Ejikele 13:10 - Bibilia Buk na Ŋun nagon koti luŋu a

¹⁰ Iŋkoi, kogwon lepeŋat a tulyaŋgu ŋutu kwe, kulya adi, Taliŋ kata, ama taliŋ ’bayin; gwoso nagon ko ŋutu ’duggö gorom nagon a mariŋ a kilo nebijin poki i we ’ya ko buya.

Ejikele 13:10 Iomraidhean Croise

2 Moran 21:9

Ama se ti yiŋga, a Manase togiraddi se i koŋdya na konesi narok lwölwöŋ na koŋdi kulu jurön logon MATAT köju a tukar ko ŋutu ti Yisaraele i komor kulu.

2 Dekat 18:12

A luyökie logon a tu i luŋgu na Mikaya lu kulyani ko lepeŋ adi, Mete, kulu nebijin a jamakiŋdya mor kulyaesi lo ’but ko kutuk geleŋ; nyena böŋö ti kulyaet ilot gwe gwoso lo lele lose, ko jambi kulya nagon a na ’but.

Tolupesi 12:26

Ŋuto lo rigwo lölöpukundyö kaŋo i kiko lo toron, ama kiko lo ŋutu lorok togiraddu lepeŋat.

Yisaya 30:10

a se kulyani ko kametak ti kulya na popo adi, An ta ko meddya ta kulya ti ŋerot; a kulyani ko nebijin adi, An ta ko kikiŋdyö ta yi kulya na rigwo; jamakiŋdye ta yi kulya na pölilyö, kikiŋdye ta yi ŋo na gwon kana,

Yisaya 57:21

Ŋun liŋ lo kulya adi, Taliŋ ’bayin i ŋutu lorok.

Yeremia 14:13

A kirut nan nyobbi adi, Pon MATAT Ŋun, mete, nebijin a takin kulo ŋutu adi, Ta mo ti meddya baŋdu­jin, a ta mo tine gwon ko dyaŋ, ama Ŋun mo tiŋdu ta i yeŋon si ’da taliŋ i na pirit.

Yeremia 23:17

Lepeŋat jambu diŋitan liŋ ko ŋutu logon lauŋdya kulyaesi kwe ti MATAT kulo adi, Kulya ’kasu mo gwon a na ’but, iŋkoi, a se jamakiŋdye ŋutu liŋ logon kebbu töilyet kase iŋgo kulo adi, Nene ŋo naron mo ti pokin kasu loki.

Yeremia 23:32

Nan MATAT lo kulya adi, Nan a miriku lo ŋutu logon kekejutu rudweesi ’burönö a nyönyökokiŋdye ŋutu, a togiraddi ŋutu kwe ko kulya ’burönö kase nagon se a jam a wuya kana kune. Nan ’bayin lo soŋdu se, kode sarakiŋdya se; nyena lepeŋat ti garakin kulo ŋutu kwoŋ. Kilo a kulyaesi kwe ti MATAT.

Yeremia 28:9

A ko nebi logon keju kulya ti taliŋ, a ko kulyaesi ti ŋilo nebi aje kona a gwak, a kirut ŋutu mo dene den adi MATAT ’diri lo soŋdu ŋilo nebi.

Yeremia 4:10

A nan kirut mo ’yi adi, Pon MATAT Ŋun, do ’diri aje mumuluk kilo ŋutu se ko ti Yerusalema i kulya inot adi, Ta mo gwon ko taliŋ, ma ’di nagon baŋdujin a tököki kayaŋ i muruto.

Yeremia 5:31

kweja adi nebijin kekejutu ’burönö, a koanejin saŋi gwoso na jambi nebijin na; a ŋutu kwe nyare nyar adi ti gwe sona, ama ta mo koŋdya nyo ko ’dutet a po?

Yeremia 50:6

Ŋutu kwe a likin gwoso köbilu; kayukuk kase aje tulyapara lepeŋat, a se tiŋdi se i wörö abur i merya; lepeŋat wöröji suluja i merya tojo ko lurwat, a iŋge böŋö pirit nase nagon a goro lose na.

