Ejikele 16:52 - Bibilia Buk na Ŋun nagon koti luŋu a

⁵² Do ködyö poŋga lawe inot, kogwon do köju a lilija adi kiösurök a narok, kölumbö do aje koŋdya po na mamana lwölwöŋ lepeŋat, nyena ti do gwe ko kwe na yu ko poŋgi lawe inot, kogwon do a koŋdya kiösurök ŋuru gwoso se a nake.

Ejikele 16:52 Iomraidhean Croise

Suluet 38:26

A Yuda ŋge ruk adi kine ŋo a kanyit, a kulyani adi, Nye a na rigwo totoŋun nan, kogwon nan a ko tiŋdu lepeŋ ko ŋuro lio Sela anyen gwon a nakwan. A Yuda gwe a ko dotori lepeŋ Köti kwöŋ.

1 Moran 2:32

A MATAT de nyökökiŋdye kanyit i kwe rima na ’bukun nye kine, kogwon nye a tatuja ŋutu murek logon ko löti lo rigwo ko a lo ’but lwölwöŋ nye kulo, a rembi se, kilo ŋutu a ko Abiner ŋuro lo Ner, duma lo kamörök ti Yisaraele, kase Amasa ŋuro lo Yeter duma lo kamörök ti Yuda, baba Dawidi a ko den kine kulya.

Yeremia 23:40

a nan mo joŋdi kasu loki lawe na yeŋ nyin se ko yu na kwe nagon ti ’duddyö, nagon mo ti böŋörikin kwöŋ.

Yeremia 3:11

A MATAT takiŋdye nan adi, Yisa­raele nagon tu kaŋo köyö na a koŋdya toron a na ’dit lwölwöŋ na Yuda nagon a kadumanit na.

Yeremia 31:19

I mukök nagon nan aje girara kaŋo nu a nan löpuŋge töili, iŋkoi, i mukök nagon nan aje tojumuki nu a nan naŋgi puŋdiat kwe ko delya; a nan gwe ko yu na kwe a dyadyaŋgi dyadyaŋgu, iŋkoi, kwe nio yuyu kogwon ŋo na kon nan i toteton nio kune.

Yeremia 51:51

Yi gwe ko yu na kusik, kogwon yi aje yiŋga ’dö ’döyösi; kusik kaŋ yuyu kogwon Lwaka aje lupö i piritön nake na rurwan ti kadi na MATAT.

Ejikele 16:47

Do a ko mirakiŋdya gwiliŋisi kase ka ’de i koŋdya na po na mamana, ama i diŋit a na ’dit a do iŋge lwöŋ se i konesi kase liŋ narok.

Ejikele 16:48

Nan MATAT ŊUN lo kulya adi, ’Diri ’diri, gwoso na gwoŋdi nan na, kiaser inot nagon a Sodoma se ko ŋwajik kanyit nawate a ko koŋdya gwoso na koŋdi do se ko ŋwajik kunök na.

Ejikele 16:53

A nan mo nyökuŋdye Sodoma ko ŋwajik kanyit nawate, ko Samaria se ko ŋwajik kanyit nawate anyen se gwon ko komor na ’but, a i mukök a nan mo nyökuŋdye do ko se i pirit na geleŋ anyen do gwon ko komor na ’but.

Ejikele 16:54

Ama do ködyö poŋoŋ lawe inot ko yu na kwe i po liŋ nagon do a kon kune, a kine kulya mo tulyöŋgi lepepat.

Ejikele 16:56

Do ŋona köju a ko jam kiaser inot Sodoma a giriset le i perok logon do bu ’ye kwe kulu,

Ejikele 16:63

A i diŋit nagon nan mo pitökiŋdye do i ŋo liŋ na kon do kune nu, a do mo yeyene yeye a yune yu kwe, a do mo köti tine ŋaju kutuk kwöŋ kogwon yu na kwe. Ŋilo a kulyaet lio lo MATAT ŊUN.

Ejikele 32:24

Elam se ko ŋutu kanyit jore gwon nyu a nukaki lolorga lepeŋ. Lepeŋat liŋ a tatua a totoko ko baŋdujin. Lepeŋat aje tu kak i pirit na gwon i lukak na kak a lawe a ko tawero. Kilo a ŋutu logon koju a tokujoŋdu ŋutu lo gwon jorun i kak, a lepeŋat paruŋdye yu na kwe ko ŋutu logon aje tu kak i dili nagon ’bak ’dutet kulo.

Ejikele 36:15

A nan mo köti tine tin do i yiŋga na ŋutu ti jurön i ’da ’daŋu na do, a ŋutu mo köti tine tomijö do ko ’dö ’döyösi, a köti mo tine tiŋdu jur ilot i ’doro kwöŋ. Kilo a kulyaesi kwe ti MATAT ŊUN.

Ejikele 39:26

A i diŋit nagon se köti mo si ’dani ’bura kase i jur nu, a ŋutu mo gwe ’bayin lo tokujöŋdu se, a se mo böŋöni yu nase na kusik se ko dumesi liŋ nagon se köju a dudumuje nan kune.

Ejikele 44:13

Lepeŋat ti po köyö nyona i kitakiŋdya na nan gwoso koanejin; lepeŋat ti mijun nyona ko nene na po kwe nake na rurwan se ko i po nake parik na rurwan na totopuŋdya; kölumbö a lepeŋat mo wuji yu na kusik kogwon po na mamana nagon se a kon kune.

Osea 10:6

A ŋina nyömue mo joŋani Asura ’dokari mor duma; a kötumit na Epuraima mo toyuöne kusik, iŋkoi, kötumit na Yisaraele mo toyuö kusik kogwon ŋo na yeye se i teteŋdya na.

Luka 6:37

An ta ko lilija ta kulya ti kulye nutu, an kulya kasu mo lilia. Koti ko ’duŋökiŋdyö ta kulya ti kulye ŋutu a narok an kulya kasu mo ’duŋöki a narok. Pitöki ta kulye ŋutu, a ta mo koti pitokine pitöki.

Roma 1:32

Ma ’di nagon lepeŋat deden saret lo Ŋun adi ko ŋuto logon a koŋdya ŋo gwoso kine lo, lepeŋ jujukin tatua, a se yeoe koŋdya a nyaŋi ŋutu logon koŋdya se kulo.

Roma 2:10

Ama ŋutu liŋ logon koŋdya ’bura kilo mo wuju minyo ko bulet se ko taliŋ; a kokwe Yudayaki lo wuju minyo a koti gwe a Giriki.

Roma 6:21

Nyenagon ’bulit a nyo nagon ta a wu i koŋdya na ŋo nagon soŋinana toyujö kusik kasu kine? Kogwon ’dutet na kine ŋo gwon a twan.

1 Samuele 24:17

A nye kulyani ko Dawidi adi, Do a lo ’but lwölwöŋ nan; kogwon do aje ropakiŋdya nan ko ’busan a nan kölumbö aje ropakiŋdya do ko toron.