kakaŋi kakaŋu kogwon se, a yi ŋona bulöni bulö gwon jörun ada?

Ejikele 33:6

Ama ko katiyunit a met merok i po, a gwe a ko kuddya tore anyen toŋiju ŋutu, a ko merok a po a morgi lele lose, ŋilo ŋuto tatua nyuŋ gwon ko toron, ama a nan mo luŋgi rima kanyit ko katiyunit i könin.

Ejikele 4:4

A kirut pirikine kak ko merete lo kadoŋe, a nan mo sopakiŋdye riŋet na toron na kötumit na Yisaraele konut i mugun; do mo ŋogoŋ riŋet na toron na kötumit na Yisaraele ko perok gwoso na piriki ’e do ko ŋilo merete na.

Lewi 10:17

Ko nyo ta a ko nyesu rubaŋga lo toron i pirit nake na rurwan? Kogwon a ŋo nake parik ko a tiki ta anyen ta ködyö ’doggu ŋonyan na na momoret, i toke ’ya na lepeŋat ko MATAT i komor.

Lewi 16:22

a lu meetyo mo ’dokoddi ŋonyesi ti lepeŋat liŋ kanyit i mugun tojo i lele jur logon a wöli kana, a ŋuto ködyö kölökiŋdye lu meetyo i yöbu kata.

Lewi 19:8

a ŋutu liŋ geleŋ geleŋ logon a nyesu lepeŋ kulo ŋadi mo ’doggu ŋonyan nanyit, kogwon nye a toluddya ŋo nake na rurwan nio na MATAT; a ŋilu ŋuto ködyö riköjine kaŋo i ŋutu kanyit.

Lewi 5:1

Ko lele ŋuto a luŋu i tökoŋu na kulya, a ko lepeŋ a kukuki go i tuggö na ŋo nagon nye a met kode a yiŋ kune, a nye gwe a ko tukun kaŋo, ŋilo ŋuto gwon ko toron a mo ’doggi toron nanyit.

Lewi 5:17

A ko lele ŋuto a toroŋdya i koŋdya na nene na kine ŋo nagon MATAT aje sarakin adi ti kona kune, ma ’di nagon nye a ko den, ama nye gwon ko toron a nye mo ’doggi toron nanyit.

Kenet 15:31

Kogwon nye aje lauŋdya kulyaet lo MATAT, nye aje ’beleŋgu saret lonyit, a ŋilu ŋuto ködyö riköjine kaŋo asut, a tukwölöŋ nanyit mo gwe kanyit i kwe.

Kenet 18:1

A MATAT kulyani ko Arona adi, Do se ko ŋwajik kulök ko kötumit na merenyu i pirit na geleŋ ködyö ’doggu toronjin i kulya ti pirit nake na rurwan; a do se ko ŋwajik kulök ködyö ’doggi toronjin i kulya ti tokoaŋan nasu.

Matayo 16:27

Kogwon nan Ŋuro lo ŋuto mo popo ko malaikajin kwe i pirit na geleŋ i minyo lo Baba, a kirut a nan mo ropakiŋdye ŋutu liŋ gwoso i konesi kase.

Nyökit 24:16

A komonye ködyö tine tatua i kulya ti ŋwajik, kode a ŋwajik ködyö tine tatua i kulya ti komonye; ŋutu liŋ geleŋ geleŋ ködyö tatuani kogwon toronjin kase.

Ebere 9:28

jojo köti Kristo a wukiŋdya mugun dao geleŋ anyen ’doggu toronjin ti ŋutu jore. Lepeŋ mo pupukun daŋ tomurek, ti gwon i kulya ti toronjin, ama joŋdya lwökit i ŋutu lo mömöŋdu nye ko pusök kulo.

1 Petero 2:24

Nye lepeŋ lo ’doŋu toronjin kaŋ kanyit i mugun i kodini, anyen yi boŋo twatwa i kulya ti toron ko anyen ruru i kulya ti loti lo rigwo.

Kweyatti 2:23

Nan mo tutukar ŋwajik kanyit asut. A kanisajin liŋ mo dene den adi nan a nye lo ga ’yu yeyeesi na gwon ko ŋutu i töilyet lo, a nan mo ropakiŋdye ta liŋ geleŋ geleŋ gwoso i konesi kasu.

Kweyatti 20:12

A nan meddi ŋutu lo twatwa temejik ko lo ’di ’dik gwogwo ’dan i komor na ŋina si ’daet, a bukön ŋani gai. A kirut nene buk na ŋani nagon a buk nagon karin ti ŋutu lo gwon jörun kulo a wuröki kata na. A ŋutu lo twatwa kulo iŋge ’duŋoki putesi gwoso i konesi kase nagon a wuroki i bukon kune.