Ejikele 14:8 - Bibilia Buk na Ŋun nagon koti luŋu a

⁸ Kweja adi nan mo tiŋdu komor nio a naron ko ŋilo ŋuto, a nan mo koŋdi lepeŋ a kweyet ko a giriset, a nan mo ’duŋöddi lepeŋ kaŋo i kiden na ŋutu kwe; a ta mo dene den adi nan logon a MATAT.

Ejikele 14:8 Iomraidhean Croise

Saumajin 34:16

Komor na MATAT gwon a natun ko ŋutu lo kondya arabat kilo, i ’duŋöddu na yeyeŋ nase kaŋo i na kak.

Saumajin 34:17

Ŋutu lo rigwo gwigwien, a MATAT yiŋge yiŋga, a riŋundye lepeŋat kaŋo i delyaesi kase liŋ.

Saumajin 37:22

Kogwon se logon MATAT lo ’boroja kilo mo wuju jur a lose, ama se logon lepeŋ a löm kilo mo tutukara.

Yisaya 65:15

A ŋutu kwe lo wulwe kulo mo kitari karin kasu a ŋo na momoro, a nan MATAT Ŋun mo tatuje ta; a nan mo luŋgi kölipönök kwe ko karin nagon ka ’de.

Yeremia 21:10

Nan MATAT lo kulya adi, Nan a komorga ŋina köji i kona­kiŋdya na lepeŋ ŋo naron ti gwon a ŋo na ’but; a ŋina köji mo ŋutu kine i konisi ti mor lo Babela, a lepeŋ mo ’yuŋe nye ko kimaŋ.

Yeremia 24:9

A nan mo koŋdi se a po torigwökit i tumatyan­jin liŋ ti kak, anyen gwon a lawet, ko a tojowet, ko a kweniet, ko a lömit i piritön liŋ nagon nan mo riköddi se kata kunu.

Yeremia 29:22

A ŋutu liŋ ti Yuda logon aje jopa Babela a ’dupi kulo mo ’diŋdye karin ti kilo ŋutu na lömbi se nu adi, Ti MATAT konakiŋdye do gwoso Sedekia se ko Aba logon mor lo Babela a pe ’yu ko kimaŋ kulo!

Yeremia 44:11

Nyenagon nan MATAT lo kurumi Ŋun lo Yisaraele lo kulya adi, Mete ta, nan a komorga ta i konakiŋdya na ta ŋo naron, iŋkoi, nan mo tutukar kötu­mit liŋ na Yuda.

Ejikele 13:23

Nyenagon ta mo köti ti meddya kulya nagon a köpuröt kana kasu i töilyet, a mo tine galuŋdya ŋo i to ’bunun. A nan mo riŋuŋdye ŋutu kwe kaŋo kasu i könisi; a kirut ta mo dene den adi nan logon a MATAT.

Ejikele 15:7

A nan mo tiŋdi komor nio a naron ko lepeŋat; nyena ma ’di se ködyö a rwösöddu kaŋo i kimaŋ, ama kimaŋ mo nyuŋ tototum se; a ta mo dene den adi nan logon a MATAT na tiŋdi nan komor nio a naron ko lepeŋat nu.

Ejikele 5:15

A na ’duŋökiŋdye nan ŋutu kulök putesi, i riŋga na se ko woran nio duma na pape nu, a do mo gwe a ŋo na ’dö ’döyö ko a na lalawe, ko a kweyet tokujönöet, ko a ŋo nagon tusöŋu ŋutu ti jurön liŋ logon lorga do kulo. Nan MATAT aje jambu.

Ejikele 6:7

A ŋutu lo tatua mo ’do ’done kasu kiden, a ta mo dene den adi nan a MATAT.

Lewi 17:10

A ko lele ŋuto lo kömit na Yisaraele kode lo ŋutu logon si ’da kase kiden a lepelok lo a nyesu kunie rima, a nan mo tiŋdi komor nio a naron ko lu ŋuto logon a nyesu rima lo, a nan mo riköddi lepeŋ kaŋo i kiden na ŋutu kanyit.

Lewi 22:3

Kulyani ko se adi, Ko lon ŋuto lo nyakwariat kasu liŋ a mijörö i ŋo nake na rurwan na gelakin ŋutu ti Yisaraele nan MATAT kunu, ko nye gwon ko nene tolutet kanyit i mugun, a ti nye ködyö riköjine kaŋo ködyö i komor: nan logon a MATAT.

Lewi 26:17

a nan mo tiŋdi komor nio a naron ko ta, a ta mo telani tela ko merok kasu i komor; a se lo maŋdu ta kulo mo tumatyane ko ta, a ta mo wöki wökön ’bak ŋutu lo riköddu ta.

Kenet 16:38

kine a ta ’doka ti ŋutu logon a toroŋdya ru nase kulo; nyena ti se nitöni a na ’döpökök anyen muluja pirit ’yuret na rubaŋgajin, kogwon lepeŋat a wukiŋdya se ko MATAT i komor; nyenagoŋ a se gwe a nake na rurwan. Nyena a se mo gwe a kweyet i ŋutu ti Yisaraele.

Kenet 19:20

Ama koŋuto logon a lut i kulya ti keri a gwe a ko toke ’ya mugun lo, ŋilo ŋuto ködyö riköji kaŋo i kiden na momoret, kogwon nye aje toluddya pirit nake na rurwan na MATAT; kweja adi pioŋ lalaesi ti lut i kulya ti keri gwe a ko pokaki kanyit i mugun, a nye gwe a lut.

Kenet 26:10

ama a kak gaji kutuk nanyit a iŋge wi se ko Korak i pirit na geleŋ adi mot, na twaji nu pepenet i diŋit na nyesi kimaŋ ŋutu miajin murek ko merya mukanat nu; a se gwe a kweyet tokujönöet.

Roma 11:22

Meddi ta ko Ŋun gwon a lo ’but ko köti a kaŋa ada; lepeŋ a kaŋa i ŋutu logon a ’doro kulo, ama lepeŋ a lo ’but kasu ko ta ködyö yeŋon gwolor i ’busan nanyit. Ama ko ta ti koŋdya sona, a ta mo gogonyani kaŋo.

1 Korinto 10:11

Kine kulya liŋ a konaki lepeŋat a kweyesi, a iŋge wuröki kak i tokujöŋdu na yi, kogwon yi gwolor i diŋit nagon ’dutet gwe nyona ko po.

Nyökit 28:37

A ta mo poŋdi a torigwökit, ko a temet ko a tojowet, i kiden na gweyajin liŋ ti ŋutu logon MATAT mo nyömöddi ta kaŋo nu.

Nyökit 28:46

A se mo gwe ko kweyet sörit kasu, ko i nyakwariat kasu ŋupi.

Nyökit 29:19

Kunyar ta köti an lo ŋuto ko yiŋga kulyaesi ti ŋilo milye a bu ’ye mugun kanyit i töili adi, Nan mo gwe a lo ’but, ma ’di napon nan yeŋoro wörö i topolon na töili liŋ. A ŋo gwoso kine mo tiŋdi köbuŋöt i wuköddu kaŋo ko ŋo lo ’but ko lorok i pirit na geleŋ.