Ejikele 16:24 - Bibilia Buk na Ŋun nagon koti luŋu a

²⁴ Ŋo a ’du ’duluki-ŋdya mugun piriton najo ki, a do tetenakiŋdye mugun piriton na ’du i piriton liŋ nagon a terereki;

Ejikele 16:24 Iomraidhean Croise

1 Moran 14:23

Kogwon se köti a tetenakiŋdya ’börik piritön kwakwasesi i ko ’dulan ti merya, ko ŋurupö logon a togwi ’diki ki anyen kwakwasa kulo, ko a tiŋdu kaden ti mian logon a Asera i merya lojo liŋ ko i mukökö ti kaden lo rurwan liŋ;

2 Dekat 21:11

A nye köti teteŋdi piriton kwakwasesi na gwon i ko ’dulan ti merya ti Yuda kune, a nye nyomoddi ŋutu ti Yerusalema i renya na Ŋun gwoso kalupejin na renya lyan kase, a tiŋdi ŋutu ti Yuda i reara abur.

2 Dekat 28:25

A nye teteŋdi piriton kwakwasesi i ko ’dulan ti merya i köjino liŋ ti Yuda anyen ’yurakiŋdya punyen logon a lepelok bökur, a kine kulya toŋi woran na MATAT Ŋun lo merenyejin kanyit.

Saumajin 78:58

Kogwon se a towoŋa lepeŋ ko piritön kase kwakwasesi na gwon i ko ’dulan ti merya kune, a se tindi lepeŋ i yinö kogwon nyömuejin kase.

Yisaya 57:5

Ta ’de ’dekan parik kwakwaddu i mukökö ti kaden ti mian, ko i mukökö ti kaden liŋ lo rurwan; ta lögon tatuja ŋwajik i luruki, i mukökö ti lelya.

Yisaya 57:7

Ta aje tu i mere lojo ki i ’duŋgö na rubaŋga gwoso kalupe na peddya dotoet nanyit,

Yeremia 11:13

Do kötumit na Yuda, ŋunyen kasu gwe jore gwoso köjinö kasu, iŋkoi, piritön nagon ta ’yurakiŋdye Bala bökur kine gwe jore gwoso kikolin ti Yerusalema.

Yeremia 17:3

ko pur loron a merya. Nan mo titikin karya­kak monoja nasu se ko tukwörien nasu liŋ a ropet na toronjin kasu naŋon ta aje kon i jur losu ’bukuluŋ kine.

Yeremia 2:20

Köju ’beron do a ’beleŋgu gwuluŋi ilota gigiŋdye nekenejin nagon torarikin do kune; a do kulyani adi, Nan ti ’bön kita. Iŋkoi, a do dulakiŋdye mugun kak i ko ’dulan ti merya liŋ, ko i mukökö ti kaden liŋ lo rurwan. a do biryeri mugun gwoso kalupe i twöju na kulye ŋunyen.

Yeremia 3:2

’Biluddi konyen kulök ki i ko ’du­lan ti merya nagon gwon kana ’bak nene ŋo, a meddi se;nan pirit nagon do a ko körö kata? Do si ’da i merete lo kiko i mömöŋdu na kanyarak kulök gwoso Arabityo lo mömöŋdu ryag­gu kajölök i yöbu. Do aje toluddya jur ko wutön i lulupujö inot se ko toron inot.

Ejikele 16:23

Nan MATAT Ŋun lo lulujo i mukok na ŋo narok liŋ nagon do a kon kune adi, Woidio, Woidio!

Ejikele 16:31

Do ’du ’dulukiŋdya mugun piritön na ’du i keresi ti kikolin liŋ, a do ’du ’dulukiŋdye mugun piriton nagon a na ’du i piritön liŋ nagon a terereki. Ama do ’bayin gwoso kawute kogwon do ti ’bon ropaki.

Ejikele 16:39

Nan mo puŋutukin do i könisi ti kanyarak kulök, a se mo duka-kiŋdye pirit inot kak na ’du ’duluru do ki a najo ŋina, a tuŋe piritön kunök na ’du kak, a se mo rusuŋdye boŋgwat kaŋo konut i mugun, a se mo ’dumaddi minyo-jin kunök nakwekwelen, a kölökiŋdye do ’busön ko a limu kana.

Lewi 26:30

A nan mo köŋi piritön kasu kwakwasesi na gwon i ko ’dulan ti merya kine, a mo tolikiŋdye piritön ’yuresi kasu ti bökur, a nan mo gubakiŋdye öpuö kasu na ’bu ’burön kune i loki na nyömuejin kasu lo ’bu ’burön; a nan mo maŋdi ta.