Ejikele 14:19 - Bibilia Buk na Ŋun nagon koti luŋu a

¹⁹ A ko nan a soŋdu twanti iŋgo i ŋilu jur, a ’bukökiŋdye woran nio kata i tatuja na ŋutu ko toro ’bo—

Ejikele 14:19 Iomraidhean Croise

2 Samuele 24:13

A Gada poŋdi ko Dawidi ni a nyönyökökiŋdye lepeŋ kine kulya adi, Bia ti kiŋajin musala ti dyaŋ poki konut i jur le? Kode ti do wöwökine wöwöki ko merok kulök i komor ko yapala musala nagon se gwon i riggö na do nu? Kode ti twanti iŋgo poki konut i jur ko perok musala? Nyenagon yeyeji ko wuluŋdye ruket nagon nan toyitökin lepeŋ lo sunyuŋdyö nan lu.

2 Samuele 24:15

A kirut MATAT sunyukiŋdye Yisaraele twanti iŋgo suluja i ko ’bure tojo ko diŋit na wulwe nu; a ŋutu twatwane twatwa aliŋan merya buryo suluja Dan tojo Ber-seba.

1 Moran 8:37

A kö ködyö dyaŋ kata i ŋilo jur, kode lele twanti loron, kode twanti logon tiŋdu kinyojin wora a juggu, kode a buggi, kode mayat kode kuru; a ko ködyö merok kase tumba se i nene na köjinö kase; a ko ködyö twanti kata, kode gilö;

2 Dekat 20:9

a kulyani adi, Ko ŋo naron a pokin kayaŋ loki ko nye a gor, kode a riŋet, kode a twanti, kode a dyaŋ, a yi mo gwo ’de i komor na ŋina kadi se ko konut i komor, kogwon karin kunok gwon i na kadi, a yi gwiki konut kogwon sasanya nikaŋ, nyena a do mo yiŋge yiŋga a lwöggi yi.

2 Dekat 6:28

A ko kodyo dyaŋ kata i ŋilo jur, kode lele twanti loron, kode twanti logon tiŋdu kinyojin wora a juggu, kode a buggi, kode mayat kode kuru; a ko kodyo merok kase tumba se i nene na köjino kase; a ko kodyo twanti kata, kode gilö;

2 Dekat 7:13

A ko kodyo nan a togwo ’ya ki anyen kudu gwon ’bayin, kode saŋu mayat anyen nyesu kinyojin, kode nan soŋdu twanti loron i kiden na ŋutu kwe,

Saumajin 91:3

Kogwon lepeŋ bubulö jekundya do kaŋo i boyi na kalokanit lo kwen, ko köti i twana iŋgo logon tatatuja kilo.

Saumajin 91:6

do ti kujönö twanajin lo wöri ’e kwaje, kode gilösi lo tatuja i tuparan kiden.

Yisaya 34:3

A lo tatua kase mo gubajine kaŋo, a mön na öpuö kase mo möara ki; a merya mo ’doke ’dokon kö rimakase.

Yisaya 37:36

A malaikatat lo MATAT iti kaŋo, a tatuje ŋutu alipan mia geleŋ ko merya budök wot mukanat i mera na ŋutu ti Asura; a ko ŋutu a ŋien ki ko ’bure kobubut, mete kilo liŋ gwe a lo twatwa.

Yeremia 14:12

Ma ’di ködyö se a miŋdya, nan mo ti yiŋ gwien nase, ma ’di ködyö se a wukiŋdya nan rubaŋgajin lo ’yu ’yura ’buluŋ se ko ’dokesi ti ’bolot, nan mo ti wu se kwöŋ, kölumbö a nan mo togirökiŋdye lepeŋat ko baŋdujin, ko dyaŋ, se ko twanti iŋgo.

Yeremia 21:6

A nan mo gwuddye ŋutu lo si ’da i ŋina köji kulo mora ko toro ’bo; a se mo twatwane ko twanti iŋgo parik.

Yeremia 21:9

Ŋuto loron nyuŋ si ’da i ŋina köji lo mo tatua ko baŋdu, ko dyaŋ, se ko twanti iŋgo, ama ŋuto logon a tu kaŋo a wukiŋdye mugun ko ŋutu ti Kaledea i konisi logon tumba ta kulo, ŋilo ŋuto mo yeŋon gwon jorun, a ru nanyit mo gwe gwoso ŋo naŋon nye a ryakun i ŋor.

