Ejikele 13:6 - Bibilia Buk na Ŋun nagon koti luŋu a

⁶ Ŋo na met kilo nebijin kase i töilyet kune a köpuröt kana, ŋo na galun se i to ’bunun nase kune a ’burönö. Lepeŋat kulya adi nan MATAT lo jambu kine kulya, ama kudyakan nan MATAT a ko yökijö se; ama lepeŋat yen-du adi nan mo titikin kulyaesi kase wora a gwak.

Ejikele 13:6 Iomraidhean Croise

1 Moran 22:12

A nebijin kulu liŋ keŋ sona, a kulyani adi, Iti Ramot-gilada ko te ’yi te ’ya; MATAT de titin nu köji konut i könisi ŋon mor.

1 Moran 22:15

A nye ko ’dure ko mor yu, a mor pipije lepeŋ adi, Mikaya, yi bubulö tu i mörö Ramot-gilada kode ti yi gwe ti tu? A nye waddi adi, Iti, ko te ’yi te ’ya; MATAT de titin nu köji konut i könisi ŋon mor.

1 Moran 22:27

A ta kulyani adi, Mor a kulya sona adi, Tiki ta ŋilo ŋuto i kadi rereket, ko tiŋdi ta lepeŋ kinyo lo delya ko pioŋ delyaesi a sasanyesi kanyit, tojo ko nan a yitwe ’bura.

1 Moran 22:37

A mor twane twan, a jopani Samaria; a se nuŋge öpu na mor nyu.

1 Moran 22:6

A mor lo Yisaraele momori nebijin i pirit na geleŋ, a se gwe gwoso ŋutu miajin iŋwan, a nye pipije lepeŋat adi, Nan ŋona bubulö tu i mörö ko Ramot-gilada kode ti nan gwe ti tu? A se ruŋge adi, Do bubulö tu, kogwon MATAT de titin nu köji konut i könisi ŋon mor.

Tolupesi 14:15

Ŋuto logon yeyeesi a namunyak yuyuŋ kulya liŋ, kolumbo a ŋuto logon deden kulya tiji kikolin kanyit lepeŋ.

Yeremia 14:14

A MATAT takiŋdye nan adi, Nebijin kekejutu kulya ’burönö i karin kwe; nan a ko soŋdu lepeŋat, nan a ko sarakin lepeŋat, nan a ko jambu ko se. Lepeŋat kikiŋdyö ta kulya ’burönö na met se kase i töilyet, a koŋdi to ’bunun nagon ’bak ’bulit, a jambi mumulukesi nagon po kase i yeyeesi kune.

Yeremia 23:16

Nan MATAT lo kurumi lo kulya adi, An ta ko yiŋga ta kulyaesi ti nebijin logon kikikiŋdyö ta kilo, a toyimönöji ta ko yenesi nagon a ’burönö. Lepeŋat jambu rudweesi nagon se a yiyiun kase i töilyet kune, ti gwon a ŋo nagon lupe köyö ko MATAT i kutuk.

Yeremia 28:1

A i ŋilu kiŋa lo geleŋ lu, na suluje Sedekia mor lo Yuda i gwon a kasaranit nu, kweja adi i yapa tomukanat lo kiŋa toiŋwan, a Kanania ŋuro lo Ajur, nebi lo po Gibeon jambi ko nan i kadi na MATAT, i komor na koanejin se ko na ŋutu liŋ adi,

Yeremia 28:15

A nebi Yeremia kulyani ko nebi Kanania adi, Kanania, yiŋge, MATAT a ko sunyuŋdyo do; do aje tiŋdu kulo ŋutu i yeŋdu na kulya ’burönö.

Yeremia 28:2

MATAT lo kurumi Ŋun lo Yisaraele lo kulya adi, Nan aje ’be ’beleŋ kaden gwolor ti mor lo Babela lo gwon kasu i murutö kulo.

