Ejikele 13:9 - Bibilia Buk na Ŋun nagon koti luŋu a

⁹ a nan mo möröni ko nebijin logon ŋo na met se kase i töilyet kune a köpuröt kana, a ŋo na galun se i to ’bunun kune gwe a ’burönö. Lepeŋat mo ti morakiŋdya i momoret na ŋutu kwe, a karin kase mo tine wuröki i wuret na kötumit na Yisaraele, a se mo tine lupö i jur lo Yisaraele. A ta mo dene den adi nan logon a MATAT ŊUN.

Ejikele 13:9 Iomraidhean Croise

1 Moran 13:18

A nebi modoŋ kulyani adi, Nan köti a nebi gwoso do, malaikatat a jamakin nan kulyaet lo MATAT adi, ti nan nyömörö do köyö i ’baŋ anyen do böŋö nyesu kinyo a möji pioŋ. Ama nye a mumulugga lepeŋ.

Ejira 2:59

Kilo a ŋutu lo poŋdya Telemelak, ko Telekarasa ko Keruba, ko Adan, ko Imer, ama a se tine bulo kweja kotumitbn ti merenyejin se ko nyakwariat kase kode se ŋona a ti gweya na Yisaraele:

Nemaya 7:62

kweja adi nyakwariat ti Delaya, ko ti Tobia, ko ti Nekoda, liŋ momora a miajin buker ko merya iŋwan wot murek.

Nemaya 7:64

Kilo ŋutu a ga ’yu karin kase i kiden na wuret na nyakwa­riat ti merenyejin kase, ama a lepeŋat gwe a ko ryö karin kase nyu. Nyena a se iŋge gelaji kaŋo ko koanejin kiden gwoso ŋutu logon ’bayin a loke i kulya ti keri.

Saumajin 101:7

Nye logon kondya mumulugga lo mo ti si ’da köyö i kadi lukata; ŋuto kajamanit lo ’burönö mo ti kitakindya nan.

Saumajin 69:28

Ko ti karin kase bubutöni bubutö i buk na ŋutu lo gwon jörun kilo; ti se gwe ti wuröki ko ŋutu lo rigwo i ŋirit na geleŋ.

Saumajin 69:5

Pon Ŋun, do deden tu ’böŋön nio; toronjin kwe a ko ’dela konut i komor.

Saumajin 87:6

A MATAT kendi kendya i diŋit nagon nye wuwuŋe karin ti gweyajin ti ŋutu, adi, Kilo ŋutu a yuŋwe nyu.

Saumajin 95:11

Nyena a nan milyeji i woran nio adi se mo ti luŋö köyö i ŋirit yukaet.

Yisaya 4:3

A mo gwe sona adi, ŋutu logon a kölöki Siona, ko logon a möŋdu Yerusalema yu kulo mo luguni a loke, iŋkoi, ŋutu liŋ logon karin kase a wurö Yerusalema adi se ruru kilo.

Yeremia 14:15

Nyena­gon nan MATAT lo kulya i kulya ti nebijin logon kekejutu ko karin kwe kulo ma ’di nan a ko soŋdu lepeŋat, logon kulya adi, Baŋdujin ko dyaŋ mo ti ’dukin i lo jur. Nan kulya sona adi, Kilo nebijin mo totogiröki ko baŋdujin se ko dyaŋ.

Yeremia 17:13

Pon MATAT, ŋutu ti Yisaraele yeyen do, ŋutu liŋ loron kökölökiŋdyö do kulo mo yuyu kusik, iŋkoi, ŋutu loron a löpuköddu kaŋo konut kilo karin kase mo wuröki i kujöŋ, kogwon se a kölökiŋdyö do MATAT loron a kidi lo pioŋ toruesi lo.

Yeremia 23:20

Woran na MATAT mo ti yitwe bot tojo nye a koŋdya ko a tutuŋŋo nagon nye a yeye kanyit i toili kune. A i perok lo popo a ta mo kuru kurun kine kulya ’bura.

Yeremia 4:9

MATAT lo kulya adi, I ŋilu lor toili lo mor se ko toilyet ti ŋutu temejik mo dododdya, a toilyet ti koanejin mo Iwo ’yi lwo ’yu, a nebijin mo soŋi soŋu ko kujono.

Ejikele 11:10

Ta mo totoko kak ko baŋdujin na ’duŋökiŋdye nan ta putesi i lokökorit lo Yisaraele nu; a kirut ta mo dene den adi nan a MATAT.

Ejikele 12:20

A köjinö nagon ŋutu nyuŋ si ’da kata kune mo köröni körö a jur mo konani a murwö. Nyena a ta mo dene den adi nan logon a MATAT.

Ejikele 13:14

A nan mo duyömökiŋdye ŋina gorom kak nagon ta aje we ’ya ko buya ŋina, a nan mo yayarakiŋdye lepeŋ kak, a pipilesi kanyit mo purune köke. Ko ŋina gorom a ’doro, a ta mo twatwane i lukata nanyit; a ta mo dene den adi nan logon a MATAT.