Yeremia 24:10

A nan mo sunyukiŋdye lepeŋat merok logon ko baŋdujin, a sunyukiŋdye se dyaŋ, se ko twanti iŋgo, tojo se liŋ molu a togiröki adi siti jur logon nan köju a tikin se ko merenyejin kasu lu.

Ejikele 14:18

nan MATAT ŊUN lo kulya adi, ’Diri ’diri gwoso na gwoŋdi nan na, ma ’di kilo ŋutu musala ködyö gwolor nyu, lepeŋat ka ’de mo lo lwökö, a se ködyö tine lwökuŋdyö ŋwajik kase lulyan kode nawate.

Ejikele 14:20

nan MATAT ŊUN lo kulya adi, ’Diri ’diri gwoso na gwoŋdi nan na, ma ’di ko Noa, ko Daniele, se ko Eyobo ködyö gwolor nyu, lepeŋat ködyö lwökuŋdyö ru nase tuŋ kogwon torigwo nase, a se ködyö tine lwökuŋdyö ŋwajik kase lulyan kode nawate.

Ejikele 14:21

Nan MATAT ŊUN lo kulya adi, A naron bia parik ko nan a sunyukin Yerusalema kine riŋesi iŋwan narok parik nagon nan riŋge ŋutu, kweja adi. baŋdu, ko dyaŋ, ko kijakwa ti mu ’diŋ, se ko twanti iŋgo anyen tukaŋu ŋutu se ko toro ’bo!

Ejikele 21:31

Nan mo ’bu ’bukökin woran nio kasu loki, a nan mo kutakiŋdye woran nio na pape kasu loki, a nan mo ŋutukiŋdye ta i könisi ti ŋutu kipajin logon a diniki tukaŋu.

Ejikele 36:18

Nyena a nan iŋge ’bukökin woran nio ko lepeŋat loki kogwon rima nagon se a ’buk i jur kune, koti kogwon nyömuejin logon a punyen logon se a toluddye jur kulo.

Ejikele 38:22

A nan mo kitani ko twanti iŋgo se ko tatuja i ’dupökiŋdyö na do na putet; a nan mo to ’do-ji kuduöt dumalak logon ’do ’dokon, ko torok ti kudu, ko kimaŋ se ko pisek konut loki, ko i tepon kunök, ko i gweyajin jore ti ŋutu lo gwon ko do kulo.

Ejikele 5:12

A swöt geleŋ na musala na ŋutu kasu mo twatwane ko twanti iŋgo, a mo tutupöni ko dyaŋ i kiden na köji nasu, a swöt geleŋ na musala mo totokoni kak ko baŋdujin i gor i turön logon lorga köji, a nan mo ratakiŋdye swöt geleŋ na musala i köbuŋötön liŋ ti kak anyen wuwuköji, a nan mo ’dutuŋdye baŋdu kaŋo a riköddi se.

Ejikele 7:8

Nyena, ’de ’de kijek nan mo ’bu ’bukökin woran nio kasu loki, a nan pomani ko ta asut, a ’duŋökiŋdye ta putesi gwoso i konesi kasu, a nan mo ropakiŋdye ta gwoso i konesi kasu na mamana kine.

Amosa 4:10

Nan aje sunyukin ta twanti iŋgo gwoso lo Ejipeto; a nan iŋge tatuja teton kasu ko baŋdujin; a nan joŋgi kusanjin kasu; a nan iŋge tin mon na merajin kasu i möara kasu i kumesikö; ama a ta gwe a ko yitwe köyö ni. Kilo a kulyaesi kwe ti MATAT.

Kenet 14:12

Nan mo ririŋ se ko twanti iŋgo, a nan mo renyakiŋdye se lomore nase, a nan mo koŋdi do a jur duma ko riŋit totogun se.

Matayo 24:7

Kogwon jur mo mömöro ko lele jur, a tumatyan mo möröni ko nene tumatyan, a dyapan se ko rigirigilön mo gwe i piritön ka ’de ka ’de.