Yeremia 6:14

Lepeŋat gwoso ŋutu logon a ko tolik ’dika na ŋutu kwe ’bura, a kulyani adi, Ta gwe a lo ’but, iŋkoi, ta a lo ’but, ama kudyakan ’dika a ko nyuŋ lik kata yu.

Yeremia 8:11

Lepeŋat gwoso ŋutu logon a ko tolik ’dika na ŋutu kwe ’bura, a kulyani adi, Ta gwe a lo ’but, iŋkoi, ta a lo ’but, ama kudyakan ’dika a ko nyuŋ lik kata yu.

Yeremia 8:15

Yi a yeŋdu gwon taliŋ, ama ŋo na ’but a ko po, yi a yeŋdu diŋit toliket, ama mete ta, a kölumbö gwe a katukarak.

Ejikele 13:16

Kweja adi kilo a nebijin ti Yisaraele logon keju i kulya ti Yerusalema a meddi kulya kase i töilyet adi taliŋ nanyit kata, kudyakan taliŋ ’bayin. Ŋilo a kulyaet lio lo MATAT ŊUN.

Ejikele 22:28

A nebijin lo gwon i lukata nanyit kulo gwe gwoso ŋutu logon we ’ya gorom ko buya, a meta-kiŋdye se ŋo nagon a köpuröt kana kase i töilyet, a konakiŋdye se to ’bunun nagon a ’burönö kana, tuggö adi ŋilo a nan MATAT ŊUN lo kulya, a ki ’doŋ nan MATAT a ko jambu.

Ejikele 7:25

Ko sasanyesi a po a se mo ga ’yi gwon taliŋ, ama a taliŋ mo gwe ’bayin.

Osea 9:7

Perok logon ririparikin aje ŋo, iŋkoi, perok logon roroparikin aje ’dur. Kötumit na Yisaraele mo deden. Nebi a lu ’böŋ, ŋuto logon ko mulökötyo keet a mamala, kogwon lyaŋan nasu duma parik se ko maŋdu nasu duma.

Mika 2:11

Ko lele ŋuto logon ko mulökötyo lo mumulugga wöwöröji jamaddu kulya ’burönö adi, Nan tokukiŋdyo ta kulya ti binyo se ko ti yawa na pötwör, lepeŋ kodyo lo gwon a nebi logon kilo ŋutu nyanyar!

Malaki 3:15

Nyenagon a yi luŋgi kabulak ti kusik a kalyoŋok; iŋkoi katoronyak a puputuru ŋerot; iŋkoi a se mori ŋun ama a se iŋge rwoddu.

1 Tesalonike 5:3

A na kulyari ŋutu adi ŋo liŋ gwe taliŋ ko gwe ’bura nu, a ’de ’de kijek körit ’duki i se gwoso na pokiŋdye ta ’du i ŋuto na gwon ko pele na, a se tine rwoddu kwöŋ.

1 Timoteo 4:1

Mulökötyo Loke a jambu kokeadi, i diŋitan ti mukök kulye ŋutu mo kökolökin yupet, a lepeŋat mo yiŋge muloko ’burönök se ko todinesi ti mulökö lorok.

2 Timoteo 3:13

Ama ŋutu lorok se ko kamumulukak mo puputuru ŋerot i toroŋdya. Lepeŋat mumulugga kulye ŋutu, ama a se koti mumulukani mumuluka.

1 Yoane 2:26

Nan wurokiŋdyo ta kine kulya i kulya ti ŋutu logon ’dek togiŋa ta.

Kweyatti 2:20

Ama nan gwon ko kulya na yuyuköri do, adi do a kölökiŋdyö ŋina Ŋuto Yejebele nagon luŋgu mugun a nebi, a do gwe a ko teŋgu lepeŋ. Lepeŋ a togiŋa kölipönök kwe, a todiŋdye lepeŋat i koŋdya na toluŋ ko i nyesu na kinyo logon wuki nyömuejin logon a Ŋunyen.