Ejikele 13:8 - Bibilia Buk na Ŋun nagon koti luŋu a

⁸ Nyenagon nan MATAT ŊUN lo kulya sona adi, Kogwon ta jambu kulya nagon a köpuröt kana, a ŋo na met ta kasu i töilyet kune gwe a ’burönö, nyenagon mete ta, nan mo gwon a miriku losu. Ŋilo a kulyaet lio lo MATAT ŊUN.

Ejikele 13:8 Iomraidhean Croise

1 Moran 13:18

A nebi modoŋ kulyani adi, Nan köti a nebi gwoso do, malaikatat a jamakin nan kulyaet lo MATAT adi, ti nan nyömörö do köyö i ’baŋ anyen do böŋö nyesu kinyo a möji pioŋ. Ama nye a mumulugga lepeŋ.

Yeremia 21:13

Nan MATAT lo kulya adi, Do naŋon si ’da i pirit na ’dir, iŋkoi, do lurutat logon gwon i pirit naŋon a ’dar, mete, nan a miriku ilot.Do kulya adi, Ŋa logon mo po kak ni i mörö koyi? Adi, Ŋa logon mo lulupe i pirit naŋon yi si ’da kata na?

Yeremia 23:30

Nyenagon nan MATAT lo kulya adi, Mete, nan a miriku lo kilo nebijin logon koko ’ya kulyaesi kwe ko marate­jin kase anyen se lo jambu.

Yeremia 29:31

Soŋdi lore i ŋutu liŋ lo gwon i to ’dupien kulu adi, Nan MATAT lo jambu i kulya ti Semaya lo Nekelam adi, Kogwon Semaya aje kikiŋdyö ta a nan gwe a ko soŋdu lepeŋ, a iŋge tiŋdu ta i yeŋdu na kulya ’burönö,

Yeremia 51:25

Nan MATAT lo kulya adi, Do mere katukaranit logon tukaŋu kak ’bukuluŋ lo, mete, nan a miriku ilot. Nan mo ririörö könin lio i mörö ko do, a nan mo dukuŋdye do i lurwat, a do mo gwugwulupundye kak, a mo koŋdi do a mere lo nokan.

Ejikele 21:3

Taki jur lo Yisaraele adi, MATAT lo kulya adi, Mete, nan a miriku ilot, a nan mo ’dutuŋdye baŋdu lio kaŋo i soko ’bo, a nan mo ’dupöddi kaŋo konut ŋutu liŋ lo ’but ko lorok.

Ejikele 26:3

Nyenagon nan MATAT ŊUN lo kulya adi, Do Turo, mete, nan a miriku ilot, nan mo totopikin do jurön jore i möro ko do, gwoso nagon tör duma na ’balaŋ topikiŋdye yalajin i ya ’yu ko riŋit konut i mara na.

Ejikele 28:22

Tambi ko lepeŋ adi, MATAT ŊUN lo kulya adi, Do Sidona, mete, nan a miriku ilot, a nan mo kweji minyo lio konut kiden. A ŋutu mo deŋdi adi nan logon a MATAT i diŋit nagon nan mo ’duŋökiŋdye Sidona putesi, a mo kweji kelan nio kanyit kiden nu.

Ejikele 29:10

Nyenagon mete, nan a miriku ilot do se ko kinasi kulök ti Supiri, a nan mo koŋdi jur lo Ejipeto a ruba ko a murwö, suluja Migedola tojo ko Sewene, köti tojo ko lokökorit lo Etiopia.

Ejikele 34:10

Nan MATAT ŊUN lo kulya adi, Mete ta, nan a miriku losu lo kayukuk; a nan mo luŋgi köbilu kwe kasu i konisi; a nan mo teŋgi ta i tunyeju na köbilu; a ta kayukuk köti mo tine tunyeju ’borik asut; a nan mo ryakuŋdye köbilu kwe kaŋo kasu i kutusen anyen gwon ’bayin a kinyo losu.

Ejikele 35:3

taki lepeŋat adi, MATAT ŊUN lo kulya adi, Ta ŋutu ti mere Seir, mete ta, nan a miriku losu, a nan mo riöddi könin lio kaŋo i mörö ko ta, a nan mo koŋdi jur losu a murwö ko a ruba.

Ejikele 39:1

Do ŋuro lo ŋuto, keŋ keju kulya narok i kulya ti Goga; taki lepeŋ adi, MATAT ŊUN lo kulya adi, Mete, nan a miriku ilot do Goga kasaranit lo Rosi, ko lo Meseke, se ko lo Tubala.

Ejikele 5:8

nyenagon nan MATAT ŊUN lo kulya sona adi, Mete, nan, iŋkoi nan lepeŋ a miriku losu; nan mo ’du ’duŋökin ta putesi i kiden na köji nasu a ŋutu ti jurön memeddya.

Naum 2:13

Nan MATAT lo kurumi lo kulya adi, Nan a miriku losu, nan mo ’yu ’yur arabiajin kasu lo jijiko, a mo tatuje torela kasu ti komiruŋt ko baŋdujin, a nan mo tutuŋe tutuŋ po nagon ta a koja i kak ni kune, a gworolo ti luyökie kasu mo tine yiŋa koti kwöŋ.

1 Timoteo 4:1

Mulökötyo Loke a jambu kokeadi, i diŋitan ti mukök kulye ŋutu mo kökolökin yupet, a lepeŋat mo yiŋge muloko ’burönök se ko todinesi ti mulökö lorok.

1 Timoteo 4:8

Tojumbu na mugun gwon ko ’bulit a na ’dit, ama twöju na Ŋun gwon a ’bulit i ŋo liŋ, kogwon ŋina twöju rurukökin kulya ti gwiliŋit lo soŋinana se ko gwiliŋit lo popo.

1 Petero 3:12

Kogwon Matat meddya ŋutu lo rigwo, a lepeŋ gwe ajo i yiŋga na kwakwasesi kase; ama komor na Matat gwon a natun ko ŋuto lo koŋdya arabat.