Ejikele 13:22 - Bibilia Buk na Ŋun nagon koti luŋu a

²² Ta a tomunya-ŋdu töilyet ti ŋutu lo rigwo ko kulya ’burönö, ma ’di nagon nan MATAT ti ’bön koŋdya sona, a ta kölumbö togo ’yi ŋutu lorok anyen lepeŋat ködyö gwon ti löpukwe kaŋo i konesi kase narok anyen lwöggu ru nase.

Ejikele 13:22 Iomraidhean Croise

Yisaya 28:15

Kogwon ta lo kulya adi, Yi a teteŋdya tomoret ko twan, iŋkoi yi a toruk ko pirit na mulökö; a ko kurubat lo baranyaddu a tolöddi kayaŋ kiden a mo tine ’dur kayaŋ ni; kogwon yi koŋdya mumulukesi a yi ’danani kata, a yi aje ’de ’ya ’börik i ’burönö mukök.

Yeremia 23:14

Nan a met nebijin ti Yerusalema i koŋdya na ŋo narok parik, kweja adi lepeŋat totoluŋ, a wöröni i kulya ’burönö, a topo ’yi ŋutu katoronyak, anyen lele ŋuto gwon ti löpukuŋdyö kaŋo kanyit i toron; lepeŋat liŋ aje wora köyö gwoso Sodoma, iŋkoi, ŋutu lo si ’da i ŋina köji kulo gwe gwoso Gomora.

Yeremia 23:17

Lepeŋat jambu diŋitan liŋ ko ŋutu logon lauŋdya kulyaesi kwe ti MATAT kulo adi, Kulya ’kasu mo gwon a na ’but, iŋkoi, a se jamakiŋdye ŋutu liŋ logon kebbu töilyet kase iŋgo kulo adi, Nene ŋo naron mo ti pokin kasu loki.

Yeremia 23:9

Nan jambu i kulya ti nebijin. Töili lio a ’beleŋo köyö lukata, a kuyu kwe böböŋdi böböŋdu, a nan gwe gwoso ŋuto lo meran logon a tela ko yawa, kogwon kulya ti MATAT se ko kulyaesi kanyit loke.

Yeremia 28:16

Nye­nagon MATAT lo kulya adi, Mete, nan mo wuwut do i na kak. I ŋilo kiŋa lo geleŋ lo a do mo twane twan, kogwon do aje jambu kulya togiresi i kulya kwe ti MATAT.

Yeremia 29:31

Soŋdi lore i ŋutu liŋ lo gwon i to ’dupien kulu adi, Nan MATAT lo jambu i kulya ti Semaya lo Nekelam adi, Kogwon Semaya aje kikiŋdyö ta a nan gwe a ko soŋdu lepeŋ, a iŋge tiŋdu ta i yeŋdu na kulya ’burönö,

Yeremia 29:32

nyenagon nan MATAT lo kulya adi, Mete ta, nan mo ririŋ Semaya lo Nekelam se ko nyakwariat kanyit, a lepeŋ mo gwe ’bak lele ŋuto lo gwon jörun i kiden na kulo ŋutu i meddya na gwiliŋit lo ’but logon nan mo koko­nakin ŋutu kwe lo, kogwon lepeŋ a jambu kulya togiresi i kulya kwe ti MATAT. Ŋilo a nan MATAT lo jambu.

Yeremia 34:16

Ama a ta iŋge löpuggö yeyeesi kasu, a toluddye karin kwe, i diŋit nagon ta liŋ geleŋ geleŋ a nyökuŋdyö bot ’dupi kasu lyan ko nawate, kilo a se logon ta aje kölörö a lui gwoso i ’dekesi kase kulo, a iŋge ri ’dikin lepeŋat i gwon a ’dupi kasii.

Yeremia 34:22

Nan MATAT lo kulya adi, Mete ta, nan mo titiŋdu saret, a nan mo nyö­kuŋdye se bot i na köji; a se mo möröni ko lepeŋ, a morgi lepeŋ, a ’yuŋe lepeŋ ko kimaŋ. A nan mo tiŋdi köjinö ti Yuda i gwon a murwöki ’bak ŋutu lo si ’da kata.

Yeremia 4:10

A nan kirut mo ’yi adi, Pon MATAT Ŋun, do ’diri aje mumuluk kilo ŋutu se ko ti Yerusalema i kulya inot adi, Ta mo gwon ko taliŋ, ma ’di nagon baŋdujin a tököki kayaŋ i muruto.

Yeremia 6:14

Lepeŋat gwoso ŋutu logon a ko tolik ’dika na ŋutu kwe ’bura, a kulyani adi, Ta gwe a lo ’but, iŋkoi, ta a lo ’but, ama kudyakan ’dika a ko nyuŋ lik kata yu.

Yeremia 8:11

Lepeŋat gwoso ŋutu logon a ko tolik ’dika na ŋutu kwe ’bura, a kulyani adi, Ta gwe a lo ’but, iŋkoi, ta a lo ’but, ama kudyakan ’dika a ko nyuŋ lik kata yu.

Ejikele 13:16

Kweja adi kilo a nebijin ti Yisaraele logon keju i kulya ti Yerusalema a meddi kulya kase i töilyet adi taliŋ nanyit kata, kudyakan taliŋ ’bayin. Ŋilo a kulyaet lio lo MATAT ŊUN.

Ejikele 18:21

Ama ko ŋuto loron a löpukuŋdyö kapo i toronjin kanyit liŋ nagon nye kökon kune, a ’debbi saresi kwe liŋ lo wuro, a koŋdi po na ’but i saret ko a gwak, ŋilo ŋuto ’diri gwon jorun, lepeŋ ti twan.

Ejikele 18:27

Köti ko ŋuto loron a löpukuŋdyö kapo ’i po narok liŋ nagon nye kökon kune, a koŋdi po nagon a na ’but i saresi ko a gwak, lepeŋ ’diri lwölwök ru nanyit.

Ejikele 9:4

A MATAT takiŋdye lepeŋ adi, Wöröjine i lukata na köji na Yerusalema ’bukuluŋ, wurökiŋdye gwuluet i komorsikan ti ŋutu logon ’du ’duwatu ko dedelya ti ’bön ŋo na mamana na kokona nyu kilo.

Amosa 5:12

Kogwon nan MATAT deden toronjin kasu na kona aka ko se muda, nan deden lyaŋesi kasu jore parik— ta logon sasaŋdu ŋutu logon ’bak kulya, a ta wuji ŋo nagon ropaki a Iwon, a dukaddi ŋutu lo yoŋo ŋo kulo a swot i pirit na putet.