Ejikele 13:19 - Bibilia Buk na Ŋun nagon koti luŋu a

¹⁹ Ta aje toluddya nan i kiden na ŋutu kwe anyen ryeju ’bolot saora ku ’dik logon sune ko könin kulo se ko tupesi ku ’dik ti ambata. A ta joŋdi twan i ŋutu logon ködyö ti twatwa kulo, a ta tiŋdi ru i ŋutu logon ködyö ti ru, kogwon ta a jamakiŋdya ŋutu kwe kulya ’burönö. Kilo ŋutu kwe nyanyar yiŋga kulya mumulukesi.

Ejikele 13:19 Iomraidhean Croise

Tolupesi 17:15

Ŋuto logon ’duŋgo putet lo ŋuto loron adi nye a lo ’but lo, se ko ŋuto logon ’duŋgo putet lo ŋuto lo ’but adi nye a loron lo, MATAT maman kilo ŋutu lio murek,

Tolupesi 19:27

Ŋuro logon kölökindyö yiŋga na tojumisi, lepeŋ a ŋiran i todinesi nakoŋ.

Tolupesi 28:21

’Bayin a na ’but i nyaŋu na swöt geleŋ; ama ŋuto bubulö torondya ko nye a wuju pitönö na ambata.

Yisaya 5:20

Woidio, ŋutu logon luŋgu toron a ’busan, ko ’busan a toron; logon lopuggo mudwe a parara, ko parara a mudwe, logon tiŋdu go na pötwör i gwon paleleŋ, ko go na paleleŋ i gwon pötwör!

Yisaya 56:11

Se a ’dioŋjin lo gwon ko maŋor ŋupi; a se tine yimönö kwöŋ. A kayiŋituk köti gwe ’bak tirikwet; a se liŋ geleŋ geleŋ girara i kikolin kase, ŋuto geleŋ yöŋö ’bulit nanyit, ma ’di i lon swöt.

Yeremia 23:14

Nan a met nebijin ti Yerusalema i koŋdya na ŋo narok parik, kweja adi lepeŋat totoluŋ, a wöröni i kulya ’burönö, a topo ’yi ŋutu katoronyak, anyen lele ŋuto gwon ti löpukuŋdyö kaŋo kanyit i toron; lepeŋat liŋ aje wora köyö gwoso Sodoma, iŋkoi, ŋutu lo si ’da i ŋina köji kulo gwe gwoso Gomora.

Yeremia 23:17

Lepeŋat jambu diŋitan liŋ ko ŋutu logon lauŋdya kulyaesi kwe ti MATAT kulo adi, Kulya ’kasu mo gwon a na ’but, iŋkoi, a se jamakiŋdye ŋutu liŋ logon kebbu töilyet kase iŋgo kulo adi, Nene ŋo naron mo ti pokin kasu loki.

Ejikele 13:20

Nyenagon nan MATAT ŊUN lo kulya sona adi, Mete ta, nan ti ’bön ŋo kasu ti to ’bunun nagon ta lorgi ru na ŋutu kine. Nan mo gigin se kaŋo kasu i könisi, a mo kölöddi ŋutu logon ru nase ta lolok kilo i ’daaddu gwoso kwen.

Ejikele 13:22

Ta a tomunya-ŋdu töilyet ti ŋutu lo rigwo ko kulya ’burönö, ma ’di nagon nan MATAT ti ’bön koŋdya sona, a ta kölumbö togo ’yi ŋutu lorok anyen lepeŋat ködyö gwon ti löpukwe kaŋo i konesi kase narok anyen lwöggu ru nase.

Ejikele 20:39

Nyena ta kötumit na Yisaraele, nan MATAT Ŋun lo kulya adi, A na ’but, ti ta liŋ geleŋ geleŋ iti i kwakwaddu na nyömuejin kasu logon a punyen, ama i mukök ta ’diri mo yiyiŋ nan, a ta mo tine köŋu karin kwe nake ko ’dokesi kasu se ko nyömuejin kasu logon a punyen kilo.

