Ejikele 13:17 - Bibilia Buk na Ŋun nagon koti luŋu a

¹⁷ Do ŋuro lo ŋuto, komorgi ŋutu wate ti kötumit nasu nagon kekejutu ŋo nagon po kase i kusik kune, keŋ kulya narok i kulya kase,

Ejikele 13:17 Iomraidhean Croise

2 Moran 22:14

A koane Kilikia, se ko Akikam, ko Akebor, ko Sapana, ko Asaya iti ko Kuleda nagon a nebi yu nakwan na Salum katiyunit lo kadi ’delet na boŋgwat. Ŋilo Salum a ŋuro lo Tikewa. (Ŋina ŋuto si ’da Yerusalema i swöt tomurek lo köji.) A se tujamaki ko lepeŋ.

Nemaya 6:14

Pon ŋun lio, yeyene Tobia ko Sanabalat i kune ŋo nagon se a kon kune, ko köti Noadia nebi narakwan se ko kulye nebijin logon ’dek tokujöŋdu nan kulo.

Yisaya 4:4

A i nu diŋit nagon MATAT aje lalaaddu kaŋo lut ti ŋutu wate ti Siona nu, a nye aje toke ’ya Yerusalema ko köbuŋöt ’duget lo putet logon a tukaret, i kulya ti rima ti ŋutu logon a twatwa kata.

Ejikele 13:2

Ŋuro lo ŋuto, keŋ kulya narok i kulya ti nebijin ti Yisaraele, iŋkoi, keŋ, ko taki se logon kekejutu ŋo nagon po kase i kusik kilo adi, Yiŋge ta kulyaet lo MATAT!

Ejikele 20:46

ŋuro lo ŋuto, löpuköddi komor inot komorga swöt lo loki, jamaki ŋutu ti swot lo loki adi se a lorok, keŋ kulya narok i kulya ti jur logon a rudu lo gwon i jur lo Loki.

Ejikele 21:2

Ŋuro lo ŋuto, löpuköddi komor inot komorga Yerusalema, jambi kulya ti piritön nake na rurwan adi se a narok, ko keŋ kulya narok i kulya ti jur lo Yisaraele.

Ejikele 4:3

’Dumuŋdye doka ko tiki lepeŋ a mariŋ nagon a witi i kiden nasu ko ŋina köji, ko ti do komorgi lepeŋ; a nye mo gwe gwoso nagon a tuma, a do mo lo gwe a katumanit. A kine ŋo na kona kine gwe a kweyet i kötumit na Yisaraele.

Luka 2:36

A nene nebi kata karin kanyit a Ana ŋuro na Panuele, na kötumit na Aser. Lepeŋ a modoŋ parik, aje si ’da ko lalet i pirit na geleŋ ko kiŋajin buryo i mukok na yema nanyit,

Konesi 21:9

Lepeŋ gwon ko ŋwajik wate iŋwan nagon a ko yema, nagon bubulö keju.

2 Petero 2:1

Ama nebijin ’buronok koti köju a pukun ko ŋutu ti Yisaraele kiden, gwoso nagon katodinok ’buronok mo gwon kasu kiden na. Kilo katodinok ’buronok mo sukiŋdyo ŋo nagon a korisi i todiŋdyo nase, ma ’di rerenya Matat logon aje gworuŋdyö se lo, a mo jakiŋdye ’borik korit nagon ’dukin ’de ’de kijek.

Kweyatti 2:20

Ama nan gwon ko kulya na yuyuköri do, adi do a kölökiŋdyö ŋina Ŋuto Yejebele nagon luŋgu mugun a nebi, a do gwe a ko teŋgu lepeŋ. Lepeŋ a togiŋa kölipönök kwe, a todiŋdye lepeŋat i koŋdya na toluŋ ko i nyesu na kinyo logon wuki nyömuejin logon a Ŋunyen.

Ka’duŋök 4:4

A nebi Debora nagon a narakwan na Lapidot gwe a ka ’duŋönit na kulya ti ŋutu ti Yisaraele i nu diŋit.