Ejikele 18:18 - Bibilia Buk na Ŋun nagon koti luŋu a

¹⁸ A ko gwe gwoso monye lonyit, kogwon nye a karudanit a ryaggi kulye ŋutu, a koŋdi ŋo nagon ’bayin a na ’but i kiden na ŋutu kanyit, mete ta, lepeŋ aje twan kogwon toronjin kanyit.

Ejikele 18:18 Iomraidhean Croise

Katokuönit 5:8

Ko do meddya adi ŋutu lomerika a rudaki kak a ’duŋgö na putet gwogwo aje joŋa kaŋo ko riŋit i möddria, an do ko söŋu ko kine ŋo; kogwon ŋutu lokukwön memeta ko dumalak kase, a kulye köti kata lo lwöŋgu se.

Yisaya 3:11

Wöidiö, ŋutu lorok! kulya kase mo gwon a narok, kogwon ropesi ti konesi kase mo roropakise.

Ejikele 18:17

a tine ’bulukiŋdyö könin lonyit i ŋo naron, a tine luŋgu woli kode ’yalet i po na kuroji kanyit kune, a tiji jujuwesi kwe, a wöröni i saresi kwe lo wuro— ŋuto gwoso ŋilo mo ti twan kogwon toronjin ti monye, lepeŋ ’diri mo gwon jorun.

Ejikele 18:19

Ama kölumbö a ta pipije adi, Ko nyo nagon ŋuro ti poŋga kogwon toron na monye? A ko ŋuro a koŋdya po nagon a na ’but i saret ko a gwak, a iŋge tiju saresi kwe liŋ lo wuro, lepeŋ mo ’diri gwon jörun.

Ejikele 18:20

Ŋuto logon a toroŋdya lo mo kakaŋu. A ŋuro mo tine poŋga kogwon toron na monye, a monye mo tine poŋga kogwon toron na ŋuro. Ŋuto lo rigwo ropaki torigwo nanyit, a katoronyanit ropakine toron nanyit.

Ejikele 18:24

Ama ko ŋuto loron a löpukuŋdyö kapo i torigwo nanyit a iŋge toroŋdya, a koŋdi po na mamana jojo ko nagon ŋuto loron kökon kune, lepeŋ ŋona gwon jörun le? Iŋkoi, nene na konesi kanyit na rigwo nagon nye a kon kune ’bayin nagon yeyeŋ; lepeŋ twatwan kogwon nye a ko ’yu twöju a iŋge koŋdya toron.

Ejikele 18:26

A ko ŋuto lo rigwo a löpukuŋdyö kapo i torigwo nanyit a iŋge toroŋdya, lepeŋ twatwan kogwon ŋina toron; lepeŋ twan kogwon toron nagon nye kökon na.

Ejikele 18:4

Mete ta, ru na ŋutu liŋ a nio; kweja adi ru na monye se ko ru na tore a nio. Ŋuto logon a toroŋdya lo mo kakaŋu.

Ejikele 3:18

Ko nan ’dek kulya ko ŋuto loron adi, lepeŋ ’diri twatwan, a do ködyö gwe a ko takin lepeŋ adi, Kunyar! kweja adi ko do a ko jambu i kunyaŋu na ŋilo ŋuto loron i kö ’yu na kiko lonyit loron anyen lwöggu ru nanyit, nyena a ŋilo ŋuto loron mo twane twan nyuŋ gwon ko toron, ama a nan mo luŋgi rima kanyit konut i könin.

Yoane 8:21

Köti a Yesu takiŋdye lepeŋat adi, Nan mo tutu, a ta mo ga ’yi nan, ama ta mo twatwa i toronjin kasu. Ta ti bulö tu i pirit nagon nan tu kata nu.

Yoane 8:24

ŋina a kwe nagon nan takiŋdye ta adi ta ködyö twatwa i toronjin kasu; kogwon ko ta a ko yuŋ adi nan nye lo, a ta mo twatwane i toronjin kasu.