Yeremia 29:31

Soŋdi lore i ŋutu liŋ lo gwon i to ’dupien kulu adi, Nan MATAT lo jambu i kulya ti Semaya lo Nekelam adi, Kogwon Semaya aje kikiŋdyö ta a nan gwe a ko soŋdu lepeŋ, a iŋge tiŋdu ta i yeŋdu na kulya ’burönö,

Yeremia 29:8

Kogwon nan Matat lo kurumi ŋun lo Yisaraele lo kulya adi, An ta ko mumuluka ta ko nebijin kasu ko ’bunuk kasu lo gwon kata kasu kiden kilo, an ta ko yiŋga ta rudweesi nagon se a rudweri kine,

Yeremia 37:19

Kuliya nebijin kulök logon kikiŋdyö do adi, Mor lo Babela mo ti po i mörö ko ta ko i mörö ko lo jur?

Yeremia 5:31

kweja adi nebijin kekejutu ’burönö, a koanejin saŋi gwoso na jambi nebijin na; a ŋutu kwe nyare nyar adi ti gwe sona, ama ta mo koŋdya nyo ko ’dutet a po?

Delyasi 2:14

Nebijin kulok aje metakiŋdya do kulya kase i toilyet nagon a ’burönö ko a mumulukesi, se a ko timun lyaŋesi kunok anyen nyokuŋdyo do kaŋo i to ’dupien, ama se aje metakiŋdya do kulya kase i toilyet nagon a ’burönö ko a tulyaŋesi.

Ejikele 13:7

Ta nebijin, ŋo na met ta kasu i töilyet kine ŋona ’bayin a köpuröt kana? Ŋo na galun ta i to ’bunun kune ŋona ’bayin a ’burönö le? Ta kulya adi ŋilo a nan MATAT lo jambu, ama ti gwon a nan lo jambu.

Ejikele 21:23

Ama kine kulya meta ko ŋutu ti köji gwoso waŋdu na ’burönö; ma ’di se köju a nyesu milyejin temejik, kölumbö a nye mo yeyeji toronjin kase anyen se kodyö momokaji.

Ejikele 21:29

Ŋo na met ta kasu i töilyet kine a köŋurot kana, waŋdu nasu a ’burönö kana, nagon adi ti ta totoggi ŋutu i murutö ko baŋdujin, kilo ŋutu a lorok ti twöju ŊUN, diŋit nase aje po nagon riparikin se a ’dutet.

Ejikele 22:28

A nebijin lo gwon i lukata nanyit kulo gwe gwoso ŋutu logon we ’ya gorom ko buya, a meta-kiŋdye se ŋo nagon a köpuröt kana kase i töilyet, a konakiŋdye se to ’bunun nagon a ’burönö kana, tuggö adi ŋilo a nan MATAT ŊUN lo kulya, a ki ’doŋ nan MATAT a ko jambu.

Jakaria 10:2

Kogwon nyömuejin ti mede tuggö ŋo kana, a ’bunuk waŋdi kulya ’burönö; a karudwök nyönyöggi rudweesi nagon a wuya, a se tiŋdi togolesi nagon a wuya kana. Nyenagon a kulo ŋutu wirte gwoso yidin; a se iŋge tomie kogwon se ’bak kayukunit.

Marako 13:6

Ŋutu jore mo popo i karin kwe a kulyani adi se a nan, a se mo togiŋe ŋutu jore.

2 Tesalonike 2:11

Ko ŋina kwe Ŋun sunyukiŋdyö lepeŋat mumuluket nagon kikita ko riŋit a duma kase i töilyet, anyen tiŋdu se i yubbö na kulya ’burönö,

2 Petero 2:18

Lepeŋat jajambu kulyaesi lobot logon a po kana i lulukuŋdya na ŋutu logon pete rwoddu i gwiliŋit lo tupaganon kilo, a teteŋdi ’dekesi narok ti mugun se ko konesi ti yu na kwe a meyi.