Ejikele 16:44 - Bibilia Buk na Ŋun nagon koti luŋu a

⁴⁴ Mete, a ŋutu liŋ logon jambu tolupe-si kulo mo jambi lele tolupet i kulya kunök adi, Ŋuro nakwan a kelaji ko ŋote.

Ejikele 16:44 Iomraidhean Croise

1 Moran 21:16

A na yiŋge Aba adi Nabota aje twan nu, a nye ŋine ŋien a dudulara kak i luköbi na binyo na Nabota lo Yejerele i ruddya na lepeŋ.

2 Moran 17:11

a se ’yuŋe bökur nyu i piritön kwa-kwasesi liŋ na gwon i ko ’dulan ti merya kune, gwoso na koŋdi jurön logon MATAT a joŋ kaŋo kase i komor kulo. A se koŋdi ŋo narok i towoŋa na MATAT,

2 Moran 17:15

A se lauŋdye saresi kanyit lo wurö ko tomoret nanyit nagon nye a teten ko merenyejin kase, ko kunyaresi nagon nye a kunyaŋi se kunu. A se kepoddi nyömuejin nagon a wuya kana a se köti worani a wuya, a se kepoddi jurön logon gwon kase i mara, logon MATAT köju a sarakin se adi se ködyö ti mira-kiŋdya lepeŋat kulu.

2 Moran 21:9

Ama se ti yiŋga, a Manase togiraddi se i koŋdya na konesi narok lwölwöŋ na koŋdi kulu jurön logon MATAT köju a tukar ko ŋutu ti Yisaraele i komor kulu.

Ejira 9:1

A i mukök nagon kine kulya ajekona nu, a temejik ti ŋutu poŋdi köyö ni, a kulyani adi, ŋutu ti Yisaraele ko koanejin se ko Lewijin a ko nyuŋ koruŋdya ’börik kaŋo i konesi manat ti ŋutu ti Jurön ti Kanana, ko ti Kiti, ko ti Periji, ko ti Yebusi, ko ti Amon, ko ti Moaba, ko ti Ejipeto, se ko ti Amori.

Ejikele 12:22

Ŋuro lo ŋuto, tolupet nagon ŋutu jajam i jur losu lo Yisaraele na kweja nyo nagon ta kulya adi, Perok ’yaladdu ŋerot a ŋo na memeta na met nebi kanyit i töili kune worani a ŋo kana?

Ejikele 12:23

Taki lepeŋat adi, MATAT ŊUN lo kulya sona adi, Nan aje tiŋdu ’dutet i ŋina tolupet, a nye mo köti tine yiŋa i jama i Yisaraele köti kwöŋ. Ama taki lepeŋat adi, Diŋit gwe nyona nagon ŋo na memeta na met nebi kanyit i töili kune mo wora a gwak.

Ejikele 16:3

Taki lepeŋ adi, MATAT ŊUN lo jambu ko do Yerusalema adi, Do gwoso ŋuro ’diet, pirit inot ko yuŋwe inot köju gwon i jur lo ŋutu ti Kanana, munyi köju a ŋuto lo Amori a ŋuti gwe a ŋuto na Kiti.

Ejikele 16:45

Do a ŋuro nagon kelaji ko ŋuti. Ŋuti a maŋdu lalet lonyit se ko ŋwajik kanyit. Do a kelaji ko kiösurök nagon a maŋdu lyan kase se ko ŋwajik kase kune. Ŋuti a ŋuto na Kiti a munyi gwe a ŋuto lo Amori.

1 Samuele 24:13

Köju ’beron ŋutu a jambu lilim lose adi, Toron lupuŋdyö i ŋuto loron, ama könin liŋ ti ’bo ’yu do.