Ejikele 18:2 - Bibilia Buk na Ŋun nagon koti luŋu a

² Tolupet lo jam ta i jur lo Yisaraele adi, Komonye nyesu ludweki ti binyo lodök a kala ti ŋwajik jayine jayi, ŋilo tolupet kweja nyo?

Ejikele 18:2 Iomraidhean Croise

Eyobo 21:19

A ta kulyani adi, Ŋun a ’dela-kiŋdya ŋwajik toronjin kase komonye; iŋkoi, ti Ŋun ropakiŋdye komonye toronjin kase, anyen se deden.

Yuörö 20:5

do ködyö ti rugwuŋöki kase i komor, do ködyö ti twöju se; kogwon nan MATAT ŋun ilot gwon a ŋun logon a kayinönit. Nan tiŋdu toronjin kase monye ko torela i kusik tojo ko nyakwariat tomusala ko toiŋwan ti Ŋutu logon maman nan kilo;

Yisaya 3:15

Ta yeyeju nyo na mumuyugge ta ŋutu kwe, na rudakiŋdye ta komorsikan ti lomerika gwoso ŋuto najiji jöna? Kilo a kulyaesi ti MATAT Ŋun lo kurumi.

Yeremia 15:4

A nan mo tiŋdi tumatyanjin liŋ ti kak i rigwökö kogwon kulya kase, kogwon ŋo nagon Manase ŋuro lo Kijikia mor lo Yuda aje kon Yerusalema yu kunu.

Delyasi 5:7

Kobaba aje toroŋdya, a gwe ’bayin; a yi ’doggi lyaŋesi kase.

Ejikele 12:22

Ŋuro lo ŋuto, tolupet nagon ŋutu jajam i jur losu lo Yisaraele na kweja nyo nagon ta kulya adi, Perok ’yaladdu ŋerot a ŋo na memeta na met nebi kanyit i töili kune worani a ŋo kana?

Ejikele 16:44

Mete, a ŋutu liŋ logon jambu tolupe-si kulo mo jambi lele tolupet i kulya kunök adi, Ŋuro nakwan a kelaji ko ŋote.

Ejikele 17:12

Pine kötumit na karerenyak adi, Ta ŋona a ko den ko kine kulya kweja nyo? Taki lepeŋat adi, Mete ta, mor lo Babela a po Yerusalema, a joŋgi mor se ko ŋutu temejik kanyit yu Babela.

Ejikele 18:1

A kulyaet lo MATAT köti poki köyö pija adi,

Ejikele 18:19

Ama kölumbö a ta pipije adi, Ko nyo nagon ŋuro ti poŋga kogwon toron na monye? A ko ŋuro a koŋdya po nagon a na ’but i saret ko a gwak, a iŋge tiju saresi kwe liŋ lo wuro, lepeŋ mo ’diri gwon jörun.

Ejikele 18:3

Nan MATAT ŊUN lo kulya adi, ’Diri ’diri gwoso na gwoŋdi nan na, ta mo köti ti jambu ŋilo tolupet kwöŋ i Yisaraele.

Ejikele 25:3

Tambi ko ŋutu ti Amon adi, Yiŋge ta kulyaesi ti MATAT ŊUN. MATAT ŊUN lo kulya adi, Kogwon ta aje ’dö ’döju na meddi ta pirit nio nake na rurwan i körö nu, a ta iŋge ’dö ’döju jur lo Yisaraele i diŋit nagon nye aje kona a murwö nu, a ta iŋge ’dö ’döju kötumit na Yuda i diŋit nagon se aje joŋa i to ’dupien nu,

Ejikele 37:11

A kirut lepeŋ takiŋdye nan adi, Ŋuro lo ŋuto, kilo kuyu a kötumit ’bukuluŋ na Yisaraele. Mete, se kulya adi, Kuyu kaŋ gwe a loteyok, yenet nikaŋ aje ’baka; yi aje ’duŋöji kaŋo asut.

Ejikele 37:19

taki lepeŋat adi, MATAT ŊUN lo kulya adi, Mete ta, nan ’du ’dumun ture logon a lo Yosepa ko a lo kötumitön ti Yisaraele logon mora ko lepeŋ kulo (ŋilo ture Epuraima lo ’debba), a nan tomorakiŋdye ture lo Yuda i lepeŋ, a kilo turya murek mo gwe a ture geleŋ köyö i könin.

Ejikele 37:25

A se mo gwolore i jur logon nan aje tikin köliŋönit lio Yakobo. (Ŋilo a jur logon merenyejin kasu si ’da kata lo.) A ŋutu ti Yisaraele ko ŋwajik kase se ko nyakwariat kase mo si ’dani nyu ŋupi ŋupi; a köliŋönit lio Dawidi mo gwe a kasaranit lose ŋupi.

Ejikele 7:2

Do ŋuro lo ŋuto, nan MATAT ŊUN lo kulya ko jur lo Yisaraele adi, Ŋina gwe a ’dutet, ’dutet ŋina popo i swötön iŋwan ti jur.

Matayo 23:36

’Diri nan takiŋdya ta adi, kine ŋo liŋ mo kokonaki i ŋutu ti na toberon.

Roma 9:20

Ama do ŋuto kana, do a ŋa anyen ŋetakiŋdya Ŋun kulya? Sape ŋona bubulö pija kagweyanit lonyit le adi, Ko nyo nagon do gweja nan sona?