Ejikele 16:10 - Bibilia Buk na Ŋun nagon koti luŋu a

¹⁰ A nan koti iŋge tojup do ko boŋgo nagon a ripaki tokwelenyesi, a tojubbi do ko kamuka lo ’but logon a tetena ko gobero, a doggi do ko kamba nagon a tetena ko boŋgo na waratat naparere nagon gworo go, a tojubbi do ko top nagon a kariri.

Ejikele 16:10 Iomraidhean Croise

Suluet 41:42

A Paro rusuŋdye katimanti joket kaŋo kanyit i morinet, a rusukiŋdye ko Yosepa i morinet, a tojubbi lepeŋ ko boŋgwat nagon tetena ko waratat na ’but naparere, a lilikiŋdye nyorite lo dakaŋ kanyit i murut;

Saumajin 45:15

Se de nyömöji ko lyöŋön ko gwililiesi, a se de luŋöni i kadi na mor.

Yuörö 25:5

ko gobero ti lopijoki nagon a ŋinya, ko gobero ti kijakwa lo si ’da i pioŋ kata kulo, ko kaden ’bokolot;

Yuörö 26:14

A do teteŋdi gobero ti lopijoki nagon a ŋinya kune anyen gwon a muket na kemia, ko nene muket nagon a gobero ti kijakwa lo si ’da i pioŋ kata kulo kanyit loki.

Yuörö 26:36

A do kodyö teteŋdi boŋgo muket na kötumit na kemia, ko waro naŋem, ko na ’bule, ko nator, se ko boŋgo jia tetena ko waro nagon a sirita a namin nagon a kita na karipanit katokwele-nyonit.

Yuörö 28:5

A se ködyö ’dumuŋdye dakap, ko waro naŋem, ko na ’bule, ko nator, ko boŋgo na tetena ko waro na sirita a namin.

Tolupesi 31:22

Lepeŋ gwekindya mugun mukesi, a boŋgwat kanyit na jujupu gwe a waratat naparere ko a na ’bule.

Yisaya 3:23

ko maŋöarajin, se ko boŋgwat nagon a waratat, ko dokesi ti kusik, ko boŋgwat mukesi ti kusik.

Yisaya 61:10

Nan lyölyöŋön parik ko MATAT, ködudwö nio lyölyöŋi ko Ŋun liŋ; kogwon nye a tojubbu nan ko lwökit gwoso boŋgo, nye aje muggö nan ko löti lo rigwo gwoso boŋgo duma nagon a muit, gwoso nagon kayemanit a tojubbu mugun ko jibia ti kwe, ko gwoso ŋuro na yeyema na tokweleŋdu mugun nanyit ko ŋurupö lokwekwelen na.

Yisaya 61:3

i tetenakiŋdya na se lo dedelya i Siona, i tiŋdu na lepeŋat jibia ti kusik i pirit na kurök, ko welet lyögit i pirit na delya, ko boŋgwat pupuresi i pirit na ködudwölön na dododdya; a se mo luguni a kaden ti löti lo rigwo, logon MATAT a ’yut anyen nye böŋö bubula.

Ejikele 16:13

Nyena do a tokwelenyo ko dakap ko pödö, a boŋgwat kunök gwe a ti waratat naparere na gwörö go, ko a kaririat, ko a boŋgo na ripaki tokwelenyesi, a do nyesi ’bolot na jio a nalilinok, ko siwatat se ko welet. A do iŋge ’duŋo a nakwe-kwelen parik, a iŋge wora a mor.

Ejikele 16:18

A do ’dumuŋdye boŋgwat kunok nagon a ripaki tokwelenyesi kune a muŋge lepeŋat, a wukiŋdye se welet nagon kodyo wuki nan na, se ko bökur logon kodyo wuki nan lo.

Ejikele 16:7

A nan iŋge to ’dur do gwoso ŋo lo punun i melesen, a do iŋge ’duröddu ki a najo, a iŋge ’durökin i tukö ’di-sen; kinasi kulök aje suja, kupir kulök aje ’duŋö; ama do nyuŋ gwon ’busön ko a limu kana.

Ejikele 26:16

A kirut moran liŋ ti kilo jurön lo gwon i tör duma na ’balaŋ nyona kulo mo kiuŋdye kak i si ’daesi kase ti tumatyanjin, a mo rusuŋdye kaŋo boŋgwat kase najo nagon a muisi se ko boŋgwat kase na ripaki minyojin kata kune; a böböŋdu mo muluje lepeŋat gwoso boŋgwat; a se mo si ’dani i kujöŋ a mo böböŋdi böböŋdu diŋitan liŋ, a mo söŋi söŋu ko do ko kujönö.

Ejikele 27:16

Ŋutu lo po Edom po konut ni i tujaŋu kogwon tito kunök jore parik, a lepeŋat togwouŋdye ŋo kunök ko ŋurupö nakwekwelen na luŋu a antarak, ko boŋgwat na ’bule, ko boŋgwat nagon a ripaki minyojin, ko boŋgwat naparere, ko ŋurupö nakwekwelen na luŋu a muŋan, se ko ŋurupö na luŋu a aŋatiso.

Ejikele 27:7

Boŋgo na wuköji ’e do na a boŋgo na ’but na jwe Ejipeto nagon a ripaki minyojin kata, a nye gwe gwoso beret inot. Boŋgwat nagon tiŋdu tölimöt i ’baŋ ilot lo ki ’bo a naŋem kune ko a na ’bule. Kine boŋgwat jwe i tikönyö ti Elisa.

Luka 15:22

Ama a monye takiŋdye köliŋönök kanyit adi, Nyoŋgi ta joŋdya boŋgo na ’but parik, ko tojubbi ta lepeŋ, ko sukiŋdye ta katimanti kanyit i morinet ko kamuka kanyit i mokosi.

Kweyatti 18:12

Kilo tito a dakap, ko pödö, ko ŋurupö nakwekwelen na gwörö go, ko kunie ŋurupö nake nagon a margaritajin, ko boŋgwat naparere, ko kaririat na ’bule se ko boŋgwat nator, ko gweyajin liŋ ti kaden lo mon paleleŋ, ko tito na tetena ko kala ti tome, ko gweyajin liŋ ti tito ti kaden lo gworo go, ko ti mölwö, ko ti witi, ko ti ŋurupö nakwe namilyapak;

Kweyatti 19:8

Ŋun aje rukökin lepeŋ i jupu na boŋgo na ’but naparere, kokobbu ko a nake. (Boŋgo na ’but naparere kweja konesi na rigwo ti ŋutu ti Ŋun.)

Kweyatti 21:2

A nan meddi köji nake nagon a Yerusalema ludukötyo i ŋo kak ki ko Ŋun yu, aje tetena ajo gwoso ŋuro na yeyema na tokwilinyiki lalet.