Ejikele 16:41 - Bibilia Buk na Ŋun nagon koti luŋu a

⁴¹ A se mo ’yuŋe kadijik kunök, a se mo ’duŋökiŋdye do putesi a ŋutu wate memeddya. A nan mo to ’duddye towutön inot, a do mo köti tine gwöruŋdyö kanyarak kulök kwöŋ.

Ejikele 16:41 Iomraidhean Croise

2 Moran 25:9

A nye ’yuŋe kadi na MATAT, ko kadi na mor, ko kadijik liŋ ti Yerusalema; iŋkoi, nye a ’yur kadijik dumalak liŋ.

Eyobo 34:26

Lepeŋ a ’bitökin se kak ko ŋutu i komor kogwon toronjin kase,

Yisaya 2:18

A nyömuejin mo wusajine kaŋo asut.

Yisaya 27:9

Nyenagon a lyaŋesi ti kötumit na Yakobo mo tolikani sona, a kulya nagon joŋga toronjin kanyit kaŋo kune mo gwe i kine kulya, kweja adi a nye mo gwagwalaŋgi salesi liŋ ti piritön ’yuresi ti rubaŋgajin anyen gwon gwoso ŋurupö lorgo-yo, a tine kölökiŋdyö kaden ti mian logon a Asera kode ’yuresi ti bökur i gwo ’dan ki köti.

Yeremia 39:8

a ŋutu ti Kaledea ’yuŋe kadi na mor se ko kadi­jik ti ŋutu, a se iŋge tuŋö ŋorom nagon a mariŋ na Yerusalema kak.

Yeremia 52:13

A nye ’yuŋe kadi na MATAT, ko kadi na mor, ko kadijik liŋ ti Yerusalema ko kimaŋ; iŋkoi, nye a ’yur kadijik dumalak liŋ.

Ejikele 11:9

A nan mo joŋgi ta kaŋo i ŋina köji, a ŋutukiŋdye ta i könisi ti Lwaka, a nan mo ’duŋökiŋdye ta putesi.

Ejikele 16:33

Ŋutu lyan ’do ’dogga kawutejin liŋ, kölumbö a do ’doggi ŋutu kulok lo nyanyara anyen gwöruŋdyö lepeŋat i swöton liŋ anyen po i wuton ko do.

Ejikele 23:10

A lepeŋat iŋge kwekin to ’busön nanyit köke, a momokaddi ŋwajik kanyit lulyan ko nawate, a tatuje lepeŋ ko baŋdu. A nagon lepeŋ aje ’duŋöki putet nu, a ŋutu wate jamaddi karin kanyit a ligirit.

Ejikele 23:27

A nan mo to ’duddye wutön se ko toluŋ inot na jon do i jur lo Ejipeto ŋina; a konyen kulök mo tine pilakin i ŋutu ti Ejipeto, a mo tine yeye lepeŋat köti kwöŋ.

Ejikele 23:48

A nan mo to ’duddye towutön i jur, anyen ŋutu wate liŋ ködyö kukujönö koŋdya towutön gwoso na koŋdi se na.

Ejikele 37:23

A lepeŋat köti kwöŋ mo tine toluddya ’börik ko nyö-muejin logon a ŋunyen kase, ko konesi kase na mamana, se ko lauŋdya nase na saresi kwe; a nan mo lwökuŋdye lepeŋat kaŋo i toronjin kase liŋ na kukuto-di se bot kune, a nan mo toke ’yi se; a se mo gwe a ŋutu kwe, a nan mo gwe a ŊUN lose.

Ejikele 5:15

A na ’duŋökiŋdye nan ŋutu kulök putesi, i riŋga na se ko woran nio duma na pape nu, a do mo gwe a ŋo na ’dö ’döyö ko a na lalawe, ko a kweyet tokujönöet, ko a ŋo nagon tusöŋu ŋutu ti jurön liŋ logon lorga do kulo. Nan MATAT aje jambu.

Ejikele 5:8

nyenagon nan MATAT ŊUN lo kulya sona adi, Mete, nan, iŋkoi nan lepeŋ a miriku losu; nan mo ’du ’duŋökin ta putesi i kiden na köji nasu a ŋutu ti jurön memeddya.

Mika 3:12

Nyena kogwon kulya kasu, Siona mo kukuru gwoso melesen; a Yerusalema mo worani a sudiet ti rubajin, a mere logon kadi na MATAT gwon kata lo mo worani a rudu.

Jakaria 13:2

Nan MATAT lo kurumi lo kulya adi, I ŋilu lor nan mo seyara karin ti nyömu-ejin logon a punyen kaŋo i lo jur, anyen se gwon ti yeyeŋ köti; a nan köti mo toyuöddi nebijin se ko mulökotyo lo tolutan kaŋo i lo jur.

Nyökit 13:11

A ŋutu liŋ ti Yisaraele mo yiŋge yiŋga, a kujönöni kujönö, a mo tine koŋdya nene toron köti kwöŋ kasu kiden gwoso na.

Nyökit 13:16

A ta ködyö kwokwötuŋdye mokat ti nu köji liŋ i kiden na terere nanyit, a ta ’yuŋe nu köji ko mokat kanyit liŋ, gwoso rubaŋga lo ’yuraki MATAT Ŋun losu ’buluŋ; a nu köji mo yeŋoro a ruba ŋupi, a mo tine ’dukö köti.

Nyökit 22:21

a se ködyö joŋgi nu ŋuro kaŋo i kötumit na kadi na monye lonyit, a ŋutu ti köji nanyit ködyö gugubuje lepeŋ ko ŋurupö tojo a twan, kogwon nye a koŋdya tu ’böŋön i Yisaraele i koŋdya na lulupujö ko monye kadi; a ta ködyö lalaaddi kulya narok kaŋo kasu kiden.

Nyökit 22:24

a ta ködyö joŋdi se murek liŋ kaŋo tojo i kötumit na köji, a ta gugubuje se ko ŋurupö tojo a twan. Nu ’diet tatatua kogwon nye a ko lulujö ma ’di nye gwon i köji lukata, ko lu ŋuto tatatua kogwon nye a to ’diddya nakwan na marate lonyit; a ta ködyö lalaaddi kulya narok kaŋo kasu kiden.

1 Timoteo 5:20

ŋutu logon yeŋon koŋdya arabat kilo, riripe ririŋ ko ŋutu liŋ i komor, anyen kulye boŋo kukujono.