Ejikele 14:3 - Bibilia Buk na Ŋun nagon koti luŋu a

³ Ŋuro lo ŋuto, kilo ŋutu aje tiŋdu nyömuejin kase logon a ŋunyen kase i töilyet, a tiŋdi ŋo narok kase i komor nagon tiŋdu se i ’doro kune. Nan ŋona bubulö rukökiŋdyö ŋutu gwoso kilo i pija na nan le?

Ejikele 14:3 Iomraidhean Croise

2 Moran 3:13

A Elisa pije mor lo Yisaraele adi, Kulya kwe a nyo konut? Iti ko nebijin ti munyi ko ti ŋuti yu. Ama a mor lo Yisaraele kulyani ko lepeŋ adi, ’Bayin sona, ŋilo a MATAT lo luŋgu kilo moran musala anyen wukiŋdya se i könisi ti ŋutu ti Moaba.

Saumajin 101:3

Nan ti tindu nene ŋo nagon kana köyö ŋerot. Nan maman konesi ti ŋutu logon a lyapara kaŋo ti ’bön twöju Ŋun kulo; kine kulya mo ti ’depakindya köyö.

Saumajin 66:18

Ko nan ködyö a yiyiundyö lyaŋan köyö i töili, a MATAT ködyo tine yiŋga nan.

Tolupesi 15:29

MATAT gwoŋ pajo i ŋutu lorok, ama lepeŋ yiyiŋ momolesi ti ŋutu lo rigwo.

Tolupesi 15:8

MATAT maman rubaŋgajin ti ŋutu lorok, ama a nye lyöŋi lyöŋön ko kwa-kwasesi ti ŋuto lo rigwo.

Tolupesi 21:27

MATAT maman rubagga lo katoronyanit; a naron bia parik ko nye wukindya ko töili loron.

Tolupesi 28:9

Ko ŋuto logon kölökindyö yiŋga na saresi, ma ’di kwakwasesi kanyit mamana.

Yisaya 1:15

A ko ta a mamanyuŋdya ko konisi kasu, a nan de muŋge konyen kwe ko ta; ma ’di ködyö ta a kwakwaddu kwakwasesi jore, Könisi kasu a jore ko rima;

Yisaya 33:15

Nye ŋuto logon wöwörö rigwo ko jajambu gwogwo; nye ŋilo logon retenya ’bulisi, rudesi, logon nanaju könisi kanyit an ko ’debba ŋo na ropaki a lwön, logon ’di ’dija swö kanyit an ko yiŋga kulya ti rima, a muŋge konyen kanyit an ko meddya toron.

Yeremia 11:11

Nyenagon nan MATAT lo kulya adi, Mete, nan lo jojoŋdya kulya narok ko lepeŋat loki nagon se ti bulö giran kwöŋ; a nan mo tine yiŋ se ma ’di ko se a gwikin köyö.

Yeremia 17:9

Töili lo ŋuto a kamumulu kanit lwölwöŋ ŋo liŋ ko a gilö parik. Ŋa loron kukurun lepeŋ?

Yeremia 21:2

piki yi MATAT, kogwon Nebukadaresar mor lo Babela momoro koyi; kode MATAT ŋona mo kokonakin yi go sorosi anyen garakiŋdya yi gwoso i konesi kanyit liŋ sorosi, a mo tiŋdi lepeŋ i mijoro kaŋo kayaŋ.

Ejikele 11:21

Ama ŋutu logon töilyet kase kebbu ŋo kase lut ko ŋo kase na mamana kulo, nan mo roropakin konesi kase kase i kusik. Kilo a kulyaesi kwe ti MATAT ŊUN.

Ejikele 14:2

A kulyaet lo MATAT poki köyö adi,

Ejikele 14:4

Nyenagon jambi ko lepeŋat, ko taki se adi, MATAT ŊUN lo kulya adi, Ko lele ŋuto lo kötumit na Yisaraele a tiŋdu nyömuejin logon a ŋunyen kanyit i töili, a tiŋdi ŋo narok kanyit i komor nagon tiŋdu nye i ’doro kune, a iti ko nebi. a nan MATAT ko mugun nio mo ruköki-ŋdye lepeŋ gwoso i tojore na nyömuejin kanyit,

Ejikele 14:7

Ko lele ŋuto lo kötumit na Yisaraele, kode lele lo Lwaka lo si ’da i Yisaraele kulo, logon koraddu mugun kaŋo köyö, a tiŋdi nyömuejin kanyit logon a ŋunyen kulo kanyit i töili, a tiŋdi ŋo narok kanyit i komor nagon tiŋdu lepeŋ i ’doro kune a ko ŋuto gwoso ŋilo a tu ko nebi anyen pikiŋdya mugun nan, a nan MATAT ko mugun nio mo tiŋdi lepeŋ ruket.

Ejikele 20:16

kogwon se a renya jujuwesi kwe a tine wörö i saresi kwe lo wurö, a koŋi sabatajin kwe, kogwon töilyet kase kepoddu nyomuejin kase logon a ŋunyen kulo.

Ejikele 20:3

Ŋuro lo ŋuto, jambi ko kilo temejik ti Yisaraele ko taki lepeŋat adi, MATAT ŊUN lo pija adi, Ta po i piyuŋdya na nan le? Nan MATAT ŊUN lo kulya adi, ’Diri ’diri gwoso na gwoŋdi nan na, nan ti ’dekan ta i piyuŋdya na nan.

