Ejikele 13:16 - Bibilia Buk na Ŋun nagon koti luŋu a

¹⁶ Kweja adi kilo a nebijin ti Yisaraele logon keju i kulya ti Yerusalema a meddi kulya kase i töilyet adi taliŋ nanyit kata, kudyakan taliŋ ’bayin. Ŋilo a kulyaet lio lo MATAT ŊUN.

Ejikele 13:16 Iomraidhean Croise

Yisaya 48:22

MATAT lo kulya adi, Taliŋ ’bayin i ŋutu lorok.

Yeremia 28:1

A i ŋilu kiŋa lo geleŋ lu, na suluje Sedekia mor lo Yuda i gwon a kasaranit nu, kweja adi i yapa tomukanat lo kiŋa toiŋwan, a Kanania ŋuro lo Ajur, nebi lo po Gibeon jambi ko nan i kadi na MATAT, i komor na koanejin se ko na ŋutu liŋ adi,

Yeremia 29:31

Soŋdi lore i ŋutu liŋ lo gwon i to ’dupien kulu adi, Nan MATAT lo jambu i kulya ti Semaya lo Nekelam adi, Kogwon Semaya aje kikiŋdyö ta a nan gwe a ko soŋdu lepeŋ, a iŋge tiŋdu ta i yeŋdu na kulya ’burönö,

Yeremia 5:31

kweja adi nebijin kekejutu ’burönö, a koanejin saŋi gwoso na jambi nebijin na; a ŋutu kwe nyare nyar adi ti gwe sona, ama ta mo koŋdya nyo ko ’dutet a po?

Yeremia 6:14

Lepeŋat gwoso ŋutu logon a ko tolik ’dika na ŋutu kwe ’bura, a kulyani adi, Ta gwe a lo ’but, iŋkoi, ta a lo ’but, ama kudyakan ’dika a ko nyuŋ lik kata yu.

Yeremia 8:11

Lepeŋat gwoso ŋutu logon a ko tolik ’dika na ŋutu kwe ’bura, a kulyani adi, Ta gwe a lo ’but, iŋkoi, ta a lo ’but, ama kudyakan ’dika a ko nyuŋ lik kata yu.

Ejikele 13:10

Iŋkoi, kogwon lepeŋat a tulyaŋgu ŋutu kwe, kulya adi, Taliŋ kata, ama taliŋ ’bayin; gwoso nagon ko ŋutu ’duggö gorom nagon a mariŋ a kilo nebijin poki i we ’ya ko buya.

Ejikele 13:15

Nan mo tutuŋokin woran nio i ŋina gorom ko i ŋutu lo we ’ya lepeŋ ko buya kulo; a nan mo takiŋdye ta adi, Gorom nagon a mariŋ se ko ŋutu lo we ’ya lepeŋ ko buya kulo gwe ’bayin.

Ejikele 7:25

Ko sasanyesi a po a se mo ga ’yi gwon taliŋ, ama a taliŋ mo gwe ’bayin.