Ejikele 16:8 - Bibilia Buk na Ŋun nagon koti luŋu a

⁸ A na lwöŋöddi nan koti konut nyona nu, a nan meddi do, mete, a do gwe a nagon jujukin i yema, a nan panyakiŋdye kume lo boŋgo nio konut loki a muŋge to ’buson inot, iŋkoi, a nan iŋge milyekin do a teteŋdi tomoret ko do, a do iŋge wora a nio. ŋilo a kulyaet lio lo MATAT ŊUN.

Ejikele 16:8 Iomraidhean Croise

Suluet 22:16

adi, MATAT lo kulya adi, Nan a milyeju ’diŋdya mugun adi, ’Diri ’diri kogwon do a koŋdya na ŋo, a gwe a ko renyakiŋdya nan ŋuro ilot, logon a pilili ilot lo ŋuro lo,

Yuörö 15:16

Kujönö ko roŋo a mok se; a se gwe taliŋ adi mit gwoso ŋurupö kogwon könin ilot lo riŋit, tojo Ŋutu kulök a lwöpöddu pon MATAT, iŋkoi, tojo Ŋutu logon do aje gwörun kulo a lwöpöddu.

Yuörö 32:13

Yeyene Abarayama, ko Yisaka, ko Yisaraele köliŋönök kulök, logon do aje milyekin se ’diŋdya mugun inot adi, ’Diri ’diri nan mo tupöijö nyakwariat kasu gwoso kaser ti ki, a nan mo tiŋdi nyakwariat kasu na kak liŋ nagon nan aje jambu i kulya kanyit na, anyen gwon a lomore nase ŋupi ŋupi.

Yisaya 43:1

Nyenagon soŋinana MATAT logon a gweja do Yakobo, iŋkoi, nye logon a teteŋdya do Yisaraele, lepeŋ lo kulya adi, Ko kujönö, kogwon nan a dakuŋdya do; a nan luŋgi do ko karin, adi do a liŋ.

Yisaya 43:4

A nan iŋge nyar do kogwon do apisök köyö i konyen, ko a lo bubula, nyenagon a nan tiŋdi ŋutu kogwon do, ko kötumitön ti ŋutu kogwon gwiliŋit ilot.

Yeremia 31:3

köju ’beron nan MATAT a pukokin ko lepeŋat, kulya adi, Nan aje nyar ta ko nyaret nagon ti ’duddyö kwöŋ, nyenagon a nan iŋge pikun ta köyö ni ko nyaŋu nagon ti ’baka kwöŋ.

Yeremia 31:32

ŋina tomoret ti gwon gwoso tomoret nagon nan aje teten ko merenyejin kase nu, i diŋit nagon nan a mokara se ko könin a jiköddi se kapo i jur lo Ejipeto nu. Lepeŋat a ’beleŋgu tomoret nio ma ’di nagon nan a lalet lose, ŋilo a nan MATAT lo jambu.

Ejikele 16:6

A nagon nan MATAT lwö-ŋöddi konut nyona nu, a nan meddi do totogwo i mu ’dököt kata, a nan kulyani ko do i mu ’dököt kata adi, Rune ru.

Osea 11:1

Nan nyanyar Yisaraele i diŋit nagon nye nyuŋ a lo ’dit nu, iŋkoi, nan a luŋun ŋuro lio kaŋo Ejipeto yu.

Osea 2:15

Nyu a nan mo nyokokiŋdye Lepeŋ lukobiot kanyit ti kaden ti binyo, a koŋdi ŋirit na ’dir na luŋu a Sasanyesi anyen wora a kotumit Yenet na kulya na ’but. Nyu a nye mo ruŋge gwoso i perok ti tuko ’disen nanyit, na pori nye kaŋo i jur lo Ejipeto nu.

Osea 2:7

Nye mo kekeporo kanyarak kanyit, ama a nye mo tine ryo se, nye mo gagalara se, ama a nye mo tine ŋu se. A kirut nye mo kulyani adi, Nan mo yiyitwe i lalet lio lo kokwe, kogwon koju a na ’but koyo Iwo-lwöŋ na soŋinana na.

Malaki 1:2

Nan MATAT lo kulya adi, Nan a nyar ta, ama a ta pipije adi, Do nyar yi ada? A nan MATAT waddi pija adi, Esau ti gwon a luŋaser Yakobo le? Ama nan aje nyar Yakobo

Roma 5:8

Ama Ŋun a kwekin yi adi nye nyanyar yi parik, kogwon i diŋit nagon yi nyuŋ gwon a katoronyak nu, a Kristo iŋge twan kogwon kulya kaŋ.

Nyökit 4:31

kogwon MATAT ŋun losu a ŋun kapitönit; nye mo ti paju ta, kode köŋu ta, nye mo ti böŋö tomoret na tetena ko merenyejin kasu nagoŋ nye a milyekin se nu.

Ruta 3:9

A nye pipije adi, Do a pa? A lepeŋ nyobbi adi, Nan a Ruta ’dupiet inot, nyenagon boŋo muköki kume lo boŋgo inot ko ’dupiet inot loki, kogwon do a karutyo lo nyona.

1 Samuele 12:22

Kogwon MATAT mo ti paju ŋutu kanyit, kogwon a ’deket na MATAT i tiŋdu na ta i gwon a ŋutu kanyit lomoriot kogwon karin kanyit na bubula.