Ejikele 17:16 - Bibilia Buk na Ŋun nagon koti luŋu a

¹⁶ Nan MATAT ŊUN lo kulya adi, ’Diri ’diri gwoso na gwoŋdi nan na, ŋilo ŋuto mo twatwan Babela yu i jur lo mor lo tiŋdu nye i si ’daet na tumatyan lo, logon nye a lanu milye lonyit a ’beleŋgi tomoret nanyit lo.

Ejikele 17:16 Iomraidhean Croise

2 Samuele 21:2

A mor luŋgi ŋutu ti Gibeon. Ŋutu ti Gibeon ’bayin a ŋutu ti Yisaraele, ama lepeŋat a pitönö ti ŋutu ti Amori; agu ma ’di köju ŋutu ti Yisaraele a milyeju i kölökiŋdyö na se, ama Saula aje ga ’yu tatuja se kogwon pusök nanyit na ŋutu ti Yisaraele ko ti Yuda.

2 Moran 24:17

a mor lo Babela tiŋdi Matania luŋaser monye Yeyoyakin, i ruddya na lepeŋ a mor, a lopuŋge karin kanyit a Sedekia.

2 Moran 24:20

A kine kulya iŋge ŋokin Yerusalema se ko Yuda kogwon se a towoŋa MATAT tojo ko nye a riköddu se kaŋo kanyit i komor.

Saumajin 15:4

logon lalaun ŋutu logon ’bak ’bulit, ama nye bu ’ya se logon kukuk MATAT kilo. Nye logon a milyeju a tine kö milye lonyit ma ’di nagon milye totode-lyaju lepeŋ i kondya.

Yuörö 20:7

Do kodyö ti ’diŋdya karin ti MATAT ŋun ilot kana, kogwon MATAT ti jaran i ’duŋökiŋdyö na putet i ŋuto logon ’diŋdya karin kanyit kana lo.

Yuörö 8:2

Ama ko do a renya kölöddu lepeŋat asut, mete, nan de totomi jur ilot ’bukuluŋ ko lo ’dokia;

Yeremia 34:21

A nan mo ŋutukiŋdye Sedekia mor lo Yuda se ko temejik kanyit ti miri i könisi ti merok kase logon ga ’yu tatuja se kulo, iŋkoi, i könisi ti kamörök ti mor lo Babela logon aje mijörö kaŋo kasu kulo.

Yeremia 39:7

A nye tomo ’dokeji Sedekia, a toŋi lepeŋ ko toŋot anyen joŋga lepeŋ tojo ko Babela.

Yeremia 52:11

A mor lo Babela tomo ’dokeji Sedekia, a toŋi lepeŋ ko toŋot, a joŋgi lepeŋ tojo ko Babela, a tiŋdi lepeŋ i kadi rereket tojo ko lor lonyit twayet.

Ejikele 12:13

Ama nan MATAT mo gugubakin birya kanyit loki, a ŋina birya nio mo morgi lepeŋ. A nan mo joŋgi lepeŋ tojo Babela i jur lo ŋutu ti Kaledea, ama a nye mo tine met ŋilu jur; a nye mo twaki nyu.

Ejikele 16:59

Nan MATAT ŊUN lo kulya adi, Iŋkoi, nan mo kokonakin do gwoso na koŋdi do na, kogwon do a lauŋdya milye a ’beleŋgi tomoret.

Ejikele 17:10

A ko lepeŋ a nyökö ’yutuki i nene pirit, lepeŋ ŋona mo ’du ’duŋö a lo ’but le? Lepeŋ mo ti lilikara asut i dili na ’yutuki ’e nye nu ko köbuŋöt lo wukuŋdyö i swöt lo ’yure a tolilik lepeŋ?

Ejikele 17:13

A lepeŋ ’dumuŋdye lele ŋuto lo kötumit na mor lo Yuda, a teteŋdi tomoret ko lepeŋ a tiŋdi lepeŋ i nyesu na milye, i mukök nagon nye aje joŋga ŋutu temejik ti jur kaŋo nu,

Ejikele 21:23

Ama kine kulya meta ko ŋutu ti köji gwoso waŋdu na ’burönö; ma ’di se köju a nyesu milyejin temejik, kölumbö a nye mo yeyeji toronjin kase anyen se kodyö momokaji.

Osea 10:4

Lepeŋat jambu kulya nagon a köŋuröt kana, a nyesi milyejin logon a ’burönö i teteŋdya na tomoresi, nyena a ’duŋgö na putesi pipi-ruŋdye ki pötwör gwoso lo ’bur-tölöŋ lo gwon i piritön nagon a gwu ’dö-lön ti melesen.

Malaki 3:5

Nan MATAT lo kurumi lo kulya adi, Nan mo mimijoro kasu nyona i ’duŋgo na putet; a nan mo gwe ajo i tökoŋu arabat kulya ti ka ’demak, ko ti kalupok, ko ti kamilyok logon milyeju a wuya kana kilo, ko ti karudak ti ŋutu lo roröpaki kita, ko ti karudak ti karu ’be-jin, ko ti karudak ti kikijiko, ko ti se lo dukaddu ŋutu logon a lepelok kilo. Kilo a ŋutu logon ti kujono nan.

Kenet 30:2

adi, Koŋuto a milyekin tiŋdu MATAT nene ŋo, kode a nyö-kiŋdyö lepeŋ milye iŋgo logon toŋa lepeŋ lo, a nye ködyö tine ’beleŋgu kulyaet lonyit; a nye ködyö koŋdi gwoso i ŋo liŋ nagoŋ lupe kanyit i kutuk kune.

Roma 1:31

lepeŋat ’bak töilyet denesi ti kulya na ’but ko narok, lepeŋat ti ’debba milye lose, lepeŋat ti nyaŋu kode won konyen.

1 Timoteo 1:10

anyen riŋari kalupok, ko ŋutu lyan logon totoluŋ ko ’borik, ko kolak ti ŋutu, ko ’buronok, ko kamilyok ’buronok, se ko ŋo kunie nagon koŋu todinesi na gwon jojo.

2 Timoteo 3:3

Lepeŋat mo ti nyaŋu ŋutu kase, a gwe a kaworak logon ti suka, ko a kaŋöök, ko a nutu logon ti teŋgu ’börik, ko a kaŋajin, ko a kamanak ti no na ’but.

Yosua 9:20

Yi de konakin sesona, a kölökiŋdye se jörun, an woran nanyit koŋokin kayaŋ loki, kogwon kulya ti milye logon yi a milyekin se lo.