Ejikele 13:23

Nyenagon ta mo köti ti meddya kulya nagon a köpuröt kana kasu i töilyet, a mo tine galuŋdya ŋo i to ’bunun. A nan mo riŋuŋdye ŋutu kwe kaŋo kasu i könisi; a kirut ta mo dene den adi nan logon a MATAT.

Ejikele 20:38

A nan mo nyunyumbe katoronyak ko se lo toroŋdya nan kilo kaŋo kasu kiden. A nan mo joŋdi se kaŋo i jur logon se sisi ’dari a lepelok ŋilo, ama se mo ti lupö i jur lo Yisaraele kwöŋ. A kirut ta mo dene den adi nan logon a MATAT.

Daniele 12:1

A i ŋinu diŋit a Mikaele mo lo ŋine, logon a duma ko a katiyunit lo ŋutu kulök. A diŋit na sasanyesi mo gwe kata nagon ’beron a ko nyuŋ meta temba na gwoŋdi ŋutu i na kak na tojo ko ŋinu diŋit; ama i nu diŋit ŋutu kulok mo lwölwökö, se liŋ geleŋ geleŋ logon karin kase a wuröki i buk kulo.

Osea 4:5

Ta mo kököŋukö i diŋit na tuparan, nebijin koti mo kököŋukö ko ta i ŋirit na geleŋ i diŋit na tukwaje; a nan mo tukaŋi Jur losu logon a ŋote nasu.

Osea 9:3

Lepeŋat mo ti si ’da i jur lo MATAT, ama a kotumit na Epuraima mo yitöni Ejipeto, a se mo nyesi kinyo logon ’bayin a loke lo rurwan Asura yu.

Mika 3:5

Kulo a kulyaesi ti MATAT i kulya ti nebijin lo togiŋa ŋutu kanyit. Kilo nebijin ko a tiki ŋo lo nyenyei, a se laije adi, ŋo lio a na ’but, ama ko ŋutu a ko tikin se ŋo lo nyenyei a se teteŋdi moro.

Mika 3:6

A MATAT kulyani adi, Ko ŋina kwe a kak mo gwe a tukwaje kasu, a ta mo tine meddya kulya kasu i toilyet, a mo gwe a mudwe kasu, a ta mo tine koŋdya to ’bunun. A kolor mo ’dororo kak i kulya kasu ta nebijin, a lor mo worani a mudwe kasu.

Luka 10:20

Ama an ta ko lyöŋön ta kogwon mulökö twötwö ta, ama lyöŋi ta kogwon karin kasu aje wurö ki yu.

Pilipoi 4:3

Iŋkoi, pon ju liŋ lo to ’diri logon yi ŋaŋu kita i pirit na geleŋ lo, nan mo ’yu do köti paraki kine wate, kogwon se a kita i Loŋe Lo ’but ko nan i pirit na geleŋ, mora ko Kelement se ko kulye logon yi a kita ko se i pirit na geleŋ, logon karin kase a wuröki i buk na karin ti ŋutu lo gwon jörun kulo.

Ebere 12:23

na ŋwajik kayujin ti Ŋun lo momora, logon karin kase a wuröki ki yu kulo. Ta kilo aje ’dur ko Ŋun i komor logon a Ka ’dunönit lo putesi ti ŋutu liŋ, ko i komor na ködudwölön ti ŋutu logon a lo rigwo logon a tojuki a lo ’but kulo.

Kweyatti 13:8

A ŋutu liŋ lo gwolor i kak ni kulo mo twoji lepeŋ, kweja adi se liŋ logon karin kase koju suluja i gweya na na kak a ko wuröki i buk na ŋutu lo gwon jörun na, nagon a buk na Kilolor lo tatua lo.

Kweyatti 19:20

A ŋilo gworoŋ se ko nebi ’burönit iŋge moka. ŋilo nebi a nye lo koŋdya kweyesi ko gworoŋ i komor nagon nye togiŋe ŋutu lo gigiriki gwuluet na ŋilo gworoŋ a twöji nyömue nanyit kulo. A se liŋ murek gubajine jörun i tör na kimao na tule ko pisek.

Kweyatti 20:12

A nan meddi ŋutu lo twatwa temejik ko lo ’di ’dik gwogwo ’dan i komor na ŋina si ’daet, a bukön ŋani gai. A kirut nene buk na ŋani nagon a buk nagon karin ti ŋutu lo gwon jörun kulo a wuröki kata na. A ŋutu lo twatwa kulo iŋge ’duŋoki putesi gwoso i konesi kase nagon a wuroki i bukon kune.

Kweyatti 20:15

Nyena ko lele ŋuto logon karin kanyit a ko rye a wuröki i buk na ŋutu lo gwon jörun na, a lepeŋ gubakine i tör na kimaŋ.