Ejikele 16:5 - Bibilia Buk na Ŋun nagon koti luŋu a

⁵ Ŋutu ’bayin nagon a won konyen ko do i konakiŋdya na do nene na kine ŋo kogwon nye delya do; ama do a paki i terere i lor lo yuŋwe ’i do lu kogwon do mamana.

Ejikele 16:5 Iomraidhean Croise

Suluet 21:10

a nye kulyani ko Abarayama adi, Rike rik ŋina ’dupiet se ko ŋuro lonyit; kogwon ŋuro lo ŋina ’dupiet lo mo ti mora ko ŋuro liŋ Yisaka i wuju na ŋo nagon a kunök ti monye.

Yuörö 1:22

Nyena a Paro saŋi Ŋutu kanyit liŋ adi, Gubara ta ŋwajik lulyan liŋ ti Ebere logon pete ta ’due kilo i Supiri kata, ama kölöki ta ŋwajik nawate liŋ i gwon jorun.

Yisaya 49:15

A MATAT waddi adi, Ŋuto nakwan gona böböŋöri lupudi lonyit lo nönöggu te; a nye ködyö tine wön konyen ko ŋuro lo lupuŋdyö kanyit i pele le? Ma ’di ŋuto gwoso ŋina böböŋö, ama nan mo ti böŋöri do kwöŋ.

Yeremia 22:19

Lepeŋ mo nuka gwoso kaine, iŋkoi, öpu nanyit mo piköji kaŋo a gubajine pajo ko kötumitön timariŋ na Yerusalema.

Delyasi 2:11

Konyen kwe gwe pötwör ko gwien; monyet kwe mimien, toili lio ’bukuŋdyo kaŋo i kujoŋ kogwon koro na ŋutu kwe; kogwon ŋwajik lo ’di ’dik se ko lupudiet lo nonoggu aje dosakiŋdya kak i kikolin ti köji.

Delyasi 2:19

ŋine ki, gwine parik i tukwaje temba i diŋitan liŋ ti tukwaje! ’Buköki töili ilot ko MATAT i komor gwoso pioŋ. Mamanyaddi ko lepeŋ yu i kulya ti gwiliŋisi ti ŋwajik kulök logon a doddya ko magor i keresi liŋ ti kikolin.

Delyasi 4:10

Ma ’di ŋutu nagon a kanyarak lepeŋat ko ’borik aje deŋa ŋwajik kase; ŋwajik kase gwon a kinyo lose i diŋit na tukarari ŋutu kwe.

Delyasi 4:3

Ma ’di gwagwea tiŋdu torela kase anyen nonoggu, ama ŋutu wate ti ŋutu kwe a wora a bama gwoso tutwolon ti yobu.

Ejikele 16:6

A nagon nan MATAT lwö-ŋöddi konut nyona nu, a nan meddi do totogwo i mu ’dököt kata, a nan kulyani ko do i mu ’dököt kata adi, Rune ru.

Ejikele 2:6

Ama do ŋuro lo ŋuto, an do ko kujönö lepeŋat, an do kujönö jamiat kase, ma ’di ködyö joju do gwoso kikwa ko kalelerök, kode koja do gwoso kitoni ko do a si ’daki kase loki; an do ko kujönö jamiat kase kode delya komorsikan kase najögitök, kogwon se a kötumit na karerenyak.

Kenet 19:16

Ko ŋuto lo gwon mu ’diŋ a ’bo ’yu ŋuto lo tatua ko baŋdu, kode ’bo ’yu öpu naŋuto logon a twan, kode ’bo ’yu kuyu ti ŋuto, kode luŋa gulöm lo, ŋiloruto ködyö gwon a lut i kulya ti keri ko perok buryo.

Nyökit 32:10

Nye a ryö lepeŋat i jur logon a yöbu na sese, i ’dar kana na wuwuŋi ’e gwuruŋin; nye a pom lepeŋat, nye a tiju lepeŋat, nye a gaju lepeŋat gwoso koŋe lonyit metet.