Ejikele 16:21 - Bibilia Buk na Ŋun nagon koti luŋu a

²¹ Iŋkoi, do aje ’duŋgo ŋwajik kwe a wukiŋdye nyomuejin kulok a rubaŋgajin lo ’yu ’yura.

Ejikele 16:21 Iomraidhean Croise

2 Moran 17:17

A se ’yuŋe ŋwajik kase lulyan ko nawate a rubaŋgajin, a se koŋdi tuwanan ko toki ’deman, a pa-kiŋdye ’börik i koŋdya na ŋo nagon a naron ko MATAT i metet, i towoŋa na lepeŋ.

2 Moran 21:6

A nye ’yuŋe ŋuro lonyit a rubaŋga, a nye koŋdi dolesio, a nye kitani ko ŋutu logon do ’ya ko kwen ti mulökö, se ko kawanak. A nye koŋdi ŋo narok jore ko MATAT i metet, i towoŋa na lepeŋ.

2 Moran 23:10

A nye toluddye Topet na gwon i pirit na ’dir na ŋwajik ti Inoma, anyen lele ŋuto gwon ti ’yurakiŋdya Molek ŋuro lonyit kode ŋuro nanyit a rubaŋga.

2 Dekat 28:3

a nye ’yuŋe bökur i pirit na ’dir na ŋuro lo Inoma, a ’yuŋe ŋwajik kanyit a rubaŋgajin, gwoso konesi manat ti juron logon MATAT köju a rikörö kaŋo ko ŋutu ti Yisaraele i komor kulu.

Saumajin 106:37

A se tindi ŋwajik kase lulyan se ko ŋwajik kase nawate a rubaŋgajin ti mulökö lorok;

Yuörö 13:2

Gelaki nan kayujin liŋ, kweja adi se liŋ logon ŋaju pelela ko Ŋutu ti Yisaraele kiden, kode ti Ŋutu, kode ti toro ’bo, kilo a kwe.

Yeremia 19:5

A se iŋge ’duggö piritön na gwon i ko ’dulan ti merya kune a ti Bala, anyen ’yurakiŋdya Bala ŋwajik kase a rubaŋgajin. Nan a ko sarakin ŋo gwoso kine, kode jambu adi ti konani kona, iŋkoi, nan kwöŋ a ko yiyiun se.

Ejikele 20:26

a nan iŋge tolut se i ’dokesi kase, anyen se ’yuŋa ŋwajik kase kayujin a rubaŋgajin, anyen nan ködyö tokujö-ŋdu se. Nan koŋdya sona anyen se ködyö deden adi nan logon a MATAT.

Lewi 18:21

Do ködyö ti tiŋdu lele lo ŋwajik kulök i wukiŋdya na lepeŋ ko Molek a rubaŋga, anyen toluddya karin ti ŋun ilot sona; nan logon a MATAT.

Nyökit 18:10

A lele ŋuto ködyö tine rye kasu kiden logon ’yuŋa ŋuro lonyit kode ŋuro nanyit a rubaŋga, kode ŋuto logon koŋdya to ’bunun, kode kadolanit lo mian, kode ŋuto logon jwöjwöŋgu ŋutu ko winikö, kode kamönyönit,