Ejikele 16:3 - Bibilia Buk na Ŋun nagon koti luŋu a

³ Taki lepeŋ adi, MATAT ŊUN lo jambu ko do Yerusalema adi, Do gwoso ŋuro ’diet, pirit inot ko yuŋwe inot köju gwon i jur lo ŋutu ti Kanana, munyi köju a ŋuto lo Amori a ŋuti gwe a ŋuto na Kiti.

Ejikele 16:3 Iomraidhean Croise

Suluet 11:25

a i mukök na yuŋuŋdye Nakor Terak nu, a nye iŋge si ’da ko kulye kiŋajin mia geleŋ ko puök wot buŋwan, a nye yuŋuŋdye kulye ŋwajik lyan ko nawate.

Suluet 11:29

A Abarama se ko Nakor yembi wate kase; karin ti nakwan na Abarama a Sarai, a karin ti nakwan na Nakor gwe a Mileka, ŋuro na Aran monye lo Mileka ko Iseka.

Suluet 15:16

A i nyakwari toiŋwan a se mo yitwene bot ni koti; kogwon ŋonyan na Ŋutu ti Amori a ko nyuŋ jukin i riŋa.

1 Moran 21:26

Lepeŋ a koŋdya ŋo na mamana i keŋoddu nanyit na nyömuejin, gwoso na koŋdi ŋutu ti Amori logon MATAT a rikörö kaŋo ko ŋutu ti Yisaraele i komor kulu.

2 Moran 21:11

Kogwon Manase mor lo Yuda aje koŋdya kine ŋo na mamana, ko aje koŋdya a naron lwölöŋ ŋo liŋ na kon ŋutu ti Amori lo gwon kanyit ŋerot kulu, ko köti aje tiŋdu Yuda i toroŋdya ko nyömuejin kanyit;

Ejira 9:1

A i mukök nagon kine kulya ajekona nu, a temejik ti ŋutu poŋdi köyö ni, a kulyani adi, ŋutu ti Yisaraele ko koanejin se ko Lewijin a ko nyuŋ koruŋdya ’börik kaŋo i konesi manat ti ŋutu ti Jurön ti Kanana, ko ti Kiti, ko ti Periji, ko ti Yebusi, ko ti Amon, ko ti Moaba, ko ti Ejipeto, se ko ti Amori.

Nemaya 9:7

Do a MATAT Ŋun logon a wuluŋdyo Abarama ko a joŋdya lepeŋ kaŋo Uri jur lo Kaledea, a gweŋ lepeŋ a Abarayama;

Yisaya 1:10

Ta kasarak ti Sodoma, yiŋge ta kulyaet lo MATAT! Ta ŋutu ti Gomora, gakiŋdye ta swo kasu i todinesi ti ŋun likaŋ!

Yisaya 43:27

Merenye ilot a toroŋdya katökorok kulök a renya nan,

Ejikele 16:2

Ŋuro lo ŋuto, kweki Yerusalema ŋo kanyit na mamana.

Ejikele 16:4

A ko gwe gwoso i lor lo yuŋwe inot, kapulet inot köju a ko ’duŋö, a do gwe a ko tokue anyen do gwon a nake, a do gwe a ko wela ko welet I kode doko ko boŋgwat.

Ejikele 16:45

Do a ŋuro nagon kelaji ko ŋuti. Ŋuti a maŋdu lalet lonyit se ko ŋwajik kanyit. Do a kelaji ko kiösurök nagon a maŋdu lyan kase se ko ŋwajik kase kune. Ŋuti a ŋuto na Kiti a munyi gwe a ŋuto lo Amori.

Ejikele 21:30

Sijoro baŋdu bot kanyit i soko ’bo. Nan mo ’du ’dupökin ta putet i pirit nagon ta yuŋwe kata, iŋkoi, i jur logon ta pipiluŋdya kata lu.

Matayo 11:24

Ama nan takiŋdya ta adi Sodoma mo ’duŋöki putet pölilyö i lor ’duŋet lwölwöŋ ’duŋöki nasu.

Matayo 3:7

Ama a na meddi lepeŋ Parusijin jore se ko Sadokejin jore poŋdya i batisa nu, a nye pije se adi, Ta torela ti munuö, ŋa lo tokujöŋdu ta i woran na popo nu, anyen ta rwörwöddu le?

Luka 3:7

A Yoane pije lodir lo ŋutu lo po i batisa kanyit ni kulo adi, Ta torela ti munuö, ŋa lo tokujöŋdu ta i woran na popo nu anyen ta rwörwöddu le?

Yoane 8:44

Munyi a ŋilu kaŋöönit, a ta koŋdi ŋo nagon munyi ’de ’dekan koŋdya. Suluja i suluet lepeŋ a katatuanit, a lepeŋ tine gwi ’dikin i to ’diri, kogwon lepeŋ ’bak to ’diri. Na jambi nye ’burönö na, a nye jambi gwoso na gwoŋdi nye a ’burönit na, kogwon nye a ’burönit ko a monye ’burönö liŋ.

Epeso 2:3

Yi liŋ koti koju gwolor abur gwoso nagon yi ’de ’deggi, a yi koŋdi gwoso nagon mugunya kaŋ ko toilyet kaŋ ’de ’dekan na. Nyena yi liŋ gwon gwoso kulye kilo Ŋutu logon ŋun molu ririŋ kulo.

Nyökit 20:17

ama a ta ködyö tukaŋi se liŋ adisit, kweja adi ŋutu ti Kiti, ko ti Amori, ko ti Kanana, ko ti Periji, ko ti Kiwi, ko ti Yebusi, gwoso nagoŋ MATAT Ŋun losu aje saŋi ta na;

Nyökit 7:1

A na joŋdi MATAT Ŋun losu ta i lu jur logon ta lubbi i morga lu, a ’dotoddi gweyajin ti ŋutu jore kaŋo kasu i komor, logon a ŋutu ti Kiti, ko ti Girigisi, ko ti Amori, ko ti Kanana, ko ti Peŋi, ko ti Kiwi, ko ti Yebusi, kilo a jurön buryo temejik logon toto-Ŋun ta i tojore ko i riŋit nase;

Yosua 13:4

a i swöt lo loki gwe a jur liŋ lo ŋutu ti Kanana, se ko Meara nagon a na ŋutu ti Sidona, tojo ko Apek i lokökorit lo ŋutu ti Amori,

Yosua 24:14

Nyenagon so pinana kuŋge ta MATAT, ko kitakiŋdye ta lepeŋ i tugwakan ko i to ’diri; ko paji ta ŋunyen logon merenyejin kasu aje kitakiŋdya lepeŋat i nu pele na lu Kare ko i Ejipeto kulu, ko kitakiŋdye ta MATAT.

1 Yoane 3:10

Ŋwajik ti Ŋun se ko ŋwajik ti ŋilo kaŋöönit dena i ŋilo kiko adi, ŋutu logon ti koŋdya ’bura kode ti nyar luŋasirik kilo ti gwon a ti Ŋun.