Ejikele 18:14 - Bibilia Buk na Ŋun nagon koti luŋu a

¹⁴ A ko ŋilo katoronyanit a yupuŋdyö ŋuro logon memet toronjin liŋ nagon monye a kon kune, a kujönöni kujönö, a tine mirakiŋdya lepeŋ,

Ejikele 18:14 Iomraidhean Croise

2 Moran 22:1

A Yosia gwe ko kiŋajin budök na suluje nye gwon a kasaranit nu; a nye saŋi Yerusalema yu ko kiŋajin merya musala wot geleŋ, A karin ti ŋote nanyit gwe a Yedida ŋuro na Adaya lo Bosekat.

2 Moran 22:2

A nye koŋdi ŋo nagon a na ’but ko MATAT i metet, a wöröni i kiko lo Dawidi merenye lonyit, a nye gwe a ko girara i könin lo lutaten kode i lo kadoŋe.

2 Dekat 34:21

Iti ta i pija na MATAT i kulya kwe se ko ti ŋutu logon a pituŋdyö i Yisaraele ko Yuda kulo, i kulya ti kulyaesi ti buk nagon aje rye ŋina. Woran na MATAT gwe a duma kayaŋ, a iŋge yukokin kayaŋ loki, kogwon merenyejin kaŋ köju a ko ’debba kulyaet lo MATAT anyen koŋdya gwoso i ŋo liŋ nagon a wuröki i ŋina buk kune.

Tolupesi 17:21

Ŋuto lo yupundyö ŋuro lu ’boŋ yuŋwekindyo mugun delya, a monye ŋuro lu ’boŋ gwe ’bak lyoŋon.

Tolupesi 23:24

Monye ŋuto lo ’but mo lyölyöŋön parik; a nye lo yupundyö ŋuro lokoŋ mo nyolani nyola ko lepeŋ.

Yisaya 44:19

a ŋuto gwe ’bayin lo yiyiuŋdyö, kode gwon ko denet kode kuruŋdyö i jambu adi, Swöt lo ŋilu ködini nan a nam, kuk kanyit nan köti a pe ’yi ambata, a nan pe ’yi lokore a nyesi nyesu; a pitönö lo ködini a nan teteŋdi lepeŋ a ŋo manatti. Ti nan ’dorone kak i kwakwaddu na kumut na ködini le?

Yeremia 44:17

Yi mo kökon ŋo liŋ nagon yi a milyeju adi yi mo kökon kune, kweja adi yi mo ’yurakiŋdya mor na ki bokuron, a mo ’bukökiŋdye lepeŋ rubaŋgajin ’bu ’bukesi, gwoso na koŋdi yi ko merenyejin kaŋ, ko moran kaŋ, se ko temejik kaŋ i köjinö ti Yuda se ko i kikolin ti Yerusalema köju nu. Kogwon i nu diŋit yi gwon ko kinyo a duma, a yi si ’dani ’bura, a tine meddya ŋo narok i po.

Yeremia 8:6

Nan a tiŋdu swö kwe i yiŋga, ama lepeŋat a ko jambu rigwo, lele ŋuto a ko gwien ko toronjinkanyitadi, Wöidiö, nan a koŋdya nyo? A ŋutu liŋ reara kase i kikolin, gwoso kusan na buraddu i gor.

Yeremia 9:14

ama kölumbö a se kepoddi ’dekesi ti töilyet kase iŋgo, a kepoddi Balajin, gwoso nagon merenyejin kase a todinikin lepeŋat köju nu.

Ejikele 18:10

A ko lepeŋ a yupuŋdyö ŋuro lula-let logon a karyakanit ko a katatuanit, logon ti mirakiŋdya kitajin ti monye i koŋdya na nene nase,

Ejikele 18:15

a tine nyesu i piritön kwakwasesi na gwon i ko ’dulan ti merya kune, a tine ’bilikiŋdya konyen kanyit ki i twöju na nyomuejin logon a ŋunyen ti kötumit na Yisaraele, a tine toluddya narakwan na leŋe,

Ejikele 18:28

Lepeŋ ’diri ruru a tine twan, kogwon lepeŋ a yeyeju a iŋge löpukuŋdyö kapo i toronjin liŋ nagon nye köju a kon kune.

Ejikele 20:18

A nan iŋge takin ŋwajik kase i yöbu yu adi, An ta ko wörö ta i saresi lo wurö ti komunyi, kode ’debba jujuwesi kase, kode toluddya ’börik ko nyomuejin kase logon a ŋunyen kulo.

Osea 7:2

Ama a se tine yeyeju kase i töilyet adi nan deden toronjin kase liŋ. Nyena konesi kase a lopakin se kiden, a nan meddi se.

Kagai 1:5

Nye-nagon nan MATAT lo kurumi lo kulya adi, Yiyiuŋdye ta gwolor nasu.

Kagai 1:7

Nan MATAT lo kurumi lo kulya adi, Yiyiuŋdye ta gwolor nasu.

Kagai 2:18

Yeyeji ta suluja i lo lor tojo ko ŋerot, suluja i perok merya murek wot iŋwan ti yapa tobuŋwan. Suluja i lu lor logon ŋutu ’boggi togwi’diesi ti kadi nio na MATAT, yeyeji ta kine kulya adi,

Matayo 23:32

Nyenagon tutuŋöddi ta ŋo nagon merenyejin kasu köju a kölökin kunu.

1 Petero 1:18

Kogwon ta deden adi ŋo na ’bu ’burön gwoso podo kode dakap a ko dakuŋdya ta i gwiliŋit lo ’bak ’bulit logon ta a mirun ko merenyejin kasu, ama ta a dakwe ko rima ti Kristo nagon ko ’bulit a duma parik.