Ejikele 18:13 - Bibilia Buk na Ŋun nagon koti luŋu a

¹³ a luŋgi ’yalet i ŋo na kuröji kanyit a tiŋdi kakurönit i robba ko wöli; ŋuto gwoso ŋilo ŋona gwon jörun le? ’Bayin, lepeŋ ti gwon jörun kwöŋ; lepeŋ ’diri twatwan kogwon nye aje koŋdya kine ŋo liŋ na mamana, a rima kanyit mo poki kanyit i kwe.

Ejikele 18:13 Iomraidhean Croise

1 Moran 2:37

Kogwon i lor logon do tiri kaŋo a laŋgi loro Kidirona lu, dene den ’diri adi do twatwan; a rima kunök mo gwe konut i kwe.

Eyobo 34:11

Kogwon nye ropakiŋdya ŋutu gwoso i konesi kase, a nye korakiŋdye se gwoso i gwiliŋisi kase.

Yuörö 22:25

Ko lele lo Ŋutu kwe logon a lomeri lo diŋö ko do lo a kuröddu gurut konut, ti do gwe ti buŋö lepeŋ, ko ti do gwe ti luŋgu ko wöli.

Ejikele 18:17

a tine ’bulukiŋdyö könin lonyit i ŋo naron, a tine luŋgu woli kode ’yalet i po na kuroji kanyit kune, a tiji jujuwesi kwe, a wöröni i saresi kwe lo wuro— ŋuto gwoso ŋilo mo ti twan kogwon toronjin ti monye, lepeŋ ’diri mo gwon jorun.

Ejikele 18:24

Ama ko ŋuto loron a löpukuŋdyö kapo i torigwo nanyit a iŋge toroŋdya, a koŋdi po na mamana jojo ko nagon ŋuto loron kökon kune, lepeŋ ŋona gwon jörun le? Iŋkoi, nene na konesi kanyit na rigwo nagon nye a kon kune ’bayin nagon yeyeŋ; lepeŋ twatwan kogwon nye a ko ’yu twöju a iŋge koŋdya toron.

Ejikele 18:28

Lepeŋ ’diri ruru a tine twan, kogwon lepeŋ a yeyeju a iŋge löpukuŋdyö kapo i toronjin liŋ nagon nye köju a kon kune.

Ejikele 18:32

Kogwon nan ’bak lyöŋön i twan na lele ŋuto. Nyena, löpuŋge ta töilyet anyen ta ruru. Ŋilo a kulyaet lio lo MATAT ŊUN.

Ejikele 18:8

Lepeŋ ti luŋgu ’yalet i ŋo na kuröji kanyit kode tiŋdu lepeŋ i robba ko wöli. Lepeŋ ti ’bulukiŋdyö könin lonyit i ŋo naron, a ’duŋge putet gwogwo i kiden na ŋuto ko ŋuto,

Ejikele 3:18

Ko nan ’dek kulya ko ŋuto loron adi, lepeŋ ’diri twatwan, a do ködyö gwe a ko takin lepeŋ adi, Kunyar! kweja adi ko do a ko jambu i kunyaŋu na ŋilo ŋuto loron i kö ’yu na kiko lonyit loron anyen lwöggu ru nanyit, nyena a ŋilo ŋuto loron mo twane twan nyuŋ gwon ko toron, ama a nan mo luŋgi rima kanyit konut i könin.

Ejikele 33:8

A ko nan ’dek kulya ko ŋuto loron adi nye a loron, nye ’diri mo twatwan, ama a do ködyö gwe a ko takin lepeŋ adi, Kunyar! anyen lepeŋ löpukuŋdyö kaŋo i kikolin kanyit, ŋilo ŋuto loron mo twan nyuŋ gwon ko toron, ama a nan mo luŋgi rima kanyit konut i könin.

Lewi 20:27

A ŋuto lalet kode ŋuto nakwan nagon do ’ya ko kwen ti mulökö kode nye a ’bunit kawananit ködyö tatuani tatua; a se ködyö gugubani ko ŋurupö. a rima kase mo gwe kase i kusik.

Lewi 20:9

Kogwon ŋutu liŋ logon moru monye kode ŋote ködyö tatatua; nye aje moru monye kode ŋote nanyit a rima kanyit gwe kanyit i kwe.

Konesi 18:6

A lepeŋat renyani lepeŋ, a momoroji lepeŋ. Nyena a Paulo nanaji boŋgwat kanyit kune, a kulyani ko se adi, Ti rima kasu gwe kasu i kusik! Nan a loke. Soŋinana nan lo iti i ŋutu ti kulye jurön.