Ejikele 13:14 - Bibilia Buk na Ŋun nagon koti luŋu a

¹⁴ A nan mo duyömökiŋdye ŋina gorom kak nagon ta aje we ’ya ko buya ŋina, a nan mo yayarakiŋdye lepeŋ kak, a pipilesi kanyit mo purune köke. Ko ŋina gorom a ’doro, a ta mo twatwane i lukata nanyit; a ta mo dene den adi nan logon a MATAT.

Ejikele 13:14 Iomraidhean Croise

Saumajin 11:3

Ko togwi ’diesi aje körö, a ŋutu lo rigwo de kondi nyo?

Katokuönit 3:3

diŋit tatuet kata, ko diŋit toliketkata; diŋit kata nagon dukaki ’e po kak, ko diŋit kata nagon gweye ’i ki;

Yisaya 28:17

A nan mo tiŋdi ’duŋgö gwogwo a temet na riki, löti lo rigwo gwe a temet na leleyo i gorom; torok ti kudu mo ’dokoddi mumulukesi nagon ta a ’dana kata kune, a bar mo muluaddi i pirit ’danaet nasu.

Yisaya 30:13

nyenagon a ŋina ŋonyan mo gwe kasu gwoso ki ’ya na gorom najo, nagön a yoŋaddu mugun, a gwe nyöna ko ’doro, a gwalaka nanyit poki ’de ’de kijek;

Yeremia 14:15

Nyena­gon nan MATAT lo kulya i kulya ti nebijin logon kekejutu ko karin kwe kulo ma ’di nan a ko soŋdu lepeŋat, logon kulya adi, Baŋdujin ko dyaŋ mo ti ’dukin i lo jur. Nan kulya sona adi, Kilo nebijin mo totogiröki ko baŋdujin se ko dyaŋ.

Yeremia 23:15

Nyenagon nan MATAT lo kurumi lo jambu i kulya ti nebijin adi, Mete, nan mo tunyeju kulo ŋutu ko lo ’burtölöŋ, a nan mo tumaddi lepeŋat ko pioŋ nagon a wiri; kogwon lauŋdya nase na nan Ŋun aje rekin i jur ’bukuluŋ suluja ko nebijin ti Yerusalema.

Yeremia 6:15

Lepeŋat ŋona ti yu kusik i koŋdya na ŋo na mamana nu le? Kusik kase a nago, lepeŋat ti yu kusik kwöŋ. Nyena lepeŋat mo ’do ’do kak i kiden na ŋutu lo twatwa kulo, lepeŋat guba kak i diŋit nagon nan mo pöri i riŋga na se nu. Ŋilo a nan MATAT lo kulya.

Yeremia 8:12

Lepeŋat ŋona ti yu kusik i koŋdya na ŋo na mamana nu le? Kusik kase a nago, lepeŋat ti yu kusik kwöŋ. Nyena lepeŋat mo ’do ’do kak i kiden na ŋutu lo twatwa kulo, lepeŋat guba kak i diŋit nagon nan mo pöri i riŋga na se nu. Ŋilo a nan MATAT lo kulya.

Ejikele 13:15

Nan mo tutuŋokin woran nio i ŋina gorom ko i ŋutu lo we ’ya lepeŋ ko buya kulo; a nan mo takiŋdye ta adi, Gorom nagon a mariŋ se ko ŋutu lo we ’ya lepeŋ ko buya kulo gwe ’bayin.

Ejikele 13:21

A nan mo kerenyuŋdye möŋdiliet kaŋo kasu i kusik, a nan mo riŋuŋdye ŋutu kwe kaŋo kasu i könisi, a se mo köti tine gwon kasu i könisi a ŋo na loloka. A ta mo dene den adi nan logon a MATAT.

Ejikele 13:23

Nyenagon ta mo köti ti meddya kulya nagon a köpuröt kana kasu i töilyet, a mo tine galuŋdya ŋo i to ’bunun. A nan mo riŋuŋdye ŋutu kwe kaŋo kasu i könisi; a kirut ta mo dene den adi nan logon a MATAT.

Ejikele 13:9

a nan mo möröni ko nebijin logon ŋo na met se kase i töilyet kune a köpuröt kana, a ŋo na galun se i to ’bunun kune gwe a ’burönö. Lepeŋat mo ti morakiŋdya i momoret na ŋutu kwe, a karin kase mo tine wuröki i wuret na kötumit na Yisaraele, a se mo tine lupö i jur lo Yisaraele. A ta mo dene den adi nan logon a MATAT ŊUN.

Ejikele 14:8

Kweja adi nan mo tiŋdu komor nio a naron ko ŋilo ŋuto, a nan mo koŋdi lepeŋ a kweyet ko a giriset, a nan mo ’duŋöddi lepeŋ kaŋo i kiden na ŋutu kwe; a ta mo dene den adi nan logon a MATAT.

Mika 1:6

Nyenagon nan MATAT mo kökon Samaria a sudiet ti rubajin mu ’diŋ yu, ko a pirit ’yutit na kaden ti binyo; a nan mo ’buköddi ŋurupö kanyit kak i pirit na ’dir, a paŋdi pipilesi kanyit.

Abakuk 3:13

Do aje tu i lwöggu na ŋutu kulok, i lwöggu na ŋutu lo welaki kölipö-nök kulök; a do iŋge ŋan kwe na kadi na ŋuto loron a iŋge lalaara gorom kak tojo i pi-pilesi logon a ŋurupö.

Luka 6:49

Ama ŋutu logon yiyiŋ kulyaesi kwe, a tine kon se kilo, se gwon gwoso ŋuto logon nyekakiŋdya kadi i kujöŋ a gwe a ko ’bokara togwi ’diesi kak. A bar lo poŋdi, a baranyaddi ko riŋit i ŋinu kadi, ’de ’de a nye ’dorone ’doro asut adi yurum.