Ejikele 14:9 - Bibilia Buk na Ŋun nagon koti luŋu a

⁹ A ko nebi a mumuluka a jamuŋdye kulya keet, ŋilo a nan MATAT lo mumulugga ŋilo nebi, a nan mo riöddi könin lio i tukaŋu na lepeŋ i kiden na ŋutu kwe Yisaraele.

Ejikele 14:9 Iomraidhean Croise

2 Dekat 18:22

Nyenagon mete, MATAT aje tiŋdu Mulökötyo ’burönit i kutusen ti kilo nebijin kulok; MATAT aje jamakindya do kulya narok.

Eyobo 12:16

Riŋit se ko koŋon a kanyit, ma ’di ŋuto logon a giran se ko ŋuto katogiranit a kanyit.

Yisaya 10:4

Nene ŋo ’bayin nagon tuŋ su ’dukikak i kiden na se lo momoka kulo, kode ’doro i kiden na se lo tatatua kulo. Nyena i kine kulya liŋ a woran nanyit na MATAT tine wöriŋöddu kaŋo, a könin lonyit nyuŋ gwon i riöji kaŋo i riŋga na ŋutu.

Yisaya 5:25

Nyenagon a woran na MATAT iŋge tulekin i ŋutu kanyit, a nye riöddi könin lonyit i lepeŋat, a gwuddye se, a merya böböŋdi böböŋdu; a öpuö kase gwe gwoso korodo i ’baŋin lukata. Nyena i kine kulya liŋ a woran nanyit tine wöriŋöddu kaŋo, a könin lonyit nyuŋ gwon i riöji kaŋo i riŋga na ŋutu.

Yisaya 63:16

An do ko gwon pajo koyi kogwon do a Baba likaŋ, ma ’di nagon Abarayama a ko den yi, Maele ti kurun yi. A do pon MATAT lo gwe a Baba likaŋ, a karin kunök gwe a Kadakanit likaŋ suluja köju ’beron nu.

Yisaya 66:4

a nan köti mo wulökiŋdye se yoyoŋesi kase, a mo joŋdi go nagon se kukujonori kase loki, kogwon na luŋgi nan nu, a lele ŋuto gwe ’bayin lo ruruggö, a na jambi nan nu a lepeŋat tine yiŋga; a se koŋdi go nagon a narok koyö i metet, a wuluŋdye go nagon nan a ko lyöŋgi.

Yisaya 9:12

Ŋutu ti Suria i swot lo ’yure ko ŋutu ti Pelesete i swot lo tokotyaŋ ŋaŋaju kutusen kase a nagalaŋak i nyesu na Yisaraele. Nyena i kine kulya liŋ a woran nanyit tine wöriŋöddu kaŋo, a könin lonyit nyuŋ gwon i riöji kaŋo i riŋga na ŋutu.

Yisaya 9:17

Nyenagon a MATAT tine pitökiŋdyö teton kase, a nye tine won konyen ko kikijikö kase kode karu ’bejin; kogwon ŋutu liŋ ti twöju Ŋun ko a katoronyak, a kutusen liŋ jajamaji a wuya. Nyena i kine kulya liŋ a woran nanyit tine woriŋoddu kaŋo, a könin lonyit nyuŋ gwon i riöji kaijo i riŋga na ŋutu.

Yisaya 9:21

A Manase ŋisani ko Epuraima; a Epuraima ŋisani ko Manase, a se murek liŋ ŋisani ko Yuda. Nyena i kine kulya liŋ a woran nanyit na MATAT tine wöriŋöddu kaŋo, a könin lonyit nyuŋ gwon i riöji kaŋo i riŋga na ŋutu.

Yeremia 14:15

Nyena­gon nan MATAT lo kulya i kulya ti nebijin logon kekejutu ko karin kwe kulo ma ’di nan a ko soŋdu lepeŋat, logon kulya adi, Baŋdujin ko dyaŋ mo ti ’dukin i lo jur. Nan kulya sona adi, Kilo nebijin mo totogiröki ko baŋdujin se ko dyaŋ.

Yeremia 4:10

A nan kirut mo ’yi adi, Pon MATAT Ŋun, do ’diri aje mumuluk kilo ŋutu se ko ti Yerusalema i kulya inot adi, Ta mo gwon ko taliŋ, ma ’di nagon baŋdujin a tököki kayaŋ i muruto.

Yeremia 6:14

Lepeŋat gwoso ŋutu logon a ko tolik ’dika na ŋutu kwe ’bura, a kulyani adi, Ta gwe a lo ’but, iŋkoi, ta a lo ’but, ama kudyakan ’dika a ko nyuŋ lik kata yu.

Yeremia 6:15

Lepeŋat ŋona ti yu kusik i koŋdya na ŋo na mamana nu le? Kusik kase a nago, lepeŋat ti yu kusik kwöŋ. Nyena lepeŋat mo ’do ’do kak i kiden na ŋutu lo twatwa kulo, lepeŋat guba kak i diŋit nagon nan mo pöri i riŋga na se nu. Ŋilo a nan MATAT lo kulya.

Ejikele 13:9

a nan mo möröni ko nebijin logon ŋo na met se kase i töilyet kune a köpuröt kana, a ŋo na galun se i to ’bunun kune gwe a ’burönö. Lepeŋat mo ti morakiŋdya i momoret na ŋutu kwe, a karin kase mo tine wuröki i wuret na kötumit na Yisaraele, a se mo tine lupö i jur lo Yisaraele. A ta mo dene den adi nan logon a MATAT ŊUN.

Ejikele 14:10

Nebi se ko ŋuto lo piyuŋdya kulya ko lepeŋ lo mo ŋoŋga riŋet na toronjin kase, kogwon se murek liŋ a koŋdya toron.

Ejikele 14:5

anyen nan böŋö morga töilyet ti ŋutu ti kötumit na Yisaraele, logon liŋ gwe pajo köyö kogwon nyömuejin kase logon a ŋunyen kulo.

Ejikele 16:27

Nyenagon meddi, nan a rioro ko-nin lio kaŋo i riŋga na do, a nan iŋge ’duŋoro kinyo ilot kak logon a tiki do lo, a ŋutukiŋdye do i pusok na ŋutu wa-te ti Pelesete nagon maman do kune, kusik kase koti a yu kogwon gwiliŋit ilot lo towuton.

Ejikele 20:25

Iŋkoi, a nan iŋge tikin se saresi kwe lo wurö logon ’bayin a lo ’but se ko jujuwesi logon ko ŋuto a ’dep se kulo a tine ru;

Osea 9:7

Perok logon ririparikin aje ŋo, iŋkoi, perok logon roroparikin aje ’dur. Kötumit na Yisaraele mo deden. Nebi a lu ’böŋ, ŋuto logon ko mulökötyo keet a mamala, kogwon lyaŋan nasu duma parik se ko maŋdu nasu duma.

Jakaria 13:3

A ko kodyö lele ŋuto a pukun köti gwoso nebi, a monye se ko ŋote na yupuŋdyö lepeŋ na mo kulyani ko lepeŋ adi, Do mo tine gwolor köti, kogwon do a jambu ’burönö i karin ti MATAT; a monye ko ŋote na yupuŋdyö lepeŋ na mo rembi lepeŋ na keŋ nye nu.