Ejikele 16:28 - Bibilia Buk na Ŋun nagon koti luŋu a

²⁸ Do koti a birye wuton ko ŋutu ti Asura kogwon do nyuŋ gwon ko magor lo wutön; iŋkoi, do a birye wutön ko lepeŋat ama a do gwe a ko yimönö asut.

Ejikele 16:28 Iomraidhean Croise

2 Moran 16:7

A Akaja soŋdi luyökie ko Tigilat-pileser mor lo Asura yu kulya adi, Nan a köliŋönit ilot ko a ŋuro ilot. Poŋdi ko lwök nan i könin lo mor lo Suria ko i könin lo mor lo Yisaraele logon kulo a pikin i mörö ko nan.

2 Moran 21:11

Kogwon Manase mor lo Yuda aje koŋdya kine ŋo na mamana, ko aje koŋdya a naron lwölöŋ ŋo liŋ na kon ŋutu ti Amori lo gwon kanyit ŋerot kulu, ko köti aje tiŋdu Yuda i toroŋdya ko nyömuejin kanyit;

2 Dekat 28:16

I ŋinu diŋit mor Akaja a luŋgu paret ko mor lo Asura.

2 Dekat 28:23

A nye wukiŋdye rubaŋgajin a ti ŋunyen ti Damaseke, logon a te ’ya lepeŋ kulo kulya adi, Ŋunyen kase a parakiŋdya moran ti Suria, nyena a nan de wukiŋdye lepeŋat rubaŋgajin anyen se böŋö parakiŋdya nan. Ama a se kolumbo to ’doroji lepeŋ se ko Yisaraele liŋ.

Yeremia 2:18

’Bulit a nyo i tu inot Ejipeto i möju na pioŋ ti Supiri? Kode ’bulit a nyo i tu inot Asura i möju na pioŋ ti kare Perat?

Yeremia 2:36

Nyo nagon do a löpuggö kiko ilot ’bak yeyeju? Ejipeto mo tutuyaŋ do gwoso na tuyaŋgi Asura do na.

Yeremia 3:1

Ko ŋuto a yaŋdu nakwan nanyit a ŋina ŋuto kö ’yi nye a yemani ko lele lalet, ŋilo ŋuto ŋona bubulö yitö ko ŋina ŋuto yu le? ŋina nakwan ŋona a ko toluta parik le? Do aje biryeri mugun gwoso kalupe ko kanyarak jore, do ŋona bubulö yitwe köyö ni le? ŋilo a nan MATAT lo pija.

Ejikele 16:29

Do köti a ’yaladdu wutön inot ŋerot ko ŋutu ti Kaledea logon a katujarak, ama a do gwe a ko nyuŋ yimönö wutön ma ’di ko kilo ŋutu.

Osea 10:6

A ŋina nyömue mo joŋani Asura ’dokari mor duma; a kötumit na Epuraima mo toyuöne kusik, iŋkoi, kötumit na Yisaraele mo toyuö kusik kogwon ŋo na yeye se i teteŋdya na.

Ka’duŋök 10:6

A ŋutu ti Yisaraele köti koŋdi ŋo nagon a naron ko MATAT i komor, a kitakiŋdye ŋunyen logon a Balajin ko Asatarot, ko ŋunyen ti Suria, ko ŋunyen ti Sidona, ko ŋunyen ti Moaba, ko ŋunyen ti ŋutu ti Amon, ko ŋunyen ti Pelesete; a se kö ’yi MATAT, a tine kitakiŋdya lepeŋ.