Ejikele 16:59 - Bibilia Buk na Ŋun nagon koti luŋu a

⁵⁹ Nan MATAT ŊUN lo kulya adi, Iŋkoi, nan mo kokonakin do gwoso na koŋdi do na, kogwon do a lauŋdya milye a ’beleŋgi tomoret.

Ejikele 16:59 Iomraidhean Croise

Yisaya 24:5

A kak iŋge toluta ko ŋutu logon si ’da kata kulo; kogwon se a topoŋdya saresi, a se laŋgi saresi lo wurö, a se ’beleŋgi tomoret na yeŋ nyin.

Yisaya 3:11

Wöidiö, ŋutu lorok! kulya kase mo gwon a narok, kogwon ropesi ti konesi kase mo roropakise.

Yeremia 11:10

Lepeŋat aje löpu­köddu bot i toronjin ti merenyejin kase logon a renya yiŋga kulyaesi kwe kulo. Lepeŋat a kepoddu kulye ŋunyen, a kitakiŋdye se; a kötumit na Yisaraele se ko na Yuda iŋge ’beleŋgu tomoret nio nagon nan se ko merenyejin kase köju a teten na.

Yeremia 2:19

Nyena a toron inot mo na tiŋdi do i riŋa, a kukutörö inot bot mo na tiŋdi do i ririŋa ko ŋoma. Dene den ’bura adi ŋina a ŋo naron ko a na pötwör na kon do i kölökiŋdyö na nan MATAT ŋun ilota do tine ’bön kugga nan. Kilo a kulyaesi kwe ti MATAT ŋun lo kurumi.

Yeremia 22:9

A se mo ruŋge adi, Lepeŋ koŋdya sona kogwon se a kölökiŋdyö tomoret na MATAT Ŋun lose, a kwakwaddi kulye ŋunyen, a kitakiŋdye se.

Yeremia 31:32

ŋina tomoret ti gwon gwoso tomoret nagon nan aje teten ko merenyejin kase nu, i diŋit nagon nan a mokara se ko könin a jiköddi se kapo i jur lo Ejipeto nu. Lepeŋat a ’beleŋgu tomoret nio ma ’di nagon nan a lalet lose, ŋilo a nan MATAT lo jambu.

Ejikele 14:4

Nyenagon jambi ko lepeŋat, ko taki se adi, MATAT ŊUN lo kulya adi, Ko lele ŋuto lo kötumit na Yisaraele a tiŋdu nyömuejin logon a ŋunyen kanyit i töili, a tiŋdi ŋo narok kanyit i komor nagon tiŋdu nye i ’doro kune, a iti ko nebi. a nan MATAT ko mugun nio mo ruköki-ŋdye lepeŋ gwoso i tojore na nyömuejin kanyit,

Ejikele 17:19

Nyenagon nan MATAT ŊUN lo kulya adi, ’Diri ’diri gwoso na gwoŋdi nan na, nan mo roropakin milye lio logon nye a lanu lo kanyit i kwe, iŋkoi, tomoret nio nagon nye a ’beleŋ na.

Ejikele 7:3

’Dutet ŋina popo kasu ki soŋinana, a nan mo kölöddi woran nio kasu loki, a nan mo ’duŋökiŋdye ta putesi gwoso i konesi kasu, a nan mo ropakiŋdye ta konesi kasu liŋ na mamana kine.

Ejikele 7:4

A nan mo tine pitökin ta, a nan mo tine won konyen ko ta kwöŋ, ama nan mo roropakin ta konesi kasu se ko konesi kasu na mamana nagon ta nyuŋ kökon kine. A kirut ta mo dene den adi nan logon a MATAT.

Nyökit 29:24

Nyena lepeŋat se ko jurön liŋ mo ŋa adi, Ko nyo nagoŋ MATAT a konakiŋdya ŋilo jur sona? Tupape na ŋina woran duma kweja nyo?

Nyökit 29:25

A kirut ŋutu mo ruŋge adi, Kine kulya gwon sona, kogwon se a paju tomoret na MATAT Ŋun lo merenyejin kase na teten nye ko lepeŋat na joŋdi nye se kaŋo i jur lo Ejipeto nu,