Ejikele 14:11 - Bibilia Buk na Ŋun nagon koti luŋu a

¹¹ A kötumit na Yisaraele mo köti tine girara kaŋo köyö, a se mo tine toluddya ’börik köti i laŋgu na saresi kwe, a se mo gwe a ŋutu kwe a nan mo gwe a ŊUN lose. Ŋilo a kulyaet lio lo MATAT ŊUN.

Ejikele 14:11 Iomraidhean Croise

Suluet 17:7

A nan mo togwi ’dikiŋdye tomoret nio go i kiden nikaŋ ko do, se ko nyakwariat kulök lo gwon konut i mukök kilo i nyakwariat kase liŋ. ŋina tomoret a tomoret na yeŋ nyin, kweja adi nan mo gwon a Ŋun ilot ko a lo nyakwariat kulök konut i mukök kilo.

Saumajin 119:67

A kokwe nagon do a ko ririŋ nan nu nan a giran, ama soŋinana nan ’de ’deŋ kulyaesi kulök.

Yisaya 9:16

kogwon kanyomök ti kilo ŋutu totogiraddu lepeŋat, a se logon a nyömöji ko lepeŋat kilo wiloni wilö asut.

Yeremia 11:4

nagon nan a sarakin merenyejin kasu i diŋit na joŋdi nan se kaŋo i jur lo Ejipeto logon a tuka nitet lu. Nan köju a kulya ko se adi, Yiŋge ta gworo lio, ko koŋdi ta ŋo liŋ nagon nan a sarakin ta kune, nyena a ta mo gwe a ŋutu kwe, a nan mo gwe a Ŋun losu.

Yeremia 23:15

Nyenagon nan MATAT lo kurumi lo jambu i kulya ti nebijin adi, Mete, nan mo tunyeju kulo ŋutu ko lo ’burtölöŋ, a nan mo tumaddi lepeŋat ko pioŋ nagon a wiri; kogwon lauŋdya nase na nan Ŋun aje rekin i jur ’bukuluŋ suluja ko nebijin ti Yerusalema.

Yeremia 24:7

A nan mo tiŋdi se töilyet anyen se deden adi nan a MATAT; a se mo gwe a ŋutu kwe, a nan mo gwe a ŋun lose, kogwon se mo yiyitwe köyö ni ko töilyet kase liŋ.

Yeremia 31:33

Nan MATAT lo kulya adi, Na a tomoret nagon nan mo teten ko kötumit na Yisaraele i mukök na kilo perok, kweja adi, Nan mo titin saresi kwe ko lepeŋat lukata, iŋkoi, nan mo wuwurökin se kase i töilyet; a nan mo gwe a ŋun lose, a se mo gwe a ŋutu kwe.

Yeremia 32:38

A se mo gwe a ŋutu kwe, a nan mo gwe a Ŋun lose.

Yeremia 50:6

Ŋutu kwe a likin gwoso köbilu; kayukuk kase aje tulyapara lepeŋat, a se tiŋdi se i wörö abur i merya; lepeŋat wöröji suluja i merya tojo ko lurwat, a iŋge böŋö pirit nase nagon a goro lose na.

Ejikele 14:10

Nebi se ko ŋuto lo piyuŋdya kulya ko lepeŋ lo mo ŋoŋga riŋet na toronjin kase, kogwon se murek liŋ a koŋdya toron.

Ejikele 14:12

A kulyaet lo MATAT poki köyö adi,

Ejikele 37:23

A lepeŋat köti kwöŋ mo tine toluddya ’börik ko nyö-muejin logon a ŋunyen kase, ko konesi kase na mamana, se ko lauŋdya nase na saresi kwe; a nan mo lwökuŋdye lepeŋat kaŋo i toronjin kase liŋ na kukuto-di se bot kune, a nan mo toke ’yi se; a se mo gwe a ŋutu kwe, a nan mo gwe a ŊUN lose.

Ejikele 37:27

A pirit nio si ’daet mo gwe ko lepeŋat i pirit na geleŋ; a nan mo gwe a ŊUN lose a se mo gwe a ŋutu kwe.

Ejikele 39:22

Suluja i ŋinu diŋit tojo ko ŋerot, a kötumit na Yisaraele mo deŋdi adi nan logon a ŊUN lose.

Ejikele 44:10

Ama Lewijin logon aje girara kaŋo pajo köyö kulo i kepoddu na nyömuejin kase logon a punyen i diŋit na giraddi ŋutu ti Yisaraele i toron nu, lepeŋat ködyö ŋogoŋ riŋet na toron nase.

Ejikele 44:15

Ama koanejin logon a Lewijin logon a nyakwariat ti Sadok, se lo tiju pirit nio nake na rurwan i diŋit na giraddi ŋutu ti Yisaraele kaŋo köyö nu; kilo ŋutu ködyö lo mijun köyö ni i kitakiŋdya na nan, a se molu gwo ’de köyö i komor anyen wukiŋdya nan lokorio nagon a welesi se ko rima. Kilo a kulyaesi kwe ti MATAT ŊUN.

Ejikele 48:11

A ŋina pirit ködyö gwe a na nyakwariat ti Sadok logon a ’boroki a koanejin, logon a tiju ’debba saresi kwe kulo, a gwe a ko girara i toron gwoso na koŋdi Lewijin i diŋit na giraddi ŋutu ti Yisaraele i toron nu.

Jakaria 13:9

A nan mo gwurusökiŋdye ŋina tupet i kimaŋ, a mo ŋoŋoji se gwoso ŋuto lo ŋoŋoaddu korodo kaŋo i pödö, a nan mo tembi se gwoso na temari dakap na. A se mo luluŋgi karin kwe, a nan mo waddi se adi, Se a nutu kwe; a se mo kulyani adi, MATAT a ŋuri likaŋ.

Nyökit 13:11

A ŋutu liŋ ti Yisaraele mo yiŋge yiŋga, a kujönöni kujönö, a mo tine koŋdya nene toron köti kwöŋ kasu kiden gwoso na.

Nyökit 19:20

A se lo pituŋdyö kilo mo yiŋge yiŋga a kujönöni kujönö; a mo tine koŋdya nene ŋo naron kasu kiden köti.

Ebere 11:16

kölumbö a se gwe ko pusök i jur lo ’but bia parik logon a lo ki. Nyena ŋina a kwe nagon Ŋun ti yu kwe i luŋu a Ŋun lose, kogwon lepeŋ aje tetenakin se köji.

Ebere 8:10

Ama na a tomoret nagon nan mo tetenakin i kötumit na Yisaraele i mukök na kilu perok, nan Matat lo kulya; nan mo titin saresi kwe kase i yeyeesi, a wurökiŋdye se kase i töilyet, a nan mo gwe a ŋun lose, a se mo gwe a ŋutu kwe.

2 Petero 2:15

Lepeŋat aje ko ’yu kiko lo rigwo a iŋge giran, a kepoddi kiko lo Balam ŋuro lo Beor logon nyanyar ropaki i koŋdya na toron,

Kweyatti 21:7

Ŋuto lo te ’ya lo kine ŋo mo gwon a kanyit lomore, a nan mo gwe a Ŋun lonyit, a nye mo gwe a ŋuro liŋ.