Ejikele 15:6 - Bibilia Buk na Ŋun nagon koti luŋu a

⁶ Nyenagon nan MATAT ŊUN lo kulya adi, Nan kokonakin ŋutu ti Yerusalema gwoso na konakiŋdye nan ködini lo binyo, logon nan a korun kaŋo i kiden na kaden ti rudu a gubakine i kimaŋ anyen nanama lo.

Ejikele 15:6 Iomraidhean Croise

Yisaya 27:11

A ko kenia kanyit a teteyon, a se ’deŋoni ’deŋo; a ŋutu wate poni a nambi se. Kogwon kilo a ŋutu logon ’bak kuruŋdyö; nyenagon a katetenanit lose mo tine won konyen ko se, a kagweyanit lose mo tine kwekiŋdya lepeŋat ’busan.

Yeremia 21:7

A nan MATAT kulyani adi, I mukok nan mo jojoŋ Sedekia mor lo Yuda, ko koliŋonok kanyit, se ko ŋutu ti ŋina köji loron a pituŋdyö i twanti iŋgo, ko i baŋdu, ko i dyag kulo, a nan mo wukiŋdye se i konisi ti Nebukadaresar mor lo Babela, kweja adi i konisi ti merok kase loron ga ’yu tatuja se kulo. A lepeŋ mo tukukiŋdye se kak ko baŋdu, a nye mo tine kolokin se, kode pitokiŋdyo se, a nye mo tine won konyen ko se kwoŋ.

Yeremia 25:18

kweja adi, Yerusalema ko köjinö ti Yuda, ko moran kanyit, se ko ŋutu kanyit temejik ti miri, anyen koŋdya se a murwo, ko a ŋo sörit, ko a ’diuket, ko a lömit, gwoso i lo lor na.

Yeremia 4:7

Komiru a lupe kaŋo i rudu kata, iŋkoi, katukaranit lo juron aje lupe kaŋo kanyit i pirit anyen po i koŋu na jur losu; a nye koŋdi köjino kasu a murwoki ’bak ŋutu kata.

Yeremia 7:20

Nyenagon nan MATAT Ŋun lo kulya adi, Mete, nan mo ’bu ’bukökin woran nio ko ŋoma nio i na pirit, i ŋutu loki, ko i kijakwa, ko i kaden ti mu ’diŋ, ko i kinyojin ti kak; ŋina woran nio mo tutule a tine bulö peŋa kwöŋ.

Ejikele 15:2

Ŋuro lo ŋuto, ködini lo binyo ŋona a lo ’but ada lwölwöŋ kaden liŋ, ’busan nanyit ŋona a nyo i lwöŋgu na kenia liŋ ti kaden ti rudu?

Ejikele 15:4

A ko lepeŋ a gubaki i kimaŋ anyen nanama; a ko ’dutesi kanyit liŋ murek aje tumön, a kiden nanyit iŋge ’yura, nye ŋona jujukin kitarikin nene kita le?

Ejikele 15:5

Mete, ko nye nyuŋ gwon ’buluŋ lepeŋ ti bulö tetena a nene ŋo; bia parik ko kimaŋ aje totum lepeŋ ko aje ’yur lepeŋ, nene ŋo ŋona bubulö kita ’e kata le?

Ejikele 15:7

A nan mo tiŋdi komor nio a naron ko lepeŋat; nyena ma ’di se ködyö a rwösöddu kaŋo i kimaŋ, ama kimaŋ mo nyuŋ tototum se; a ta mo dene den adi nan logon a MATAT na tiŋdi nan komor nio a naron ko lepeŋat nu.

Jakaria 1:6

Ama a kulyaesi kwe se ko saresi kwe lo wuro, logon nan a saŋu koliponok kwe logon a nebijin kilo, se a ko ryo merenyejin kasu le? A se iŋge löpuggö, a kulyani adi, MATAT lo kurumi aje konakin yi arabat kogwon kikolin kaŋ se ko konesi kaŋ, gwoso na yeyeji lepeŋ na.