Ejikele 15:4 - Bibilia Buk na Ŋun nagon koti luŋu a

⁴ A ko lepeŋ a gubaki i kimaŋ anyen nanama; a ko ’dutesi kanyit liŋ murek aje tumön, a kiden nanyit iŋge ’yura, nye ŋona jujukin kitarikin nene kita le?

Ejikele 15:4 Iomraidhean Croise

Saumajin 80:16

Merok kaŋ a ’yur nye ko kimaŋ, a iŋge tukukin nye kak; mete met lepeŋat ko woran anyen se twatwa.

Yisaya 1:31

A ŋuto lo riŋit mo gwe gwoso waratat, a kita nanyit mo gwe gwoso tyeret na kimaŋ, a se murek liŋ mo tonoke ko ’borik i pirit na geleŋ, a lele ŋuto gwe ’bayin logon peŋga

Yisaya 27:11

A ko kenia kanyit a teteyon, a se ’deŋoni ’deŋo; a ŋutu wate poni a nambi se. Kogwon kilo a ŋutu logon ’bak kuruŋdyö; nyenagon a katetenanit lose mo tine won konyen ko se, a kagweyanit lose mo tine kwekiŋdya lepeŋat ’busan.

Ejikele 15:3

Ködini nanyit ŋona bubulö tetena a nene ŋo le? Ŋutu ŋona bubulö tetepuŋdya kaleto kata nagon ’bikiki i gorom anyen leleyorikin tito le?

Ejikele 15:5

Mete, ko nye nyuŋ gwon ’buluŋ lepeŋ ti bulö tetena a nene ŋo; bia parik ko kimaŋ aje totum lepeŋ ko aje ’yur lepeŋ, nene ŋo ŋona bubulö kita ’e kata le?

Ejikele 15:6

Nyenagon nan MATAT ŊUN lo kulya adi, Nan kokonakin ŋutu ti Yerusalema gwoso na konakiŋdye nan ködini lo binyo, logon nan a korun kaŋo i kiden na kaden ti rudu a gubakine i kimaŋ anyen nanama lo.

Ejikele 19:14

A kimaŋ tuleŋ kaŋo kanyit i kenia, a totumbe kenia se ko ludweki kanyit, anyen kene nago gwon ’bayin na pituŋdyö a puri lo ŋuto kasaranit. Ŋilo a köli delyaet, logon ŋutu yeŋ gwon i yo ’yu na lepeŋ.

Amosa 4:11

A nan ŋun iŋge sopuk kulye kasu gwoso na sopuggo ŋan Sodoma ko Gomora nu, a ta koju gwe gwoso tukuyu na jekwe kaŋo i kimaŋ; ama a ta gwe a ko yitwe köyö ni. Kilo a kulyaesi kwe ti MATAT.

Malaki 4:1

Nan MATAT lo kurumi lo kulya adi, Mete ta, ŋilu lor mo popo logon ’yu ’yuŋa gwoso pirit namet, logon kabulak ti kusik se ko katoronyak liŋ mo gwe gwoso kuku; a ŋilu lor lo popo lu mo ’yuraddi se kaŋo, a mo tine kolokin se nene kokorite kode kene.

Matayo 3:12

A nye gwe ko köbi setet kanyit i konin, a nye moseddi ’bolot liŋ lo gwon kanyit i pirit gwutet na ’bolot kulo, a yuŋdye ’bolot kanyit i gugu, ama a nye mo ’yuŋe pudi ko kimaŋ nagon ti bulö peŋa.

Yoane 15:6

Ŋuto logon ti gwon köyö i mugun lo gugubaji kaŋo gwoso kene, a teteyone teteyon. A kine kenia ’du ’dumani ’du’duma, a gubani i kimaŋ, a noke nakan.

Ebere 12:29

kogwon Ŋun likaŋ ’diri a kimaŋ na tototumbö.

Ebere 6:8

Ama ko ŋina kak pun kikwa se ko kalelerök, lepeŋ ’bak ’bulit; Ŋun sesen lepeŋ, a ’dutet nanyit gwe a ’yura ko kimaŋ.