Ejikele 16:36 - Bibilia Buk na Ŋun nagon koti luŋu a

³⁶ Nan MATAT ŊUN lo kulya adi, Kogwon do aje panyakiŋdya mugun köke a tiŋdi mugun i meta ’busön i towuton ko kanyarak kulök, köti kogwon nyömuejin kulök liŋ lo mamana logon a ŋunyen kilo, köti kogwon do a wukiŋdya lepeŋat ŋwajik kulök a rubaŋgajin,

Ejikele 16:36 Iomraidhean Croise

Suluet 3:7

A kirut konyen kase ŋaji ŋaju se murek liŋ, a se deŋdi adi se gwon ko mugunya a limuö kana; a se ribbe koropo ti ki ’bi i pirit na geleŋ, a tetenakiŋdye ’börik a ’böno.

Yeremia 19:5

A se iŋge ’duggö piritön na gwon i ko ’dulan ti merya kune a ti Bala, anyen ’yurakiŋdya Bala ŋwajik kase a rubaŋgajin. Nan a ko sarakin ŋo gwoso kine, kode jambu adi ti konani kona, iŋkoi, nan kwöŋ a ko yiyiun se.

Yeremia 2:34

Iŋkoi, makine rima konut i boŋgwat; kine a rima ti ŋutu lomerika logon ’bak kulya logon do a tatu kulo, do a ko ryö lepeŋat i ’beleŋgu na kadi.

Delyasi 1:9

Tolutan nanyit ’depakiŋdya kanyit i boŋgwat; a nye tine yeyeju tukara nanyit; nyenagon a ’doro nanyit gwe a ŋo sörit, a nye gwe ’bak lele ŋuto lo sugga lepeŋ. A köji gwine adi, A, pon MATAT, meddi ŋoŋga nio kogwon merok aje te ’ya!

Ejikele 16:35

Nyena do kawute, yiŋge kulyaet lio lo MATAT.

Ejikele 16:57

kweja adi i ŋerot nagon toron inot a ko nyuŋ kweki köke nu? Soŋinana do aje wora a yuyuket na ŋwajik wate ti Suria se ko ŋutu na si ’da kanyit nyona, ko a yuyuket na ŋwajik wate ti Pelesete; kine a se nagon lorga do ko a lauŋdya do kune.

Ejikele 20:31

Na wukiŋdye ta ’dokesi se ko rubaŋgajin, a ’yuŋe ŋwajik kasu a rubaŋgajin nu, ta toluddya ’börik ko nyomuejin kasu liŋ logon a ŋunyen tojo ko lo lor. A kirut nan mo rukökiŋdye ta kötumit na Yisaraele i piyuŋdya na nan ada? Nan MATAT ŊUN lo kulya adi, ’Diri ’diri gwoso na gwoŋdi nan na, nan ti ’dekan ta i piyuŋdya na nan kwöŋ.

Ejikele 22:15

Nan mo ririkörö ŋutu kulök i kiden na gweyajin ti ŋutu, a toreaddi se pajo i kiden na jurön, a nan mo tu ’baka ’yi tolutan nasu konut lukata.

Ejikele 23:10

A lepeŋat iŋge kwekin to ’busön nanyit köke, a momokaddi ŋwajik kanyit lulyan ko nawate, a tatuje lepeŋ ko baŋdu. A nagon lepeŋ aje ’duŋöki putet nu, a ŋutu wate jamaddi karin kanyit a ligirit.

Ejikele 23:18

A na kwekiŋdye nye towutön nanyit köke, a panyakiŋdye to ’busön nanyit köke nu, a kirut nan löpukuŋdye kaŋo kanyit a dara tine ’bön lepeŋ, gwoso na kölökiŋdye nan kiaser nu.

Ejikele 23:29

a se mo kitari do ko maŋdu, a joŋgi ŋo kunök liŋ na kitaun do kine, a kölökiŋdye do kana a gwe ’busön, a to ’busön na towutön inot mo metani köke. Towutön se ko toluŋ inot

Ejikele 23:37

Kogwon se aje biryeri ’börik a kalupejin, a könisi kase iŋge ’buköddu rima, iŋkoi, se aje koŋdya toluŋ ko nyömuejin logon a punyen kase, a wukiŋdye se ma ’di ŋwajik logon se a yuŋwekin nan kulo. Kilo ŋwajik tiki se a kinyo lose.

Ejikele 23:8

A lepeŋ gwe a ko kölökin wutön nagon nye köju a kon ’beron i perok lo gwoŋdi nye Ejipeto yu kulu; kogwon ŋutu lyan a dotori lepeŋ i tukö ’disen nanyit, a iŋge mumusuk kido nanyit nagon nye nyuŋ gwon a kö ’disityo nu, a tulyöŋgi lepeŋ ko towutön nase.

Ejikele 24:13

Do ŋina köji, ŋina lo ’dokwe a towutön nagon toluddya do na, nan a möŋu toke ’ya do, a do gwe a ko kelan, nyenagon do mo köti ti kelan tojo woran nio a ’bakakin konut loki.

Ejikele 36:18

Nyena a nan iŋge ’bukökin woran nio ko lepeŋat loki kogwon rima nagon se a ’buk i jur kune, koti kogwon nyömuejin logon a punyen logon se a toluddye jur kulo.

Ejikele 36:25

A nan mo gwagwaddi ta ko pioŋ nake, a ta mo tokelani tokela i lut kasu liŋ, a nan mo toke ’yi ta i nyömuejin liŋ logon a punyen kasu kilo.

Jepania 3:1

Woidio köji nagon a karudanit, nagon a karenyanit ko a toluta!

Kweyatti 3:18

Nyena nan jujuja do, gwöruŋdye dakap ködyo nagon a nama a iŋge tokela, anyen do boŋo wora a kworinit; koti ti do gwöruŋdye boŋgwat nakwe, anyen muggö mugun inot limu kana nagon tiŋdu yu na kwe; koti ti do gwöruŋdye wini, anyen do we ’yi konyen kulok anyen do boŋo memeddya.