Ejikele 13:2 - Bibilia Buk na Ŋun nagon koti luŋu a

² Ŋuro lo ŋuto, keŋ kulya narok i kulya ti nebijin ti Yisaraele, iŋkoi, keŋ, ko taki se logon kekejutu ŋo nagon po kase i kusik kilo adi, Yiŋge ta kulyaet lo MATAT!

Ejikele 13:2 Iomraidhean Croise

1 Moran 22:19

A Mikaya kulyani adi, Nyenagon yiŋge kulyaet lo MATAT; nan a met MATAT sisi ’da i si ’daet nanyit na tumatyan, a kurumi liŋ na ki gwo ’de gwo ’dan kanyit nyona i könin lonyit lutaten ko lo kadoŋe;

Yisaya 1:10

Ta kasarak ti Sodoma, yiŋge ta kulyaet lo MATAT! Ta ŋutu ti Gomora, gakiŋdye ta swo kasu i todinesi ti ŋun likaŋ!

Yisaya 28:14

Nyenagon ta ka ’döyök, logon a kasarak ti kulo ŋutu Yerusalema ni. yiŋge ta kulyaet lo MATAT!

Yisaya 9:15

A ŋutu lokukwön ko lo bubula gwe a kwe, a nebijin lo todiŋdyö ’burönö kulo gwe a kotet;

Yeremia 23:2

Nyenagon nan MATAT ŋun lo Yisaraele lo jambu i kulya ti kayukuk lo yuggu ŋutu kwe kulo adi, Ta aje torekiŋdya teŋ na köbilu kwe, ta aje rikörö se mu ’diŋ, a ta gwe a ko met se ’bura. Mete ta, nan mo memet ta kogwon konesi kasu narok, ŋilo a nan MATAT lo jambu.

Yeremia 27:14

An ta ko yiŋga ta kulyaesi ti nebijin logon jamakiŋdya ta adi, Ta mo ti kitakiŋdya mor lo Babela, kogwon se kikiŋdyö ta kulya ’burönö.

Yeremia 27:18

A ko lepeŋat ’diri a nebijin, köti ko ködyö kulyaet lio lo MATAT gwon kase, a ti se momo ’yi nan MATAT lo kurumi anyen tito nagon a pituŋdyö i kadi nio na MATAT, ko nagon a pituŋdyö i kadi na mor lo Yuda, se ko nagon a pituŋdyö i Yerusalema kune ködyö gwon ti joŋa Babela yu.

Yeremia 37:19

Kuliya nebijin kulök logon kikiŋdyö do adi, Mor lo Babela mo ti po i mörö ko ta ko i mörö ko lo jur?

Yeremia 5:31

kweja adi nebijin kekejutu ’burönö, a koanejin saŋi gwoso na jambi nebijin na; a ŋutu kwe nyare nyar adi ti gwe sona, ama ta mo koŋdya nyo ko ’dutet a po?

Yeremia 8:10

Nyenagon a nan mo tiŋdi wate kase i kulye ŋutu, a nan mo tiŋdi meleseno kase i ŋutu logon a te ’ya jur lose kulo, kogwon suluja i lo ’di ’dik tojo i ŋutu temejik, lepeŋat liŋ gogoma parik ko ŋo nagon rye i kikolin lorok; iŋkoi, lepeŋat a kamumulukak, suluja i nebijin tojo ko koanejin.

Delyasi 4:13

Kine kulya a pokin kogwon toronjin ti nebijin ti ŋinu köji se ko lyaŋesi ti koanejin kanyit, logon a ’bukuŋdyo rima ti ŋutu ti loti lo rigwo i lukata nanyit.

Ejikele 13:1

A kulyaet lo MATAT poki köyö adi,

Ejikele 13:17

Do ŋuro lo ŋuto, komorgi ŋutu wate ti kötumit nasu nagon kekejutu ŋo nagon po kase i kusik kune, keŋ kulya narok i kulya kase,

Ejikele 13:3

MATAT ŊUN lo kulya sona adi, Wöidiö i nebijin lu ’böŋ logon kekejutu ko mulökötyo keet logon a lose, a tine met nene ŋo kwöŋ kase i töilyet.

Ejikele 16:35

Nyena do kawute, yiŋge kulyaet lio lo MATAT.

Ejikele 22:25

Ŋutu kasarak i lukata nanyit gwon gwoso kömiruöt lo rumön i koja na kijakwa; lepeŋat aje tatuja ŋutu, a ryaggi tukwörienjin kase se ko ŋo na gwörö go, a iŋge tiŋdu karu ’bejin wora jore i lukata nanyit.

Ejikele 22:28

A nebijin lo gwon i lukata nanyit kulo gwe gwoso ŋutu logon we ’ya gorom ko buya, a meta-kiŋdye se ŋo nagon a köpuröt kana kase i töilyet, a konakiŋdye se to ’bunun nagon a ’burönö kana, tuggö adi ŋilo a nan MATAT ŊUN lo kulya, a ki ’doŋ nan MATAT a ko jambu.

Ejikele 34:7

Nyena ta kayukuk, yiŋge ta kulyaet lio lo MATAT.

Ejikele 34:9

nyenagon ta kayukuk, yiŋge ta kulyaet lio lo MATAT.

Mika 3:11

Ŋutu kanyit temejik ’duŋgo putesi ko ŋo na ropaki a Iwon, a koanejin todiŋdye ko ropesi, a nebijin koŋdi to ’bunun ko gurut; ama se toggu ’borik ko MATAT, a pipije adi, MATAT gwon kayaŋ kiden, ’bayin sona le? ŋo naron ’bayin nagon pokin kayaŋ loki.

Mika 3:6

A MATAT kulyani adi, Ko ŋina kwe a kak mo gwe a tukwaje kasu, a ta mo tine meddya kulya kasu i toilyet, a mo gwe a mudwe kasu, a ta mo tine koŋdya to ’bunun. A kolor mo ’dororo kak i kulya kasu ta nebijin, a lor mo worani a mudwe kasu.

Jepania 3:4

Nebijin kanyit a kamumulukak jambu kulya nagon a wuya kana; koanejin kanyit a toluddya ŋo nagon a nake na rurwan, lepeŋat a gubakin saresi ti ŋun kak.