Ejikele 17:3 - Bibilia Buk na Ŋun nagon koti luŋu a

³ taki lepeŋat adi, MATAT ŊUN lo kulya adi, Yuku logon a duma ko köpukön a nagalaŋak ko kupir a lojo, ko wuwuresi jore lo a po Libanon yu, a morgi kwe na ködini logon gwoso tika,

Ejikele 17:3 Iomraidhean Croise

Yeremia 24:1

A gwe sona, i mukök nagon Nebukadaresar mor lo Babela aje joŋga Yekonia ŋuro lo Yeyoyakim mor lo Yuda, mora ko ŋutu temejik ti miri na Yuda, ko bodwat, se ko tomonok kanitök kaŋo i Yerusalema, a joŋgi se Babela i to ’dupien nu, a MATAT kwekiŋdye nan kine kulya köyö i töili. A nan meddi kupöjin murek ti ki ’biet a tiki i komor na kadi na MATAT.

Yeremia 4:13

Mete ta, katukaranit ’di ’dikun gwoso ’dikolo, a urabiajin kanyit woku gwoso libibiu, a kusanjin kanyit gwe a na wule kak Iwolwoŋ yukuŋ; Woidio yi, karan popo, yi aje likin!

Yeremia 48:40

Kogwon MATAT lo kulya adi, Mete, lele ŋuto mo rurum ’de ’de gwoso yuku lo ’da ’dauŋdya wulek, a rikiŋdye köpukön kanyiti mörö ko jur lo Moaba;

Yeremia 49:16

Do logon gwolor i kiri ’diyat ti mere, logon ’depakiŋdya i kwe na mere, tokujöŋdu inot na ŋutu se ko töili ilot ka ’du ’duŋanit aje mumuluk do. Ma ’di kodyö do a ’duggö kadi inot ki yu gwoso na yuku, nyena a nan mo joŋdi do kak nyu. Ŋilo a kulyaet lio lo MATAT.

Delyasi 4:19

ŋutu lo rikuŋdyo yi kulo wowo-kun ’de ’de Iwolwoŋ yukuŋ lo ’daju ki; a se rikoddi yi i merya loki, a se ’danani mu ’diŋ i domba na yi.

Ejikele 17:4

A lepeŋ ’doŋaddi pilya nanyit a joŋgi i jur lo katujarak, a ’yuddi nye i köji na katugwörök.

Ejikele 17:7

Ama lele yuku kata logon ko köpukön a nagalaŋak ko kupir jore; mete, a kokori ti ŋilo ködini lo binyo ririkörö i kujöŋ komorga lepeŋ, a ririköddi kenia kanyit ko lepeŋ yu suluja i pirit na ’yutukiŋdye nye a kokwe nu, anyen ŋilo yuku tomurek böŋö popogga nye ko pioŋ.

Ejikele 31:3

Mete Asura. Lepeŋ a ködini logon gwoso tika Libanon yu, logon kenia kanyit a na ’but a muŋge rudu ko tölimöt nanyit, a gwe a lojo, a kwe nanyit tulöddi kaŋo i kiden na kaden ti rudu.

Daniele 2:38

Nye a tiŋdu konut i konisi ŋutu, ko kijakwa ti mu ’diŋ ko kwen ti ki, ko se si ’da ya, a tiŋdi do a kasaranit lose liŋ. Nyena do logon a kwe nagon a dakap.

Daniele 4:22

ŋilo ködini a do pon mor, do lo ’duŋo a gwe a iŋgo. Todumalan inot aje ’duŋo ko a ’bo ’yu ’diko, a tumatyan inot iŋge yeŋga tojo ko ’dutesi ti kak.

Daniele 7:4

A gworoŋ togeleŋ lo gwe gwoso komiru, ko kopukon gwoso ti yuku, a na meddi nan nu a kopukon kanyit ’dotoni kaŋo, a lepeŋ ’bilwene ki i kujoŋ a tikine i gwo ’dan ko mokosi murek gwoso ti ŋuto; a yeyeet na ŋuto tikine lepeŋ.

Osea 8:1

Sukiŋdye buruŋ i konut i kutuk! Loguluseni kata i loki na kadi nio na MATAT, kogwon ŋutu kwe aje ’beleŋgu tomoret na teten nan ko se na, ko a laŋgu saresi kwe.

Abakuk 1:8

Kusanjin kase koti wowoki wulek Iwolwoŋ kokajin, lepeŋat a kaŋajin lwölwöŋ lujin lo wowoki i sömukö na kak. A ŋutu kase lo woro ko kusanjin kilo lalabara ŋerot ko ’du ’duŋga. Iŋkoi, ŋutu kase lo woro ko kusanjin po pajo; lepeŋat ’dauŋdya gwoso yuku lo sololoju i lokore.

Matayo 24:28

Ko ’burwo mo gwon ya, a logulusen mo momoraddi nyu.

Matayo 4:24

a lore i kulya ti lepeŋ kuörö i jur lo Suria ’bukuluŋ, nyena a ŋutu joŋdi ŋutu kase kanyit ni logon ŋoŋoŋga ko twana ka ’de ka ’de, ko logon totomie ko gilosi ka ’de ka ’de, ko logon a moka ko mulökö, ko lo gwon ko lomerya, se ko se logon a babatatu mugunya kase a twatwa, a nye iŋge toke se.

Nyökit 28:49

a MATAT mo joŋdi lele jur i mörö ko ta; se po pajo i ’dutet na kak gwoso na wöröri kuri ki na, se a ŋutu logon ta ti den kutuk nase,