Ejikele 17:21 - Bibilia Buk na Ŋun nagon koti luŋu a

²¹ A ŋutu kanyit kamo-rök lo nyunyumwe kulo mo totokoni kak liŋ ko baŋdujin, a pitono kulo mo reki i swötön liŋ; a ta mo dene den adi nan MATAT lo jambu kine kulya.

Ejikele 17:21 Iomraidhean Croise

2 Moran 25:11

A Nebujaradan duma lo katiyuk joŋgi pitönö ti ŋutu logon a kölöki i ŋinu köji kulu, ko ŋutu logon a ko ’yu ŋutu kase ko a yuörö ko mor lo Babela yu, se ko pitönö ti yodom na ŋutu liŋ i pirit na geleŋ.

2 Moran 25:5

Ama a kamörök logon a ŋutu ti Kaledea kulo riköddi mor, a woggi lepeŋ i ’daran ti Yeriko; a kamörök kanyit liŋ reara kaŋo ko lepeŋ.

Yisaya 26:11

Ti se meddi pusök inot na se kogwon kulya ti ŋutu lorok, ko ti kusik kase yune yu. Ti kimaŋ nagon do a tetenakin merok kulö kina ti totumbe lepeŋat.

Yeremia 48:44

Ŋuto logon wökon kaŋo kogwon kujönö lo mo ’doro i dili, a ŋuto logon kiyuŋdya kaŋo i dili lo mo mokani ko loket. Nan mo jajakin ŋutu ti Moaba kine ŋo liŋ i kiŋa logon riparikin se lu.

Yeremia 52:8

Ama a kamörök logon a ŋutu ti Kaledea kulo riköddi mor Sedekia, a woggi lepeŋ i ’daran ti Yeriko; a kamörök kanyit liŋ reara kaŋo ko lepieŋ.

Ejikele 12:14

A nan mo ratakiŋdye ŋutu kanyit katiyuk, ko ŋutu liŋ logon parakiŋdya lepeŋ se ko teŋon kanyit liŋ ti kamörök i köbuŋötön liŋ anyen wuwuköji. A nan mo ’dutuŋdye baŋdu kaŋo i riköddu na lepeŋat.

Ejikele 13:14

A nan mo duyömökiŋdye ŋina gorom kak nagon ta aje we ’ya ko buya ŋina, a nan mo yayarakiŋdye lepeŋ kak, a pipilesi kanyit mo purune köke. Ko ŋina gorom a ’doro, a ta mo twatwane i lukata nanyit; a ta mo dene den adi nan logon a MATAT.

Ejikele 13:23

Nyenagon ta mo köti ti meddya kulya nagon a köpuröt kana kasu i töilyet, a mo tine galuŋdya ŋo i to ’bunun. A nan mo riŋuŋdye ŋutu kwe kaŋo kasu i könisi; a kirut ta mo dene den adi nan logon a MATAT.

Ejikele 15:7

A nan mo tiŋdi komor nio a naron ko lepeŋat; nyena ma ’di se ködyö a rwösöddu kaŋo i kimaŋ, ama kimaŋ mo nyuŋ tototum se; a ta mo dene den adi nan logon a MATAT na tiŋdi nan komor nio a naron ko lepeŋat nu.

Ejikele 5:10

Nyenagon i kiden na köji nasu a komonye mo nyesi ŋwajik kase, a ŋwajik mo nyesi komonye kase, a nan mo ’duŋökiŋdye ta putesi, a nan mo ratakiŋdye pitönö ti ŋutu kasu lo pituŋdyö kulo i köbu-ŋötön liŋ ti kak anyen wuwuköji.

Ejikele 5:12

A swöt geleŋ na musala na ŋutu kasu mo twatwane ko twanti iŋgo, a mo tutupöni ko dyaŋ i kiden na köji nasu, a swöt geleŋ na musala mo totokoni kak ko baŋdujin i gor i turön logon lorga köji, a nan mo ratakiŋdye swöt geleŋ na musala i köbuŋötön liŋ ti kak anyen wuwuköji, a nan mo ’dutuŋdye baŋdu kaŋo a riköddi se.

Ejikele 5:13

A kirut nan mo tutuŋge woran nio, a nan mo toliŋge woran nio na pape i lepeŋat, a nan mo gwe ko taliŋ. A ko woran nio na pape aje ’baka, a se mo deŋdi adi ŋilo a nan MATAT lo jambu ko yinö.

Ejikele 5:2

Do ködyö ’yuŋa swöt geleŋ na musala i kiden na köji i diŋit nagon perok tumesi aje ’baka nu; a do ködyö ’du ’duŋuje swöt geleŋ na musala na kilo kupir ko baŋdu lorga köji; a do ratakiŋdye swöt geleŋ na musala na kilo kupir i köbuŋöt anyen wuwuköji, a nan mo ’dutuŋdye baŋdu kaŋo a riköddi se.

Ejikele 6:10

A se mo dene den adi nan a MATAT; nan ’bayin a ’burönit i jambu adi nan mo kokonakin se kine ŋo narok.

Ejikele 6:7

A ŋutu lo tatua mo ’do ’done kasu kiden, a ta mo dene den adi nan a MATAT.

Amosa 9:1

A nan iŋge met MATAT gwo ’dan nyona ko pirit ’yuret na rubaŋgajin, a Lepeŋ kulyani adi, Gwute togwi ’diesi i kusik tojo lo ’dek a böböŋdu, gwagwalakaki se ka ’de ka ’de i kusik ti ŋutu liŋ; a nan mo tatuje ŋutu kase lo pituŋdyö kulo ko baŋdu, a lele lose gwe ’bayin logon mo wökön kaŋo, köti a lele lo rwörwösöddu gwe ’bayin kwöŋ.