Ejikele 16:15 - Bibilia Buk na Ŋun nagon koti luŋu a

¹⁵ A kölumbö do yinikiŋdye kwelen inot, a biryeri mugun a kawute kogwon kono inot, a wukiŋdye mugun abur i ŋutu lo Iwolwoŋoddu.

Ejikele 16:15 Iomraidhean Croise

1 Moran 11:5

A Solomona kepoddi Asatoret ŋun na ŋutu ti Sidona, ko Milikom ŋun logon lo ŋutu ti Amon.

1 Moran 12:28

A mor iŋge denuŋdya jujuwet ko ŋutu kanyit, a nye teteŋdi kaja murek logon a dakaŋ. A nye kulyani ko ŋutu ti Yisaraele adi, Ta ŋutu ti Yisaraele, ta aje wörö Yerusalema ko diŋit a najo. Ŋunyen kasu makulo, logon a joŋdya ta kaŋo i jur lo Ejipeto.

2 Moran 17:7

Kine ŋo gwon sona kogwon ŋutu ti Yisaraele a toroŋdya MATAT ŋun lose, logon a joŋdya se kaŋo i jur lo Ejipeto i könin rudet lo Paro mor lo Ejipeto lo, a twöji kulye punyen,

2 Moran 21:3

Kogwon nye a nyöggu ’duggö piritön kwakwase-si na gwon i ko ’dulan ti merya nagon Kijikia monye lonyit aje köŋu kune; a nye ’dukökiŋdye Bala piritön ’yuresi ti rubaŋgajin, a nye teteŋdi ködini lo mian logon a Asera, gwoso na koŋdi Aba mor lo Yisaraele köju nu, a nye kwakwaddi kaser liŋ ti ki, a kitakiŋdye se.

Saumajin 106:35

ama se a ŋo ’ya ’börik ko jurön i ŋirit na geleŋ, a se dendi kondya gwoso na kondi se nu.

Yisaya 1:21

Köji na yiyiniki na aje wora a kalupe ada, nye köju a jore ko ’duggö na ’but na putesi! ŋutu ti löti lo rigwo köju a gwolor kata, ama soŋinana gwe a katatuak.

Yisaya 48:1

Ta kötumit na Yakobo, logon a gwiyö ko karin ti Yisaraele, logon a pukun ko Yuda i monyet kulo yiŋge ta kine kulya. Ta a milyeju ko karin ti MATAT, a ta ’diŋdye Ŋun lo Yisaraele, ama ti gwon ko to ’diri ko torigwo.

Yisaya 57:8

a togwi dikiŋdye kweyet nanyit ki i ki ’diŋ na kötumitön ko kaden kase. Kogwon na kö ’yi ta nan nu, a ta gwe gwoso kalupe nagon aje banyakin dotoet nanyit, a kiyaddi nyin, a peddi lepeŋ a nagalaŋ, a nye iŋge torukökin ko ŋutu lyan, a nye iŋge doto ko lepeŋat i meddya na se a li muö.

Yeremia 2:20

Köju ’beron do a ’beleŋgu gwuluŋi ilota gigiŋdye nekenejin nagon torarikin do kune; a do kulyani adi, Nan ti ’bön kita. Iŋkoi, a do dulakiŋdye mugun kak i ko ’dulan ti merya liŋ, ko i mukökö ti kaden liŋ lo rurwan. a do biryeri mugun gwoso kalupe i twöju na kulye ŋunyen.

Yeremia 3:1

Ko ŋuto a yaŋdu nakwan nanyit a ŋina ŋuto kö ’yi nye a yemani ko lele lalet, ŋilo ŋuto ŋona bubulö yitö ko ŋina ŋuto yu le? ŋina nakwan ŋona a ko toluta parik le? Do aje biryeri mugun gwoso kalupe ko kanyarak jore, do ŋona bubulö yitwe köyö ni le? ŋilo a nan MATAT lo pija.

Yeremia 7:4

Ta yeŋon kulya adi, Na a kadi na MATAT, na a kadi na MATAT, iŋkoi, na a kadi na MATAT. Kine kulya kasu na jam ta kine a ’burönö, an ta ko yuŋ ta se.

Ejikele 16:16

A do tetena-kiŋdye mugun piriton na ’du nagon do kwakwaddi nyomuejin logon a ŋunyen, a do ’dumuŋdye kunie boŋgwat kunok a tokweleŋdi se, a do biryeri mugun a kawute i loki na se. Ŋo gwoso kine kodyo mo ti pukun, a se kodyo mo tine gwon sona asut.

Ejikele 16:25

a do ’du’dulukiŋdye mugun piriton na ’du i kere-si ti kikolin liŋ, a do koŋi kwelen inot, a pakiŋdye mokosi kulok i ŋutu liŋ lo Iwolwoŋoddu, a do ’yaladdi wuton inot ŋerot.

Ejikele 20:8

Kölumbö a se renyani nan, a tine ’bön yiŋga nan. A lepeŋat liŋ geleŋ geleŋ gwe a ko gumba ŋo kase na mamana kaŋo nagon tulyöŋgu konyen kase kune, a gwe a ko kölökiŋdyö nyömuejin logon a ŋunyen ti Ejipeto. A nan iŋge yeyeju ’bukökiŋdyo woran nio kase loki, a yeyeji ŋoma ko se asut i jur lo Ejipeto.

