Ejikele 16:45 - Bibilia Buk na Ŋun nagon koti luŋu a

⁴⁵ Do a ŋuro nagon kelaji ko ŋuti. Ŋuti a maŋdu lalet lonyit se ko ŋwajik kanyit. Do a kelaji ko kiösurök nagon a maŋdu lyan kase se ko ŋwajik kase kune. Ŋuti a ŋuto na Kiti a munyi gwe a ŋuto lo Amori.

Ejikele 16:45 Iomraidhean Croise

Yisaya 1:4

Woidio, jur katoronyanit, ŋutu logon a sopa ko toronjin, nyakwariat ti ŋutu jo koŋdya arabat, ŋwajik kato ’burok! Ta a paju MATAT, a ta lauŋdye Ŋilo Loke lo Yisaraele, a ta lopukokiŋdye lepeŋ ki ’dirino.

Ejikele 16:15

A kölumbö do yinikiŋdye kwelen inot, a biryeri mugun a kawute kogwon kono inot, a wukiŋdye mugun abur i ŋutu lo Iwolwoŋoddu.

Ejikele 16:3

Taki lepeŋ adi, MATAT ŊUN lo jambu ko do Yerusalema adi, Do gwoso ŋuro ’diet, pirit inot ko yuŋwe inot köju gwon i jur lo ŋutu ti Kanana, munyi köju a ŋuto lo Amori a ŋuti gwe a ŋuto na Kiti.

Ejikele 16:8

A na lwöŋöddi nan koti konut nyona nu, a nan meddi do, mete, a do gwe a nagon jujukin i yema, a nan panyakiŋdye kume lo boŋgo nio konut loki a muŋge to ’buson inot, iŋkoi, a nan iŋge milyekin do a teteŋdi tomoret ko do, a do iŋge wora a nio. ŋilo a kulyaet lio lo MATAT ŊUN.

Ejikele 23:2

Ŋuro lo ŋuto, ŋutu wate köju kata murek nagon a ŋwajik ti ŋote.

Jakaria 11:8

A nan riköddi kayukuk musa-la i yapa geleŋ. A töili liŋ gwe ti ŋoŋga kulya ko se, a kata nase köti gwe pötwör ko nan.

Kenet 21:5

A ŋutu jambi arabat i kulya ti Ŋun ko Mose adi, Nyö ta a joŋdya yi kaŋo i Ejipeto anyen ko twatwa i yöbu? Kogwon kinyo ko pioŋ ’bayin, a kamulak kaŋ tine ’dekan ŋilo kinyo logon ’bak ’bulit.

Nyökit 12:31

A ta ködyö tine konakiŋdya MATAT Ŋun losu sona; kogwon se a konakiŋdya Ŋunyen kase ŋo narok parik liŋ nagoŋ MATAT maman; kogwon se a ’yurakiŋdya Ŋunyen kase lulyan ko nawate.

Nyökit 5:9

Do ködyö ti rugwuŋöki kase i komor, do ködyö ti twöju se; kogwon nan MATAT ŋun ilot gwon a ŋun logon a kayinönit. Nan tiŋdu toronjin kase komonye ko torela i kusik tojo ko nyakwari tomusala ko toiŋwan ti ŋutu logon maman nan kilo,