Ejikele 12:6 - Bibilia Buk na Ŋun nagon koti luŋu a

⁶ A i sömukö, ’dumuŋdye tito kunök ko ’dukukiŋdye se konut i kwe ko iti kaŋo a lepeŋat memeddya. Ti do muke muk komor inot anyen do gwon ti met jur. Kogwon nan koŋdya do a kweyet i ŋutu ti kötumit na Yisaraele.

Ejikele 12:6 Iomraidhean Croise

2 Samuele 15:30

Ama a Dawidi kije ki i mere lo Jeitun, gwigwiörö ko kwe nanyit a mukö, a nye wöröni ’bak kamuka; a ŋutu liŋ logon a tu ko lepeŋ kulo köti muŋge kusik kase, a se kije ki gwigwi-örö.

2 Moran 7:5

A se ŋine ŋien i korikori na kak a iti i mera na ŋutu ti Suria; ama a se ko ’dure i tule na mera na ŋutu ti Suria, mete, a lele ŋuto gwe ’bayin nyu.

Eyobo 24:17

Kogwon mudwe logon adi ’dii gwon a ko ’bure ko lepeŋat liŋ; lepeŋat a diniki tokujönöesi ti tukwaje lurwö.

Yisaya 8:18

Mete, nan se ko ŋwajik logon MATAT a tin nan kilo gwon a kweyesi ko a sörösi i Yisaraele ko MATAT lo kurumi logon sisi ’da i mere Siona.

Ejikele 12:13

Ama nan MATAT mo gugubakin birya kanyit loki, a ŋina birya nio mo morgi lepeŋ. A nan mo joŋgi lepeŋ tojo Babela i jur lo ŋutu ti Kaledea, ama a nye mo tine met ŋilu jur; a nye mo twaki nyu.

Ejikele 12:5

Do mo tulökiŋdyö dili i gorom a lepeŋat memeddya, anyen do yekuŋdya tito kunök kaŋo kata.

Ejikele 24:24

A Ejikele mo gwe a kweyet kasu; ŋo liŋ nagon nye a kon kine ta mo köti kökon se. Ko kine ŋo mo a pukun a ta mo kirut dene den adi nan logon a MATAT ŊUN.

Ejikele 4:3

’Dumuŋdye doka ko tiki lepeŋ a mariŋ nagon a witi i kiden nasu ko ŋina köji, ko ti do komorgi lepeŋ; a nye mo gwe gwoso nagon a tuma, a do mo lo gwe a katumanit. A kine ŋo na kona kine gwe a kweyet i kötumit na Yisaraele.

Jakaria 3:8

Do Yosua koane duma, se ko julin kulok logon si ’da konut i komor kilo, boŋo yiŋge ta, kogwon ta a ŋutu logon a kweyesi ti ŋo na popo. Mete, nan mo towiluŋdya koliponit lio logon a Kene.

1 Samuele 28:8

A Saula löpuŋge mugun, a jupu-kiŋdye kuniŋ boŋgwat, a iti se ko kulye ŋutu murek i pirit na geleŋ, a se ’dure ko ŋinu ŋuto yu kwaje. A nye kulyani adi, Böŋö dolaki nan ko paret na mian kulök, ko luŋuki nan ŋuto logon nan a ’diŋdya karin kanyit lo.