Ejikele 14:7 - Bibilia Buk na Ŋun nagon koti luŋu a

⁷ Ko lele ŋuto lo kötumit na Yisaraele, kode lele lo Lwaka lo si ’da i Yisaraele kulo, logon koraddu mugun kaŋo köyö, a tiŋdi nyömuejin kanyit logon a ŋunyen kulo kanyit i töili, a tiŋdi ŋo narok kanyit i komor nagon tiŋdu lepeŋ i ’doro kune a ko ŋuto gwoso ŋilo a tu ko nebi anyen pikiŋdya mugun nan, a nan MATAT ko mugun nio mo tiŋdi lepeŋ ruket.

Ejikele 14:7 Iomraidhean Croise

Yuörö 12:48

A ko ŋuto logon a lepetyo kata konut logon ’dek koŋdya Pasaka lo MATAT, ti Ŋutu kanyit lyan liŋ tawe-roni tawero, a kirut ti lepeŋ ’burukine i moruŋdya kata; a nye de gwe gwoso ŋuto lo yuŋwe i jur. Ama ŋuto logon a a ko tawero lo ti gwe ti ’buruki i nyesu kwöŋ.

Yuörö 20:10

ama lor toburyo a sabata lo MATAT ŋun ilot; i ŋilo lor do ködyö ti koŋdya nene kita kwöŋ, do ko ŋuro ilot, ko ŋuro inot, ko köliŋönit ilot, ko koliŋönit inot, ko toro ’bo kunök, se ko ŋuto logon si ’da a lepetyo konut i ’baŋ lo;

Yisaya 63:17

Pon MATAT, nyo do a kölökin yi i girara kaŋo i kikolin kulökko i tupömöni ’yö na töilyet kaŋ, nyena a yi tine kujönö do? Yitwene, kogwon kulya kaŋ yi kötumitön lomoriot kulök, yitwene, kogwon kulya kaŋ yi kölipönök kulök.

Yeremia 37:17

A mor Sedekia sonyoddi ŋuto i joŋdya na Yeremia, a mor pije lepeŋ a lwön kanyit kadi adi, Lele kulyaet ŋona kata lo po ko MATAT yu le? A Yeremia waddi adi, Kata koi. A nye takiŋdye lepeŋ adi, Do mo wuwuki i könisi ti mor lo Babela.

Ejikele 3:20

Köti ko ködyö ŋuto lo rigwo a löpuköddu kaŋo i torigwo nanyit, a koŋdi toron, a nan iŋge tikin ŋurupit köpuket kanyit ŋerot, a lepeŋ mo twane twan; nyenagon kogwon do a ko takin lepeŋ adi, Kunyar! lepeŋ mo twatwan kogwon toron nanyit, a konesi kanyit na rigwo nagon nye a kon kune mo tine yeyeo kwöŋ; ama a nan mo luŋgi rima kanyit konut i könin.

Osea 4:14

Nan mo ti riŋga ŋwajik kasu nawate ko se totowutön, kode wate ti ŋwajik kasu ko se luluŋö, kogwon ŋutu lyan ko mugunya kase girara a swöt ko kawutejin, a wukiŋdye rubaŋgajin i ŋirit na geleŋ ko ŋutu wate nagon a tiŋdu ’börik i luŋö gwoso i keri lose lo nyömue. A ŋutu logon ti kurun kulya kulo mo tukarani tukara.

Osea 4:5

Ta mo kököŋukö i diŋit na tuparan, nebijin koti mo kököŋukö ko ta i ŋirit na geleŋ i diŋit na tukwaje; a nan mo tukaŋi Jur losu logon a ŋote nasu.

Osea 9:10

Nan Ŋun a ryö Yisaraele i yöbu gwoso ludweki ti binyo, nan a met komunyi ko lyoŋön gwoso ŋutu lo meddya ludweki ti ki ’bi lo suluja radan i diŋit nanyit na kokwe; ama a se iti Bala-peor yu, a geladdi ’börik i ŋo nagon a yu na kwe, a Lepeŋat worani a ŋo na mamana gwoso ŋo nagon se nyanyar na.

Lewi 16:29

A lo gwe a saret lo wuröki ta ŋupi adi i perok puök ti yapa toburyo ta ködyö tokoyogga ’börik, a ta ködyö tine koŋdya nene kita, kode nye a ŋuto lo yuŋwe i jur, kode a ŋuto logon si ’da a lepetyo kasu kiden lo;

Lewi 20:2

Kulyani ko ŋutu ti Yisaraele adi, Ko lon ŋuto lo ŋutu ti Yisaraele, kode lo ŋutu logon si ’da i Yisaraele a lepelok, logon a tiŋdu Molek lele lo ŋwajik kanyit a rubaŋga, a nye ködyö tatuani tatua: ŋutu ti jur ködyö gugubuja lepeŋ ko ŋurupö.

Lewi 24:22

Ta ködyö gwon ko saret geleŋ i kulya ti ŋuto lo si ’da a lepetyo ko i nye lo yuŋwe i jur lo; kogwon nan a MATAT ŋun losu.

Kenet 15:15

Saret geleŋ kata logon a losu lo momoret, ko a lo lwaka lo si ’da kasu kiden kulo, ŋilo a saret ŋupi lo wuröki ta temba i nyakwariat kasu; ta se ko lwaka gwon jojo ko MATAT i komor.

Kenet 15:29

A ta ködyö gwe ko saret lo geleŋ i kulya ti ŋuto lo koŋdya nene ŋo ’bak denet, kode nye a ŋuto lo yuŋwe ko ŋutu ti Yisaraele, kode a lwakatyo lo si ’da kase kiden.

Nyökit 29:19

Kunyar ta köti an lo ŋuto ko yiŋga kulyaesi ti ŋilo milye a bu ’ye mugun kanyit i töili adi, Nan mo gwe a lo ’but, ma ’di napon nan yeŋoro wörö i topolon na töili liŋ. A ŋo gwoso kine mo tiŋdi köbuŋöt i wuköddu kaŋo ko ŋo lo ’but ko lorok i pirit na geleŋ.

Yuda 1:19

Kilo a ŋutu logon joŋdya kulya ti kökoroja. Lepeŋat gwolor a ti mugun a gwe ’bak Mulokotyo Loke.