Ejikele 17:19 - Bibilia Buk na Ŋun nagon koti luŋu a

¹⁹ Nyenagon nan MATAT ŊUN lo kulya adi, ’Diri ’diri gwoso na gwoŋdi nan na, nan mo roropakin milye lio logon nye a lanu lo kanyit i kwe, iŋkoi, tomoret nio nagon nye a ’beleŋ na.

Ejikele 17:19 Iomraidhean Croise

1 Moran 2:32

A MATAT de nyökökiŋdye kanyit i kwe rima na ’bukun nye kine, kogwon nye a tatuja ŋutu murek logon ko löti lo rigwo ko a lo ’but lwölwöŋ nye kulo, a rembi se, kilo ŋutu a ko Abiner ŋuro lo Ner, duma lo kamörök ti Yisaraele, kase Amasa ŋuro lo Yeter duma lo kamörök ti Yuda, baba Dawidi a ko den kine kulya.

1 Moran 2:33

Nyenagon a rima kase nyökökine ko Yöaba i kwe ko i kusik ti nyakwariat kanyit ŋupi, ama taliŋ na po ko MATAT na mo gwon ko Dawidi, ko i nyakwariat kanyit, ko i kötumit nanyit, ko i tumatyan nanyit ŋupi.

Yeremia 27:8

Ama ko ŋutu ti lele jur kode ti nene tumatyan ti ’bön kitakiŋdya lo Nebukadanesar mor lo Babela, a gwe a ko dulakiŋdya murutö kase i kaden gwolor ti mor lo Babela kulo, nan mo ririŋ ŋilo jur ko baŋdu, ko dyaŋ se ko twanti iŋgo tojo ko nan aje tutuŋ ŋilu jur ko riŋit na Nebukadanesar, ŋilo a nan MATAT lo jambu.

Yeremia 37:17

A mor Sedekia sonyoddi ŋuto i joŋdya na Yeremia, a mor pije lepeŋ a lwön kanyit kadi adi, Lele kulyaet ŋona kata lo po ko MATAT yu le? A Yeremia waddi adi, Kata koi. A nye takiŋdye lepeŋ adi, Do mo wuwuki i könisi ti mor lo Babela.

Yeremia 5:2

Ma ’di nagon se a milyeju adi, ’Diri ’diri gwoso na gwoŋdi nan MATAT na, lepeŋat milyeju a ’burönö.

Yeremia 5:9

Nan ŋona mo ti riŋ lepeŋat ko kine ŋo le? Nan ŋona agu ti ropakiŋdya mugun i ŋutu ti jur gwoso kilo le? ŋilo a nan MATAT lo pija.

Ejikele 16:43

Do a ko yeyeju perok ti tolupu-dien inot a kölumbö towoŋi nan ko konesi kunök liŋ; nyenagon mete, nan mo roropakin konesi kunök liŋ konut i kwe. Ŋilo a kulyaet lio lo MATAT ŊUN. Ti gwon sona adi do a koŋdya towutön wat po kunök liŋ na mamana le?

Ejikele 16:59

Nan MATAT ŊUN lo kulya adi, Iŋkoi, nan mo kokonakin do gwoso na koŋdi do na, kogwon do a lauŋdya milye a ’beleŋgi tomoret.

Ejikele 17:18

Kogwon mor lo Yuda a lauŋdya milye a ’beleŋgi tomoret; lepeŋ köju a kwekiŋdya twöyit ama kölumbö lepeŋ kökon kine ŋo liŋ. Lepeŋ mo ti kölöki ’bak riŋet kwöŋ.

Ejikele 17:20

A nan mo gubakiŋdye birya nio kanyit loki, a boyi nio mo morgi lepeŋ, a nan mo joŋgi lepeŋ Babela yu i jambu na putet, kogwon toron nagon nye a konakin nan na.

Ejikele 9:10

Ama nan mo ti won konyen ko se kode pitökiŋdyö lepeŋat; ama nan mo roropakin konesi kase kase i kusik.

Nyökit 5:11

Do ködyö ti ’diŋdya karin ti MATAT ŋun ilot kana; kogwon MATAT ti jaran i ’duŋökiŋdyo na putet i ŋuto logon ’diŋdya karin kanyit kana lo.