Ejikele 16:37 - Bibilia Buk na Ŋun nagon koti luŋu a

³⁷ nyenagon mete, nan mo tutun kanyarak kulök liŋ logon ta tulyoŋgu ’börik i pirit na geleŋ kilo, kweja adi se liŋ logon do nyanyar kilo se ko logon do maman kilo. A nan mo tutunuŋdye se liŋ i swötön liŋ i moro ko do, a nan mo panyakiŋdye lepeŋat to ’busön inot, anyen se meddya do i gwon a limu kana.

Ejikele 16:37 Iomraidhean Croise

Yisaya 47:3

A mugun inot limu kana mo kweyan ikweya, a lawe iriot mo metani meta.A nan mo ropakiŋdye toronjin kunök, a nan mo tine koŋdya tomoret kolele ŋuto.

Yeremia 13:22

A ko do a pija konut i töili adi, Nyo nagon kune ŋo a pokin köyoloki? Iŋkoi, se a pokin konut loki kogwon toronjin kunok jore, a boŋgo inot na mukok iŋge kerenyaji kaŋo, a puŋdiat kulok metani köke.

Yeremia 13:26

Nan ko mugun nio aje banyara boŋgo inot na mukok tojo konut i komor, a kweji to ’buson inot.

Yeremia 22:20

Kiyaddi Libanon ko luluöddi ki, woŋoro ki Basan yu, luluje lulujö Abarim yu, kogwon julin kulök liŋ aje tukara.

Yeremia 4:30

Ama do köji nagon a murwo, ko nyo do gwon gwoso ŋuto nakwan nagon a jupu boŋgwat na ’bule a jupukiŋdye minyojin logon a dakap, a tokweleŋdi konyen kulok ko buya anyen meta a lugalaŋak? Do tokweleŋdu mugun ko kana. Kanyarak kulok ’do ’do do; lepeŋat ga ’yu tatuja do.

Delyasi 1:19

Nan a luŋgu kanyarak kwe ama a se mumuluŋge nan, a koanejin kwe se ko ŋutu kwe temejik iŋge twatwa köji kata, na ga ’yi se kinyo anyen nyokuŋdyo riŋiton kase nu.

Delyasi 1:8

Yerusalema aje toroŋdya parik, nyenagon a nye iŋge wora a lut; a ŋutu liŋ logon bu ’ya lepeŋ kulo ’dö ’döji lepeŋ, kogwon se aje met gwon nanyit a limu kana; iŋkoi, nye ko mugun ’du ’duatu, a löpuköddi komor nanyit a swöt.

Ejikele 16:57

kweja adi i ŋerot nagon toron inot a ko nyuŋ kweki köke nu? Soŋinana do aje wora a yuyuket na ŋwajik wate ti Suria se ko ŋutu na si ’da kanyit nyona, ko a yuyuket na ŋwajik wate ti Pelesete; kine a se nagon lorga do ko a lauŋdya do kune.

Ejikele 23:17

A ŋutu ti Babela poŋdi kanyit ni i dotoet nanyit nagon a yoyoet, a se toluddye lepeŋ ko towutön nase; a i mukök nagon se aje toluddya lepeŋ nu, a nye löpukuŋdye kaŋo kase a dara tine ’bön se.

Osea 2:10

Nyena a nan mo panyakiŋdye towuton nanyit köke i komor na kanyarak kanyit, a lele ŋuto mo gwe ’bayin logon lwököddu Lepeŋ koyo i konisi.

Osea 2:3

an nan rusun boŋgwat kanyit kaŋo, a kolokiŋdye Lepeŋ a limu kana gwoso i lor lo yuŋwe ’i nye koju lu, a koŋdi Lepeŋ gwoso yobu kana, a tiŋdi Lepeŋ i gwon gwoso kak nateyon, a kolokiŋdye Lepeŋ i twan ko kure.

Osea 8:10

Iŋkoi, ma ’di se a gwöruŋdyö lepeŋat i kiden na jurön, soŋinana nan de momoruŋdya lepeŋat i ŋirit na geleŋ i riŋa; i diŋit a na ’dit a se mo kölökiŋdye welakiŋdya ŋutu i gwon a moran kode a ŋutu temejik.

Kweyatti 17:16

A oŋgwora puök lo met do kilo, se ko ŋilo gworoŋ, lepeŋat mo maman ŋina kawute; a se mo kölökiŋdye lepeŋ ’bak nene oŋ, a rösöddi boŋgwat kanyit kaŋo, a mo nyesi mugun nanyit a ’yuŋe lepeŋ ko kimaŋ.