Ejikele 16:4 - Bibilia Buk na Ŋun nagon koti luŋu a

⁴ A ko gwe gwoso i lor lo yuŋwe inot, kapulet inot köju a ko ’duŋö, a do gwe a ko tokue anyen do gwon a nake, a do gwe a ko wela ko welet I kode doko ko boŋgwat.

Ejikele 16:4 Iomraidhean Croise

Suluet 15:13

A MATAT kulyani ko Abarama adi, Dene den ’diri adi nyakwariat kulök mo gwon a lwaka i jur logon a leŋe lose, a se mo gwe a ’dupi nyu, a kilu Ŋutu mo sasaŋdi se ko kiŋajin miajin Iŋwan.

Delyasi 2:20

Boŋgi pon MATAT, ko meddi, do a konakiŋdya ŋa ŋo gwoso kine? ŋutu wate ŋona ködyö nyesu lupudiet kase logon se a ’dep ko könisi kase kulo le? Koane ko nebi ŋona bubulö tatua i pirit inot nake na rurwan le?

Delyasi 2:22

Do aje luŋgu merok kwe i swötön liŋ gwoso ŋutu lo luŋwe i lor lo rorwe lo wulwe, a lele ŋuto gwe ’bayin lo rwöddu kode lo pituŋdyö i lor lo woran inot na MATAT. Merok kwe aje tukar ŋutu liŋ logon nan a ’dep ko a wowo kulo.

Ejikele 16:3

Taki lepeŋ adi, MATAT ŊUN lo jambu ko do Yerusalema adi, Do gwoso ŋuro ’diet, pirit inot ko yuŋwe inot köju gwon i jur lo ŋutu ti Kanana, munyi köju a ŋuto lo Amori a ŋuti gwe a ŋuto na Kiti.

Ejikele 20:13

A kölumbö kötumit na Yisaraele renyani nan i yöbu yu; a se gwe a ko wörö i saresi kwe lo wurö, a renyani jujuwesi kwe logon ko ŋuto a ’dep se kulo a rune ru; a se iŋge kör sabatajin kwe parik. A nan köti iŋge yeyeju ’bukökiŋdyö woran nio kase loki i yöbu yu anyen to ’duddyö se asut.

Ejikele 20:8

Kölumbö a se renyani nan, a tine ’bön yiŋga nan. A lepeŋat liŋ geleŋ geleŋ gwe a ko gumba ŋo kase na mamana kaŋo nagon tulyöŋgu konyen kase kune, a gwe a ko kölökiŋdyö nyömuejin logon a ŋunyen ti Ejipeto. A nan iŋge yeyeju ’bukökiŋdyo woran nio kase loki, a yeyeji ŋoma ko se asut i jur lo Ejipeto.

Osea 2:3

an nan rusun boŋgwat kanyit kaŋo, a kolokiŋdye Lepeŋ a limu kana gwoso i lor lo yuŋwe ’i nye koju lu, a koŋdi Lepeŋ gwoso yobu kana, a tiŋdi Lepeŋ i gwon gwoso kak nateyon, a kolokiŋdye Lepeŋ i twan ko kure.

Osea 2:5

Kogwon ŋote nase a koŋdya towuton; nye na yupuŋdyö se na a koŋdya arabat ’bak yu na kwe, kogwon Lepeŋ kulya adi, Nan de tutu ko kanyarak kwe yu, logon titikin nan kinyo lio se ko pioŋ kwe na mamata, a tiŋdi nan kupir ti köbilu se ko waratat pisite nagon gweya a boŋgwat kwe, ko welet nio se ko yawa kwe.

Luka 2:12

A ŋina gwe kasu a kweyet: ta de ryöryö lupudi a doko ko boŋgo, ko a topiriki i saŋduk nagon toro ’bo nyesu kata i goro.

Luka 2:7

A nye ta ’duuŋdye ŋuro lonyit kayu, a nye doggi lepeŋ ko boŋgo, a topirikiŋdye lepeŋ i saŋduk nagon toro ’bo nyesu kata i goro, kogwon pirit nase ’bayin i kadi na komu.

Nyökit 15:15

A ti do yiyiuŋdye adi do köju gwon a ’dupiet i jur lo Ejipeto, a MATAT Ŋun ilot aje dakuŋdya do kaŋo; nyenagoŋ a nan aje sarakiŋdya do kine kulya i lo lor.

Nyökit 5:6

Nan logon a MATAT ŋun ilot, logon a joŋdya do kaŋo i jur lo Ejipeto, i pirit na to ’dupien.

Yosua 24:2

A Yosua kulyani ko ŋutu liŋ adi, MATAT Ŋun lo Yisaraele lo kulya adi, Merenyejin kasu köju si ’da i nu pele na kare Perat, kweja adi Terak ko ŋwajik kanyit logon a ko Abarayama ko Nakor; a se i ŋge kitakiŋdya kulye ŋunyen.