Ejikele 13:3 - Bibilia Buk na Ŋun nagon koti luŋu a

³ MATAT ŊUN lo kulya sona adi, Wöidiö i nebijin lu ’böŋ logon kekejutu ko mulökötyo keet logon a lose, a tine met nene ŋo kwöŋ kase i töilyet.

Ejikele 13:3 Iomraidhean Croise

Tolupesi 15:14

Ŋuto lo gwoŋ ko kurundyö na kulya ŋa ’yu koŋon, ama a ŋutu lu ’böŋ nyaŋi tu ’böŋön.

Tolupesi 15:2

Ŋuto lokoŋ kitari koŋon nanyit ’bura i jambu, ama ŋutu lu ’böŋ rurutundya ’böŋön kaŋo.

Yeremia 23:1

Nan MATAT lo kulya adi, Wöidiö kayukuk logon tiŋdu teŋ nio na köbilu i rekin, a liki likin kulo!

Yeremia 23:16

Nan MATAT lo kurumi lo kulya adi, An ta ko yiŋga ta kulyaesi ti nebijin logon kikikiŋdyö ta kilo, a toyimönöji ta ko yenesi nagon a ’burönö. Lepeŋat jambu rudweesi nagon se a yiyiun kase i töilyet kune, ti gwon a ŋo nagon lupe köyö ko MATAT i kutuk.

Yeremia 23:9

Nan jambu i kulya ti nebijin. Töili lio a ’beleŋo köyö lukata, a kuyu kwe böböŋdi böböŋdu, a nan gwe gwoso ŋuto lo meran logon a tela ko yawa, kogwon kulya ti MATAT se ko kulyaesi kanyit loke.

Yeremia 28:15

A nebi Yeremia kulyani ko nebi Kanania adi, Kanania, yiŋge, MATAT a ko sunyuŋdyo do; do aje tiŋdu kulo ŋutu i yeŋdu na kulya ’burönö.

Delyasi 2:14

Nebijin kulok aje metakiŋdya do kulya kase i toilyet nagon a ’burönö ko a mumulukesi, se a ko timun lyaŋesi kunok anyen nyokuŋdyo do kaŋo i to ’dupien, ama se aje metakiŋdya do kulya kase i toilyet nagon a ’burönö ko a tulyaŋesi.

Ejikele 13:18

kulyani adi. MATAT ŊUN lo kulya adi, Wöidiö ta wate nagon goŋa ru na ŋutu i ripakin-dya na ŋo ti to ’bunun kase i könisi, a teteŋdi möŋdiliet a mukesi ti kusik ti ŋutu nagon ko kiŋajin ka ’de ka ’de! Ta ŋona togoŋa ru na ŋutu kwe a kölö-kiŋdye ru nasu jörun le?

Ejikele 13:4

Do kötumit na Yisaraele, nebijin kulök gwoso gwekan i piritön nagon a rubajin.

Ejikele 34:2

ŋuro lo ŋuto, keŋ keju kulya narok i kulya ti kayukuk ti Yisaraele, keŋ keju ko taki lepeŋat adi, Ta kayukuk, MATAT ŊUN lo kulya adi, Wöidiö, ta kayukuk ti Yisaraele logon deŋdya tunyeju ’börik kilo! Kayukuk ködyö ti tunyeju yidin le?

Osea 9:7

Perok logon ririparikin aje ŋo, iŋkoi, perok logon roroparikin aje ’dur. Kötumit na Yisaraele mo deden. Nebi a lu ’böŋ, ŋuto logon ko mulökötyo keet a mamala, kogwon lyaŋan nasu duma parik se ko maŋdu nasu duma.

Jakaria 11:15

A MATAT kulyani ko nan adi, Köti ’dumuŋdye tito yukisi ko mira-kiŋdye kayukunit logon ’bak ’bulit.

Luka 11:40

Ta ŋutu lu ’böŋ, Kagweyanit lo ŋutu ŋona a gweja kaŋo ka ’de, a ko gweja lukata köti le?

Luka 11:52

Wöidiö ta bodwat ti Saresi! Ta aje ’dumara kaŋo ŋaet lo kotumit nagon ŋutu lupö i kuruŋdyö na kulya; ta ko ’börik a ko lupö nyin, a ta teŋgi ŋutu logon lupö lukata kulo.

1 Korinto 9:16

Ko nan tokujö Loŋe Lo ’but a nan tine bu ’ya mugun, kogwon saret lo ri ’dikiŋdya nan. Iŋkoi, gwon a delya köyö ko nan ti tokujö Loŋe Lo ’but!

1 Timoteo 6:4

ŋilo ŋuto a kabulanit lo kwe, a tine den nene ŋo. Lepeŋ gwoso ŋuto lo mamala a gwe ko ’deket i pipija ko i rerenya i kulya ti tökoresi ti jamesi. Rerenyesi gwoso kine joŋdya yulön, ko woŋon, ko momoröju, ko yeyeesi narok i kulya ti ŋutu,

2 Timoteo 3:9

Lepeŋat mo ti puputuru ŋerot, kogwon ŋutu liŋ mo memet tu ’böŋön nase, gwoso na metari tu ’boŋon na Yane ko na Yambere köju nu.