Ejikele 15:7 - Bibilia Buk na Ŋun nagon koti luŋu a

⁷ A nan mo tiŋdi komor nio a naron ko lepeŋat; nyena ma ’di se ködyö a rwösöddu kaŋo i kimaŋ, ama kimaŋ mo nyuŋ tototum se; a ta mo dene den adi nan logon a MATAT na tiŋdi nan komor nio a naron ko lepeŋat nu.

Ejikele 15:7 Iomraidhean Croise

1 Moran 19:17

A mo gwe sona adi nye logon lwökuŋdyö mugun i baŋdu lo Kajaele lo, a Yeu mo tatuje lepeŋ; a nye logon lwökuŋdyö mugun i baŋdu lo Yeu lo, a Elisa mo tatuje lepeŋ.

Saumajin 34:16

Komor na MATAT gwon a natun ko ŋutu lo kondya arabat kilo, i ’duŋöddu na yeyeŋ nase kaŋo i na kak.

Saumajin 9:16

MATAT a tindu mugun i dena, a nye ’duŋge ŋutet; ŋutu lorok a loka ko kita na kon se ko könisi kase.

Yisaya 24:18

A ko ŋuto a wökön kaŋo i woŋon tokujönöet, a nye mo ’dorone i dili; a ko ŋuto a kiyuŋdya kaŋo i dili, a nye mo mokani ko loket. Kogwon kwilisesi ti ki a ŋai, a pipilesi ti kak iŋge böböŋdu.

Yeremia 21:10

Nan MATAT lo kulya adi, Nan a komorga ŋina köji i kona­kiŋdya na lepeŋ ŋo naron ti gwon a ŋo na ’but; a ŋina köji mo ŋutu kine i konisi ti mor lo Babela, a lepeŋ mo ’yuŋe nye ko kimaŋ.

Ejikele 11:10

Ta mo totoko kak ko baŋdujin na ’duŋökiŋdye nan ta putesi i lokökorit lo Yisaraele nu; a kirut ta mo dene den adi nan a MATAT.

Ejikele 14:8

Kweja adi nan mo tiŋdu komor nio a naron ko ŋilo ŋuto, a nan mo koŋdi lepeŋ a kweyet ko a giriset, a nan mo ’duŋöddi lepeŋ kaŋo i kiden na ŋutu kwe; a ta mo dene den adi nan logon a MATAT.

Ejikele 15:6

Nyenagon nan MATAT ŊUN lo kulya adi, Nan kokonakin ŋutu ti Yerusalema gwoso na konakiŋdye nan ködini lo binyo, logon nan a korun kaŋo i kiden na kaden ti rudu a gubakine i kimaŋ anyen nanama lo.

Ejikele 19:12

Ama a lepeŋ iŋge gwunye kaŋo ko woran, a gubakine kak i kujöŋ, a köbuŋöt lo ’yure toliliŋge lepeŋ, a ludweki kanyit ’do ’done kak, a kenia kanyit nago kune iŋge teteyon, a kimaŋ totumbe se.

Ejikele 20:38

A nan mo nyunyumbe katoronyak ko se lo toroŋdya nan kilo kaŋo kasu kiden. A nan mo joŋdi se kaŋo i jur logon se sisi ’dari a lepelok ŋilo, ama se mo ti lupö i jur lo Yisaraele kwöŋ. A kirut ta mo dene den adi nan logon a MATAT.

Ejikele 20:42

A ta mo dene den adi nan a MATAT na joŋdi nan ta i jur lo Yisaraele nu, kweja adi ŋilo a jur logon nan koju a milyekin tiŋdu merenyejin kasu lu.

Ejikele 20:44

Ta kötumit na Yisaraele, ta mo deden adi nan a MATAT i diŋit nagon nan mo ti konakiŋdya ta gwoso i kikolin kasu lorok, se ko i konesi kasu narok na kon ta kine, ama kölumbö a nan mo konakiŋdye ta gwoso nagon jujukin i karin kwe. Ŋilo a kulyaet lio lo MATAT ŊUN.

Ejikele 33:29

A kirut lepeŋat mo deŋdi adi nan logon a MATAT, i diŋit nagon nan aje koŋdya jur a murwö ko a ruba nu, kogwon po kase liŋ na mamana nagon lepeŋat aje kon kune.

Ejikele 5:8

nyenagon nan MATAT ŊUN lo kulya sona adi, Mete, nan, iŋkoi nan lepeŋ a miriku losu; nan mo ’du ’duŋökin ta putesi i kiden na köji nasu a ŋutu ti jurön memeddya.

Ejikele 6:7

A ŋutu lo tatua mo ’do ’done kasu kiden, a ta mo dene den adi nan a MATAT.

Ejikele 7:4

A nan mo tine pitökin ta, a nan mo tine won konyen ko ta kwöŋ, ama nan mo roropakin ta konesi kasu se ko konesi kasu na mamana nagon ta nyuŋ kökon kine. A kirut ta mo dene den adi nan logon a MATAT.

Lewi 17:10

A ko lele ŋuto lo kömit na Yisaraele kode lo ŋutu logon si ’da kase kiden a lepelok lo a nyesu kunie rima, a nan mo tiŋdi komor nio a naron ko lu ŋuto logon a nyesu rima lo, a nan mo riköddi lepeŋ kaŋo i kiden na ŋutu kanyit.

Lewi 26:17

a nan mo tiŋdi komor nio a naron ko ta, a ta mo telani tela ko merok kasu i komor; a se lo maŋdu ta kulo mo tumatyane ko ta, a ta mo wöki wökön ’bak ŋutu lo riköddu ta.

Amosa 5:19

A ta mo gwe gwoso ŋuto logon wökön kaŋo ko kömiru kölumbö a torumbe ko gworoŋ, kode gwoso ŋuto logon lupö kadi a tökokiŋdye könin lonyit i gorom a munu toggi lepeŋ.