Ejikele 14:6 - Bibilia Buk na Ŋun nagon koti luŋu a

⁶ Nyenagon taki ŋutu ti kötumit na Yisaraele adi, MATAT ŊUN lo kulya sona adi, Löpuŋge ta töilyet, löpukuŋdye ta kaŋo i nyömuejin kasu logon a ŋunyen kulo, löpukuŋdye ta komorsikan kasu kaŋo i ŋo kasu liŋ na mamana kine.

Ejikele 14:6 Iomraidhean Croise

2 Dekat 29:6

Kogwon kobaba a ko twoju MATAT Ŋun likaŋ a iŋge koŋdya po narok kanyit i metet; a se kö ’yi lepeŋ a renyani pirit na si ’dari MATAT nu, a iŋge lopukokiŋdyo ki ’dirinö kase.

Yisaya 2:20

A i ŋilu lor a ŋutu mo gumbe nyömuejin kase logon a pödö ko a dakap kaŋo, nagon se aje tetenakin ’börik anyen kwakwasa kine, a mo gubaki se i lunyöpu ’dulön ko i lukululiet,

Yisaya 30:22

A kirut a ta mo toluddye nyömuejin kasu lo gigiru lo mulua ko pödö se ko nyön mejin kasu lo ninitö lo mulua ko dakap. A ta mo totoreji se gwoso ŋo nagon a lut; a ta mo kulyani ko lepeŋat adi, Iŋgo ta!

Yeremia 13:27

Nan aje met konesi kunok na mamana i merya loki ko mu ’diŋ yu, kweja adi lulupesi kunok, ko woŋon inot gwoso kiteŋ nagon ga ’yu luwa, se ko kulya lut ti towuton inot. Woidio Yerusalema! Do a lut, Kine kulya mo yeŋga tojo ko nanu?

Ejikele 14:4

Nyenagon jambi ko lepeŋat, ko taki se adi, MATAT ŊUN lo kulya adi, Ko lele ŋuto lo kötumit na Yisaraele a tiŋdu nyömuejin logon a ŋunyen kanyit i töili, a tiŋdi ŋo narok kanyit i komor nagon tiŋdu nye i ’doro kune, a iti ko nebi. a nan MATAT ko mugun nio mo ruköki-ŋdye lepeŋ gwoso i tojore na nyömuejin kanyit,

Ejikele 16:63

A i diŋit nagon nan mo pitökiŋdye do i ŋo liŋ na kon do kune nu, a do mo yeyene yeye a yune yu kwe, a do mo köti tine ŋaju kutuk kwöŋ kogwon yu na kwe. Ŋilo a kulyaet lio lo MATAT ŊUN.

Ejikele 18:30

Nyenagon ta kötumit na Yisaraele, nan mo ’du ’dupökin ta putesi ŋutu liŋ gwoso i kikolin kase. Ŋilo a kulyaet lio lo MATAT ŊUN. Nyena löpuŋge ta töilyet, löpukuŋdye ta kapo i lauŋdya nasu na saresi kwe liŋ, anyen toron böŋö gwon ti to ’doro ’yu ta.

Ejikele 8:16

A kirut lepeŋ joŋgi nan i ’baŋ lo lukata lo kadi na MATAT; a nan meddi ŋutu merya murek wot mukanat i kötumit na kadi na MATAT i kwake na baraŋöa se ko pirit ’yuret na rubaŋgajin. Kilö ŋutu gwon i twöju na kolor i nyerun nanyit, ki ’dirinö kase boŋaddu i kadi na MATAT a komorsikan meddi swöt lo ’yure.

Ejikele 8:6

A lepeŋ pipije nan adi, ŋuro lo ŋuto, do aje met ŋo nagon se kökon kune? Do a met ŋo temejik na mamana nagon kötumit na Yisaraele kökon ni kune? Lepeŋat koŋdya kine ŋo anyen riköddu nan pajo köyö i pirit nake na rurwan. Do mo köti memet ŋo temejik na mamana nagon lwöŋgu kine.

Osea 14:8

A Epuraima mo kulyani adi nye ti ’bön nyomuejin logon a gunyen kwöŋ. Nan a yiŋ kwakwasesi kasu a iŋge met ta. Nan gwoso ködini saru logon a lodon, radan nasu ŋo köyö.

Jepania 3:11

A i ŋilu lor do Yerusalema mo tine toyuö kwe kogwon konesi narok nagon do a renya sara ko nan kune, kogwon nan mo jojoŋ ŋutu kulök kaŋo konut kiden logon a ka ’du ’duŋak ko a kabulak ti ’börik, a do köti mo tine bu ’ya mugun kwoŋ i mere lio loke lo rurwan.

Jakaria 1:4

An ta ko gwon ta gwoso merenyejin kasu. Lepe-ŋat a yiŋ nebijin ti koju kulu i jamakin-dya na lepeŋat adi, MATAT lo kurumi lo kulya adi, Lopukuŋdye ta kaŋo i kiko-liŋ kasu lorok ko i konesi kasu narok. Ama a se gwe a ko tiŋdu swo i yiŋga na nan, nan MATAT lo kulya.

Konesi 17:30

Nyenagon Ŋun a jalatara konyen ŋerot i diŋitan nagon ŋutu ti den kulya na kon se kunu, ama soŋinana nye lo sarakiŋdya ŋutu liŋ adi ti se liŋ i piritön liŋ löpuŋge töilyet;

Konesi 26:20

a kokwe nan tukökiŋdyö ŋutu ti Damaseke, a i mukök a nan tukökiŋdye ŋutu ti Yerusalema, ko ŋutu ti jur lo Yudaya ’bukuluŋ, köti se ko ŋutu ti kulye jurön, adi ti se ködyö löpuŋge töilyet, a löpukuŋdye ko Ŋun ni, a koŋdi konesi nagon kwekiŋdya adi se ’diri a löpuggö töilyet,

Konesi 3:19

Nyenagon löpuŋge ta töilyet ko löpukwene ta ko Ŋun ni, anyen toronjin kasu boŋo seyaji kaŋo. A Matat mo tiŋdi ta diŋit toruet,

Roma 6:21

Nyenagon ’bulit a nyo nagon ta a wu i koŋdya na ŋo nagon soŋinana toyujö kusik kasu kine? Kogwon ’dutet na kine ŋo gwon a twan.

1 Samuele 7:3

A Samuele kulyani ko kötumit na Yisaraele liŋ adi, Ko ködyo ta a yitwe ko MATAT ni ko töilyet kasu liŋ, nyena paji ta kasu kiden ŋunyen logon a lepelok ko nye nagon luŋu a Asatarot, ko tirikuni ta MATAT ko töilyet kasu ko kitakiŋdye ta nye geleŋ, a nye mo lwökuŋdye ta kaŋo i könisi ti ŋutu ti Pelesete.