Ejikele 23:3

A lepeŋat iŋge biryeri ’börik a kawutejin i jur lo Ejipeto i diŋit nagon se nyuŋ gwon a kö ’disi nu, a kidoni kase iŋge mumusuka nyu, a kinasi kase logon nyuŋ susuja kulo iŋge nonotatu.

Ejikele 23:8

A lepeŋ gwe a ko kölökin wutön nagon nye köju a kon ’beron i perok lo gwoŋdi nye Ejipeto yu kulu; kogwon ŋutu lyan a dotori lepeŋ i tukö ’disen nanyit, a iŋge mumusuk kido nanyit nagon nye nyuŋ gwon a kö ’disityo nu, a tulyöŋgi lepeŋ ko towutön nase.

Ejikele 27:3

Kulyani ko Turo adi, Do na gwon i kijit na tör, do nagon tujarakiŋdya ŋutu ti jurön lo gwon i tikönyö na, nan MATAT ŊUN lo kulya ko do adi, Do Turo, do aje kulya adi do kwe-kwelen bia parik lwölwöŋgu.

Ejikele 33:13

Ma ’di ko nan a kulya ko ŋuto lo rigwo adi lepeŋ ’diri mo gwon jörun, ama ko lepeŋ yinikiŋdyö mugun adi nye a lo rigwo a koŋdi toron, a konesi kanyit na rigwo kune tine yeyeo kwöŋ, ama a lepeŋ mo twane ko toron nagon nye a kon na.

Osea 1:2

Kulo a kulyaesi ti MATAT suluesi lo jama ko Osea. Lepeŋ a takiŋdya Osea adi, iti, ko yemakiŋdye mugun narakwan nagon a kawute, ko yuŋwe-kine ŋwajik logon rye i kiko lo wuton, kogwon lo jur aje koŋdya towuton parik i kolokiŋdyo na nan MATAT.

Osea 4:10

Lepeŋat mo nyenyesu ama a se mo tine yimonö; se mo kokoŋdya towutön ama a se mo tine ŋdi, kogwon se a kölökiŋdyö nan MATAT a nyaŋi towutön.

Osea 4:18

Lepeŋat a laŋet na kamerak, se a tiŋdu ’börik i wutön; lepeŋat nyanyar lawe lwölwöŋ bula.

Osea 9:1

Do kötumit na Yisaraele, an do ko lyöŋön ŋon, an do ko nyola gwoso gweyajin ti ŋutu; kogwon do aje koŋdya gwoso kawute a kölökiŋdye Ŋun ilot. Do aje nyaŋu ropesi ti wuton i piritön lio gwutesi ti ’bolot.

Mika 3:11

Ŋutu kanyit temejik ’duŋgo putesi ko ŋo na ropaki a Iwon, a koanejin todiŋdye ko ropesi, a nebijin koŋdi to ’bunun ko gurut; ama se toggu ’borik ko MATAT, a pipije adi, MATAT gwon kayaŋ kiden, ’bayin sona le? ŋo naron ’bayin nagon pokin kayaŋ loki.

Jepania 3:11

A i ŋilu lor do Yerusalema mo tine toyuö kwe kogwon konesi narok nagon do a renya sara ko nan kune, kogwon nan mo jojoŋ ŋutu kulök kaŋo konut kiden logon a ka ’du ’duŋak ko a kabulak ti ’börik, a do köti mo tine bu ’ya mugun kwoŋ i mere lio loke lo rurwan.

Matayo 3:9

an ta ko yeyeju ta kasu i töilyet adi, Abarayama a merenye likaŋ. Nan takiŋdya ta adi Ŋun bubulö pipiluŋdya nyakwariat ti Abarayama ma ’di i kilo ŋurupö.

Nyökit 32:15

Ama a kotumit na Yesurun pire pirön, a gwe a lo totogwo; se a pirön, se a po a lo yurumok, ko a lo ’deyoŋak; a kirut se kö ’yi Ŋun lo gweja se lo, a lauŋdye ŋilo Lurutat Kalwökönit lose.

Kweyatti 17:5

A karin nagon mumukö iŋge wuröki kanyit i komor adi, Babela duma, ŋote kawutejin ko na ŋo na mamana ti kak.

Ka’duŋök 10:6

A ŋutu ti Yisaraele köti koŋdi ŋo nagon a naron ko MATAT i komor, a kitakiŋdye ŋunyen logon a Balajin ko Asatarot, ko ŋunyen ti Suria, ko ŋunyen ti Sidona, ko ŋunyen ti Moaba, ko ŋunyen ti ŋutu ti Amon, ko ŋunyen ti Pelesete; a se kö ’yi MATAT, a tine kitakiŋdya lepeŋ.

Ka’duŋök 2:12

a se kö ’yi MATAT ŋun lo merenyejin kase, logon aje joŋdya se koŋo i jur lo Ejipeto lo, a lepeŋat kepoddi kulye ŋunyen, logon a ti gweyajin ti ŋutu lo gwon kase nyona kulo, a dulakine kak kase i komor i twoju na se; a se towoŋi MATAT.

Ka’duŋök 3:6

A se yemuŋdye wate kase i kulu jurön, a lepeŋat koti tiŋdi ŋwajik wate kase i yemaji ko kulu ŋutu; a se kitakiŋdye ŋunyen kase.