Ejikele 20:31

Na wukiŋdye ta ’dokesi se ko rubaŋgajin, a ’yuŋe ŋwajik kasu a rubaŋgajin nu, ta toluddya ’börik ko nyomuejin kasu liŋ logon a ŋunyen tojo ko lo lor. A kirut nan mo rukökiŋdye ta kötumit na Yisaraele i piyuŋdya na nan ada? Nan MATAT ŊUN lo kulya adi, ’Diri ’diri gwoso na gwoŋdi nan na, nan ti ’dekan ta i piyuŋdya na nan kwöŋ.

Ejikele 3:20

Köti ko ködyö ŋuto lo rigwo a löpuköddu kaŋo i torigwo nanyit, a koŋdi toron, a nan iŋge tikin ŋurupit köpuket kanyit ŋerot, a lepeŋ mo twane twan; nyenagon kogwon do a ko takin lepeŋ adi, Kunyar! lepeŋ mo twatwan kogwon toron nanyit, a konesi kanyit na rigwo nagon nye a kon kune mo tine yeyeo kwöŋ; ama a nan mo luŋgi rima kanyit konut i könin.

Ejikele 33:30

Ama do ŋuro lo ŋuto, ŋutu kasu logon jambu i pirit na geleŋ i kulya kunök logon gwo ’dan i tölimösi ti goroma ko i kötumiten ti kadijik kulo, tujamakin ko ’börik lele takiŋdya luŋaser adi, Po ko yiŋge ko kulyaet lo po ko MATAT lo a nyo?

Ejikele 36:25

A nan mo gwagwaddi ta ko pioŋ nake, a ta mo tokelani tokela i lut kasu liŋ, a nan mo toke ’yi ta i nyömuejin liŋ logon a punyen kasu kilo.

Ejikele 44:12

Nyena kogwon se a kitakiŋdya lepeŋat i komor na nyömuejin kase logon a punyen, a iŋge tiŋdu kötumit na Yisaraele i ’doro kogwon toron nase, nyenagon nan MATAT ŊUN lo kulya adi, ’Diri ’diri nan aje milyeju i kulya kase adi se mo poŋga ripet na toron nase.

Ejikele 6:9

A kirut ŋutu kasu logon a pesaddu i tatua kulo mo yeyene yeye nan i kiden na ŋutu ti jurön logon se a joŋa kata i to ’dupien kulu, adi, nan a tomie kogwon se gwon ko töilyet ti towutön a löpuköddi kaŋo köyö, a konyen kase ti towutön iŋge kepoddu nyömuejin logon a ŋunyen kana. A kirut se mo maŋdi ’börik ko ŋo liŋ narok nagon se a kon i konesi kase liŋ na mamana kine.

Ejikele 7:19

A se mo gumbe pödöjin kase i kikolin, a dakap nase gwe gwoso ŋo nagon a lut, a pödo se ko dakap kase tine bulö lwokuŋdyö lepeŋat i lor lo woran na MATAT. Kilo ŋutu ti bulö toligga magor lose kode toyimönöju pelela kase ko se, kogwon toron nase na kine ŋo mo na tiŋdu se i ’doro.

Osea 4:5

Ta mo kököŋukö i diŋit na tuparan, nebijin koti mo kököŋukö ko ta i ŋirit na geleŋ i diŋit na tukwaje; a nan mo tukaŋi Jur losu logon a ŋote nasu.

Jepania 1:3

Nan mo susukoro ŋutu ko kijakwa lio kaŋo; a nan mo reyaddi kwen ti ki se ko somot ti tor na ’balaŋ A nan mo to ’doroji ŋutu lorok; a nan mo tukaŋi ŋutu liŋ kaŋo lo gwon i kak ni kulo. Kilo a kulyaesi kwe ti MATAT.

Jakaria 7:13

a ko gwe sona adi, Na luŋgi nan se nu a se tine ’bon yioga, nyena a se ruddye luŋgu nan, a nan tine ’bon yioga, nan MATAT lo kurumi lo kulya,

Luka 20:8

A Yesu kulyani ko se adi, A ma ’di nan lo köti tine tukokin ta ko nan koŋdya kine ŋo ko kido niŋa.

Epeso 5:5

Dene ta den ’bura adi, ŋuto logon a kalupe, kode logon koŋdya ŋo narok nagon toyujö kusik ti ŋutu, kode lo goma ŋo gwoso nye a ŋun lonyit, ŋuto gwoso ŋilo ti bulö wuju nene ŋo i Tumatyan na Kristo se ko Ŋun.

1 Petero 2:8

Nye a ŋurupit köpuket ko a lurutat to ’dorowet. Lepeŋat kopuko kogwon se a renya lo kulyaet. Lepeŋat a wuloki i koŋdya sona.

Kweyatti 2:14

Ama nan gwon ko kulya ku ’dik na yuyuköri do adi do gwon ko Ŋutu ŋini logon ’depakiŋdya i todinesi ti Balam. Ŋilo Balam koju lo todiŋdyö Balak anyen tiŋdu loket a na ŋutu ti Yisaraele, anyen tiŋdu lepeŋat i nyesu na kinyo logon wuki nyömuejin logon a punyen ko i koŋdya na toluŋ.

1 Samuele 28:6

A Saula ko momo ’yi MATAT, a MATAT tine ruggö nye ma ’di i rudweesi, kode ko ’duŋet na Urim, kode ko nebijin i kutusen.