Ejikele 22:25

Ŋutu kasarak i lukata nanyit gwon gwoso kömiruöt lo rumön i koja na kijakwa; lepeŋat aje tatuja ŋutu, a ryaggi tukwörienjin kase se ko ŋo na gwörö go, a iŋge tiŋdu karu ’bejin wora jore i lukata nanyit.

Ejikele 22:26

Koanejin kanyit aje gubakin saresi kwe ti MATAT kak, a iŋge toluddya ŋo kwe nake na rurwan; a lepeŋat gwe a ko koŋa ŋo nake na rurwan ko ŋo nagon abur kana, a se gwe a ko todini-kiŋdyö tuka ’de na kinyojin logon a loke logon a ’buruki anyen nyenyei ko logon ’bayin a loke, a se gwe a ko ’debba sabatajin kwe, a nan kirut iŋge lawe kase kiden.

Ejikele 22:27

Ŋutu lokukwön i lukata nanyit gwon gwoso lujin lo koja kijakwa; lepeŋat ’buköddu rima a tukaŋi ŋutu, anyen wuju ’bulit na rye i kikolin lorok.

Mika 3:11

Ŋutu kanyit temejik ’duŋgo putesi ko ŋo na ropaki a Iwon, a koanejin todiŋdye ko ropesi, a nebijin koŋdi to ’bunun ko gurut; ama se toggu ’borik ko MATAT, a pipije adi, MATAT gwon kayaŋ kiden, ’bayin sona le? ŋo naron ’bayin nagon pokin kayaŋ loki.

Mika 3:5

Kulo a kulyaesi ti MATAT i kulya ti nebijin lo togiŋa ŋutu kanyit. Kilo nebijin ko a tiki ŋo lo nyenyei, a se laije adi, ŋo lio a na ’but, ama ko ŋutu a ko tikin se ŋo lo nyenyei a se teteŋdi moro.

Malaki 1:10

A na ’but kodyo ko lele losu a kiŋdu kotumiton an ta ko mokakiŋdya kimaŋ i pirit nio ’yuret na rubaŋgajin ko kana! Nan MATAT lo kurumi lo kulya adi, Nan ’bak lyoŋon ko ta, koti a nan mo tine wuju nene ’doket kasu i konisi.

Roma 14:15

Nyena ko kinyo logon do nyönyö lo köŋu yeyeesi ti luŋösur lo yubbö lo, kweja adi do ti wörö i nyaŋu kwöŋ. An do ko tikin kinyo logon do nyönyö lo i to ’doroju na ŋuto logon Kristo a twan kogwon kulya kanyit lo.

Roma 16:18

kogwon ŋutu gwoso kilo ’bayin kitakiŋdya Kristo Matat likaŋ, ama lepeŋat kita pelela kase. A lepeŋat mumuluŋge töilyet ti ŋutu logon ’bak kulya kulo ko jamesi lo paleleŋ se ko kulyaesi ’bu ’busesi.

1 Korinto 8:11

Nyena deŋdya inot na kulya kökör ŋuto lomunyan i yupet, ŋilo a luŋaser ilot logon Kristo a twan kogwon kulya kanyit lo.

1 Petero 5:2

Yuŋge ta yidin ti Ŋun na gwon kasu kiden kine. Tiji ta se, ti gwon ko riŋaki, ama kogwon ta a wakun gwoso nagon Ŋun ’de ’dekan na. Tiji ta se ko pusök ti gwon kogwon gurut.

1 Samuele 9:7

A Saula kulyani ko köliŋönit lonyit lo adi, Ama koyi a tu, a yi de jakiŋdye ŋilu ŋuto nyo? Kogwon ambata aje ’baka kayaŋ i jurakan, a ’doket gwe ’bayin nagon jaki ŋuto lo ŋun. Yi nyuŋ gwon ko nyo?