Ejikele 16:7 - Bibilia Buk na Ŋun nagon koti luŋu a

⁷ A nan iŋge to ’dur do gwoso ŋo lo punun i melesen, a do iŋge ’duröddu ki a najo, a iŋge ’durökin i tukö ’di-sen; kinasi kulök aje suja, kupir kulök aje ’duŋö; ama do nyuŋ gwon ’busön ko a limu kana.

Ejikele 16:7 Iomraidhean Croise

Suluet 22:17

nan mo ’diri ’bo ’boro do, a nan mo tuŋdije nyakwariat kulök gwoso kaser ti ki, ko gwoso sese na gwon i kijit na tör; a nyakwariat kulök mo ruddye köjinö ti merok kase,

Eyobo 1:21

a kulyani adi, Nan a yuŋwe a limu kana koyaŋgo i pele, a nan mo yitöni a limu kana. MATAT lo tiŋdu ko nye lo ’dumaddu; ti karin ti MATAT purani pura.

Saumajin 135:4

Kogwon MATAT a wulundyö kötumit na Yakobo a nanyit tuŋ, iye, nye a wulundyö kotumit na Yisaraele a lomore nanyit.

Saumajin 147:20

Nye a ko konakindya lele jur sona; kulye ŋutu a ko den saresi kanyit. Pupurje ta MATAT!

Saumajin 148:14

Nye a tindu ŋutu kanyit a jur lo gwon ko riŋit, nye a tindu ŋutu kanyit katwöyök i ŋuŋura, iŋkoi, nye a tindu ŋutu ti Yisaraele lo gwon kanyit nyona kulo i ŋuŋura. Pupurje ta MATAT!

Yuörö 1:7

Ama a nyakwariat ti Yisaraele yuŋweni yuŋwe, a ŋdine ŋdi Jore parik; kweja adi se a ŋdi parik a gwe ko riŋit a duma; nyena a jur iŋge jore ko lepeŋat.

Yuörö 12:37

A Ŋutu ti Yisaraele oidrö Ramasese tojo Suköt, gwoso Ŋutu aliŋan miajin buker lo wörö ko mok, wat Ŋutu wate ko lupudiet.

Yuörö 3:22

a wate liŋ geleŋ geleŋ mo luŋgi minyojin ti pödö ko ti dakaŋ se ko boŋgwat i maratejin kase, ko i Ŋutu nagon a lepelok na si ’da kase i midijik kune, a ta mo tojubbi ŋwajik kasu lyan ko nawate ko kine ŋo; a ta mo ryakaddi tito ti Ŋutu ti Ejipeto sona.

Koli Lo ’but Parik 4:5

Kinasi kulök gwon gwoso torela murek ti nyama na yuŋwe a kurudwot, nagon nyesu i kiden na koturön nator.

Koli Lo ’but Parik 8:10

Nan a gorom nagon a mariŋ a kinasir kwe gwe gwoso bililyat tiyisi, nyena a nan gwe kanyit i metet gwoso ŋuto na joŋdya taliŋ.

Koli Lo ’but Parik 8:8

Yi gwon ko kiaser na ’dit nagon kinasi kanyit a ko nyuŋ suja. Yi mo konakin kiaser nikaŋ nyo i diŋit nagon nye aje piya anyen yeyema nu?

Yisaya 61:10

Nan lyölyöŋön parik ko MATAT, ködudwö nio lyölyöŋi ko Ŋun liŋ; kogwon nye a tojubbu nan ko lwökit gwoso boŋgo, nye aje muggö nan ko löti lo rigwo gwoso boŋgo duma nagon a muit, gwoso nagon kayemanit a tojubbu mugun ko jibia ti kwe, ko gwoso ŋuro na yeyema na tokweleŋdu mugun nanyit ko ŋurupö lokwekwelen na.

Yisaya 62:3

A do köti mo gwe a Iŋguya lokwekwelen ko MATAT i könin, iŋkoi, do mo gwon a jibia ti kwe ti tomoran ko Ŋun ilot i könin.

Ejikele 16:16

A do tetena-kiŋdye mugun piriton na ’du nagon do kwakwaddi nyomuejin logon a ŋunyen, a do ’dumuŋdye kunie boŋgwat kunok a tokweleŋdi se, a do biryeri mugun a kawute i loki na se. Ŋo gwoso kine kodyo mo ti pukun, a se kodyo mo tine gwon sona asut.

Ejikele 16:22

A na koŋdi do kine ŋo liŋ na mamana se ko toluŋ inot nu, a do gwe a ko yeyeju perok ti yuŋwe inot na gwolorgi do ’buson ko a limu kana ko totogwo i mu ’dokot kata nu.

Ejikele 16:6

A nagon nan MATAT lwö-ŋöddi konut nyona nu, a nan meddi do totogwo i mu ’dököt kata, a nan kulyani ko do i mu ’dököt kata adi, Rune ru.

Osea 2:3

an nan rusun boŋgwat kanyit kaŋo, a kolokiŋdye Lepeŋ a limu kana gwoso i lor lo yuŋwe ’i nye koju lu, a koŋdi Lepeŋ gwoso yobu kana, a tiŋdi Lepeŋ i gwon gwoso kak nateyon, a kolokiŋdye Lepeŋ i twan ko kure.

Konesi 7:17

A nagon diŋit nagon Ŋun a milyekin Abatayama gwe nyona nu, a ŋutu kaŋ iŋge ŋoi jore Ejipeto yu,

Nyökit 1:10

MATAT Ŋun losu aje tunöijö ta, nyena mete ta, tojore nasu i lo lor gwon gwoso na kaser ti ki.

Nyökit 1:11

Ti MATAT Ŋun lo merenyejin kasu ’yalakiŋdye ta i lwoŋgu gwoso daŋin aliŋ i tojore nasu, ko ti nye ’boroji ta, gwoso na milye-kiŋdye nye ta nu!

Nyökit 4:8

Kötumit duma a ŋa nagoŋ gwon ko saresi lo wurö se ko kulya na ’duŋö na rigwo. gwoso kine todinesi nagoŋ nan a tin kasu i komor i lo lor kine?